LUKAS 9:35 - BALA LUK DO'

³⁵ Inan aceh, tang rat bang laput ineh luk nepebala, “Ini AnakKu luk pinili'. Do' muyuh ninger Neneh.”

LUKAS 9:35 Iomraidhean Croise

YESAYA 42:1

Kebala Tuhan, “Ini DemulunKu luk uenKu ngetueh — Lun luk pinili'Ku luk inanKu mawang niat. Ui nemanu' Neneh ku laludKu; Ieh ngacing luk mesiri kuan amung pupu.

MATIUS 12:18

“Ini demulun luk pangeh pinili'Ku, Ieh luk inanKu mawa, idi Ui mawang niat Neneh. Ui sikal maré RohKu tudo luunNeh, idi Ieh sikal mada' ukum kuan amung-amung lun pupu baken.

MATIUS 3:17

Idi inan aceh tang rat bang langit luk nepebala, “Ini AnakKu luk inanKu mawa, idi Ui mawang niat Neneh.”

MARKUS 1:11

Idi inan aceh tang rat bang langit, “Iko ini AnakKu luk inanKu mawa, idi Ui mawang niat Namu!”

LUKAS 3:22

idi Roh Meligan netemurun luunNeh maya' ayu burur, mepad kudeng aceh suit sukur. Idi inan aceh tang rat bang langit luk pabala, “Iko ini AnakKu luk inanKu mawa. Ui mawang niat Namu.”

LUKAS 9:34

Uned ieh pebala kudeng ineh, aceh laput nacing ngelungung nedeh; idi ideh matot kareb ideh bang laput ineh.

YAHYA 12:28

O Ama', ngerayeh ngadanMu!” Idi aceh tang rat bang langit nepebala, “Ui pangeh nengerayeh Neneh, idi Ui sikal ngerayeh Neneh teh.”

YAHYA 3:16

Ngaceku Allah mawa kuan uang tana' ini, pad Ieh nemaré Anak bulengNeh, idi idé'-idé luk manu Neneh na miak maté, iamo' ieh ngalap ulun luk meruked.

IBERANI 2:3

Kudeng apehké tau miak mepuit kudeng tau na ngerawé ulun luk kudeng ineh rayeh? Tuhan pun-pun nemada' ratnan ulun ineh, idi lemulun luk neninger balaNeh nengegala' kuan tau ratnan bala ineh matu.

IBERANI 3:15

Ngaceku pangeh inayud: “Bang aco sini kudeng muyuh ninger balaNeh, aleg muyuh ngetueh niat muyuh mepad kudeng bang kareb muyuh sikal metueh.”

IBERANI 5:9

Kareb Ieh pangeh linigan, Ieh mangun ku lawa ulun luk meruked kuan amung lemulun luk maya' balaNeh,