LUKAS 9:33 - BALA LUK DO'

³³ Kareb dueh burur lemulun ineh sikal patad rat Neneh, keburi' Pétrus kuan Yésus, “O Guru, do' tau tudo ieni; nima' nekai mudut teluh lepo, sebuleng kuanMu, sebuleng kuan Musa, idi sebuleng kuan Elia.” Iamo' na ieh kali' anun luk pangeh bilaneh ineh.

LUKAS 9:33 Iomraidhean Croise

NANI UBUR 27:4

Sebuleng mo' luk pinutuhku ratnan Tuhan; sebuleng mo' luk pianku: ieh ineh mudeng bang ruma' Tuhan ruked ulunku, pad mawa ku do'Neh, idi mutuh pedengan rat Neneh.

NANI UBUR 73:28

Iamo' kuanku, pelaba do' muneng inan Allah! Idi Tuhan Allah mangun ku Libungku, pad ui mada' amung-amung luk inau' Neh.

MATIUS 17:14

Idi kareb ideh nacing nelun mula', inan aceh lemulun iné' idi netekeradung Neneh, keburi neh,

MATIUS 17:4

Idi Pétrus nepebala inan Yésus, “O Tuhan, do' tau tudo ieni; kudeng Tuhan pian, ui sikal mudut teluh lepo ieni; sebuleng kuanMu, sebuleng kuan Musa, idi sebuleng kuan Elia teh.”

MARKUS 10:38

Iamo' kebala Yésus nedidueh, “Medueh na kali' luk pinutuh medueh. Miakké medueh ngirup ratnan sangkir derehKu ini? Idi miakké medueh rerebpen maya' lawé rerebKu?”

LUKAS 5:5

Idi kebala Simun, “O Tuhan, kedangan-kedangan kai nengerabat, sebuleng pana' nateh luk ilap kai; iamo' ngaceku ratnan ecukMu ui miak mepet rabat ineh.”

LUKAS 9:34

Uned ieh pebala kudeng ineh, aceh laput nacing ngelungung nedeh; idi ideh matot kareb ideh bang laput ineh.

LUKAS 9:49

Idi Yahya nepebala, “O Guru, kai pangeh nenier seburur lemulun luk nala' ada' bang ngadanMu; idi kai nemebpeng neneh ngaceku na ieh maya' nekai.”

YAHYA 14:8

Idi keburi' Pilipus Neneh, “O Tuhan, mada' Taman ineh siren kai, pad kai mawang niat.”

2 KORINTUS 4:6

Allah luk pangeh nepebala, “Do' acang ineh merasat rat bang dacem,” Ieh ineh teh luk merasat bang niat kai, pad ngacang netau ku ileh ratnan rayeh Allah luk merasat nan kiung Yésus Keristus.