LUKAS 9:32 - BALA LUK DO'

³² Idi Pétrus idi lun denganneh uned rudap, iamo' kareb diteluh nekulat idi diteluh nenier rayeh Yésus idi dueh burur lemulun luk tuped iringNeh ineh.

LUKAS 9:32 Iomraidhean Croise

YESAYA 60:19

“Aco na mangun ku acangmu kareb maco, idi bulan na mangun ku acangmu kareb medacem; Ui ini Tuhan luk mangun ku acangmu luk meruked. Acang rayehKu miak merasat luunmu;

DANIEL 10:9

Kareb ui neninger balaNeh, idi ui neluka' tekulub luun tana' idi na kali' anun-anun.

DANIEL 8:18

Uned ieh pegayam negku, idi ui nelepu. Ieh nengimet negku idi ieh nengiding negku,

MARKUS 14:40

Idi Ieh nelemubed, idi Ieh nenier nedeh rudap teh, ngaceku ideh medacep mateh. Idi na ideh kali' anun luk miak beléndeh Neneh.

YAHYA 1:14

Bala ineh pangeh mangun ku lemulun idi netudo arang tau. Tau pangeh nenier rayehNeh luk mepanu' ku katu idi luk matu. Ieh ineh rayeh luk ilapNeh ngaceku Ieh Anak sebuleng Allah Taman.

YAHYA 17:24

“O Ama', pianKu idi lemulun luk pangeh biréMu Negku ineh idi denganKu iapeh-iapeh luk inanKu, pad ideh miak nier rayehKu luk pangeh biréMu Negku, ngaceku Iko pangeh mawa Negku atun ratnan tana' ini pinudut.

2 PETRUS 1:16

Na kai nemaya' dalan ago luk mebalih, kareb kai ngegala' kuan muyuh ratnan lalud idi acing Tuhan tau Yésus Keristus, iamo' kai sebuleng pangeh nenier rayehNeh.

1 YAHYA 3:2

O amung-amung luk inanku mawa, nekini tau ini anak-anak Allah, idi nateh tau kali' kudeng apeh luk mangun kuan tau muci. Iamo' tau kali' idi kareb Ieh pangeh megala', tau pana' mepad kudeng Ieh, ngaceku tau nier Neneh mepad kudeng Ieh idi.