LUKAS 9:26 - BALA LUK DO'

²⁶ Ngaceku idé-idé luk migu' ngamo Negku idi balaKu, idi Anak-Lemulun ineh pana' migu' ngamo neneh, kareb Ieh macing dengan rayehNeh sebuleng idi dengan rayeh TamanNeh, idi dengan rayeh melaikat-melaikatNeh luk meligan.

LUKAS 9:26 Iomraidhean Croise

YESAYA 53:3

Tau megateh Neneh idi na pian Neneh Ieh mesusa' idi medereh. Seburur pana' nateh luk pian nier Neneh. Tau nengarung Neneh mepad kudeng lemulun luk na ulek.

DANIEL 7:10

idi apui neremuat ratnan kerusi ineh mepad kudeng abpa' luk manud. Idi ribu-ribu lemulun ngedengan Neneh, idi teh meluun ula' ratnan ineh netuped pa kiungNeh. Idi ideh nengukab amung surat idi ideh nengimun besara'.

MATIUS 16:27

Ngaceku Anak-Lemulun sikal macing dengan rayeh TamanNeh, idi dengan melaikat-melaikatNeh. Kareb ineh Ieh sikal ngua' kuan anid-anid lemulun maya' kekamenneh.

MATIUS 25:31

“Kareb Anak-Lemulun macing mangun ku raca' dengan amung melaikatNeh, idi Ieh miak tudo luun kerusiNeh,

MATIUS 26:64

Kebala Yésus neneh, “Mepad kudeng luk bilamu. Iamo' Ui pebala nemuyuh, rat pad sini muyuh miak nier Anak-Lemulun tudo pa tinueh Luk Melalud, idi amé' luun iaput rat surga.”

MARKUS 8:38

Ngaceku ineh idé-idé luk migu' ngamo Negku idi balaKu teh arang pupu luk pasét idi mesala' ini, idi Anak-Lemulun ine pana' migu' ngamo neneh kareb Ieh macing dengan rayeh TamanNeh dengan melaikat-melaikatNeh luk meligan.”

YAHYA 12:43

Ideh sikal buren lemulun, iamo' na pian buren Allah.

YAHYA 5:44

Kudeng apehké muyuh miak manu, laba' muyuh nakap rayeh rat arang muyuh sebuleng, iamo' na muyuh nakap rayeh ratnan Allah luk Sebuleng ineh?

KEKAMEN RASUL-RASUL 10:22

Idi keburi'deh, “Ngaceku Kornilius, seburur lun rayeh baweh nengecuk nekai amé'. Ieh ineh seburur lemulun luk matu luk sembayang inan Allah. Idi ieh buren amung lun Yahudi. Melaikat Allah nengecuk neneh neteng namu amé' ruma'neh ninger bala rat namu.”

SURAT LUK BIRE PAULUS KUAN LUN RUM 1:16

Ngaceku na ui migu' ngamo Bala luk Do' ineh; ngaceku ieh ineh lalud Allah luk ngacing ulun kuan anid-anid lemulun luk manu, pun-pun kuan lun Yahudi, idi kuan pun pupu baken pana'.

2 KORINTUS 12:10

Ini punneh amung-amung laya', kediman, asi', dereh idi susa' mangun ku awang kuanku ngaceku Kristus. Ngaceku kareb ui melaya', kareb ineh teh ui metueh peh.

GALATIA 6:14

Iamo' na ui pian medita' niat ku luk baken ratnan salib Tuhan tau Yésus Keristus. Ngaceku ratnan salibNeh ineh, tana' ini sinalib kuanku, idi ui pana' sinalib kuan tana' ini.

1 TIMOTIUS 5:21

Idi ui periteteng namu pa kiung Allah idi Yésus Keristus idi amung melaikat luk meligan, do' iko maya' bala ini dengan na mili' lemulun, idi dengan na ngerawé seburur meluun ratnan lun baken.

2 TIMOTIUS 1:12

Ineh punneh ui ngalap medereh bang amung ini. Iamo' na ui migu', ngaceku ui kali' idé luk inanku merapet ineh, idi ui kali' Ieh melalud miak ngasa' baréku pad macing Aco ineh.

2 TIMOTIUS 2:12

Kudeng tau megéi' medereh tau miak ngimet pad-pad denganNeh. Kudeng tau ngalum Neneh, Ieh pana' ngalum netau.

IBERANI 11:26

Ngaceku bang terawéneh kediman ngaceku Keristus meluun rayeh raganeh rantan amung-amung binaweh Masir, ngaceku ieh nengerawé tabpar luk miak macing.

IBERANI 13:13

Ngaceku ineh do' tau remuat amé' matun Neneh, mado ratnan su luk inan lupo ineh, idi mabeh susa'Neh.

YAHUDA 1:14

Idi kuandeh ineh teh Enok, mupun luk keanem ratnan Adam, nemada' atun, keburi'neh, “Siruh, Tuhan macing dengan tuda'-tda' ngepulu' ribu melaikatNeh luk meligan,

BALA LUK LINIO 1:7

Siruh, Ieh macing dengan laput! Ieh miak siren amung lemulun, meluun teh lemulun luk nenebpek Neneh; idi amung-amung pupu bang tana' ini miak temido Neneh. Kali' rungen ineh mangun. Amin!

BALA LUK LINIO 20:11

Idi ui nenier aceh kerusi rayeh luk mebuda' idi Luk tudo luunneh ineh. Tana' idi langit netutu' rat pa kiungNeh, pad ineh na miak siren teh.

BALA LUK LINIO 21:8

Iamo' kuan lun luk matot, idi lun luk na manu, lun luk melutak, lun luk ngaté, lun luk pasét, lun luk mangun idi sembayang inan akang, idi lun luk mebalih, babpatdeh ineh inan déi' bang takung luk mebudung ku apui idi batu apui, ieh ineh até luk kedueh.”

BALA LUK LINIO 3:5

Lemulun luk metueh miak uen ngayung ku ayung luk mebuda', idi na tu-tu Ui miak ngiu' ngadandeh rat bang surat ulun ineh. Ui miak ngamo ngadandeh pa kiung TamanKu idi pa kiung melaikat-melaikatNeh.