LUKAS 9:24 - BALA LUK DO'

²⁴ Lemulun luk ngerawé ulunneh sebuleng na ngalap ulun luk matu; iamo' lemulun luk na ngerawé ulunneh sebuleng ngaceku Ui, ieh miak ngalap ulun luk matu.

LUKAS 9:24 Iomraidhean Croise

LUN LUK MADA' 3:6

Ieh ngeletep kareb nakap idi kareb nutu'; inan kareb nganug idi inan kareb nala';

MATIUS 10:39

Lemulun luk ngerawé ulunneh sebuleng, na miak ngalap ulun luk matu; iamo' lemulun luk na ngerawé ulunneh sebuleng ngaceku Ui, ieh luk miak ngalap ulun luk matu.

LUKAS 17:33

Lemulun luk ngerawé ulunneh sebuleng na miak ngalap ulun luk matu; iamo' lemulun luk na ngerawé ulunneh sebuleng, ieh miak ngalap ulun luk matu.

YAHYA 12:25

Lemulun luk mawa inan ulunneh na miak ngalap ulun luk matu, idi idé luk megateh inan ulunneh bang tana' ini, miak ngalap ulun luk matu, ieh ineh ulun luk meruked.

IBERANI 11:35

Ratnan anu teh tuda'-tuda' decur nengalap nelun luk naté bang tetek ruma'deh muli' mulun. Idi luk baken pangeh pidereh, idi na ideh sikal puatin, pad ideh miak ngalap tui luk meluun do'.

BALA LUK LINIO 12:11

Kinanak-kinanak tau nengelaya' neneh ku dara' Anak Dumba ineh, idi ku bala luk nekali'deh ineh, idi ideh na méi' inan ulun didueh sagan pana' maté.

BALA LUK LINIO 2:10

Aleg iko matot ku susa' luk macing namu teh. Siruh, Iblis sikal nuet sebuang muyuh bang tutup, pad muyuh tetunin; idi muyuh miak ngalap dereh teh bang pulu' aco kinioneh. Do' iko lutep pad macing maté, idi Ui miak maré kuanmu pata ulun ineh.