LUKAS 9:20 - BALA LUK DO'

²⁰ Idi keburi'Neh nedeh, “Iamo' maya' terawé muyuh ini, idéké Ui?” Idi kebala Pétrus Neneh, “Keristus luk ratnan Allah.”

LUKAS 9:20 Iomraidhean Croise

MATIUS 22:42

“Kudeng apehké terawé muyuh ratnan Keristus? Anak idéké Ieh?” Idi keburi'deh Neneh, “Anak Daud.”

MATIUS 26:63

Iamo' Yésus pirud mo'. Idi keburi' Imam Rayeh Neneh, “Ui ngecuk Namu pebulung ku ngadan Allah luk mulun, idi mada' nekai kudeng matu Iko Keristus Anak Allah.”

MATIUS 5:47

Idi kudeng muyuh maré tabi' kuan kinanak-kinanak muyuh mo' sebuleng, do'ké kekamen muyuh rat nelun baken? Lun na manu pana' nganau' luk kudeng ineh teh.

MARKUS 14:61

Iamo' Yésus pirud, idi na Ieh nengor sebila' bala pana'. Idi sekua' teh Imam Rayeh ineh nengitun Neneh, “Matuké Iko Keristus, Anak Allah luk buren ineh?”

MARKUS 8:29

Idi Yésus nengitun nedeh, “Kudeng buri' muyuh ini, idéké Ui ini?” Idi kebala Pétrus, “Iko Keristus.”

LUKAS 22:67

Idi keburi'deh, “Kudeng matu Iko Keristus, do' mala kuan kai.” Iamo' kebala Yésus nedeh, “Kudeng Ui mala nemuyuh, muyuh na manu Negku;

LUKAS 9:19

Idi kebaladeh Neneh, “Yahya luk Ngerereb.” Iamo' inan luk pebala, “Elia.” Idi inan teh luk pebala, “Seburur rat arang nabi luk mon pangeh netumui.”

YAHYA 1:41

Idi Andrias nepapu' kinanakneh Simun, idi nepebala neneh, “Kai pangeh nepapu' Mesias” (luk ilungneh Keristus).

YAHYA 1:49

Idi keburi' Nataniel Neneh, “O Guru, Iko Anak Allah! Iko luk Raca' lun pupu Israil!”

YAHYA 11:27

Idi kebala Marta, “Mo, Tuhan, ui manu idi Iko ineh Keristus, Anak Allah, luk macing bang tana' ini.”

YAHYA 20:31

Amung-amung ini pangeh inayud, pad muyuh miak manu, idi Yésus ineh Keristus, Anak Allah, pad muyuh luk manu ineh miak ngalap ulun bang ngadanNeh.

YAHYA 4:29

“Amé' muyuh nier lemulun luk mada' negku ratnan amung-amung luk inau'ku. Bakenké Ieh ini Keristus?”

YAHYA 4:42

Idi kebaladeh nan decur ineh, “Nekini kai manu, baken ngaceku luk bilamu mo', iamo' kai sebuleng pangeh neninger balaNeh idi kai nekali', idi Ieh ineh Lun Nengulun tana' ini.”

YAHYA 7:41

Lun baken nepebala, “Ieh ini Keristus.” Inan teh lun baken nepebala, “Keristus na miak macing rat Galilia!

KEKAMEN RASUL-RASUL 17:3

dengan nemada' idi nengelio ratnan Keristus na miak na medereh idi tumui rat arang lun naté, keburi'neh, “Yésus luk ui mada' kuan muyuh, Ieh ineh Keristus.”

KEKAMEN RASUL-RASUL 8:36

Kareb didueh uned maya' dalan ineh, idi didueh nacing inan aceh abpa'. Idi lemulun luk pinani' ineh nepebala, “Ieni inan abpa', anunké luk mebpeng negku na rerebpen?” [

KEKAMEN RASUL-RASUL 9:22

Idi bada' Saul iuk-iuk melalud, idi ieh nengelaya' nelun Yahudi luk tudo déi' bawang Damsik ineh, kareb ieh nengegala' Yésus ineh Keristus peh.

1 YAHYA 5:1

Idé-idé luk manu idi Yésus ineh Keristus, idi lemulun ineh tinganak ratnan Allah, idi idé-idé luk mawa inan Taman, ieh pana' mawa inan anakNeh teh.