LUKAS 9:11 - BALA LUK DO'

¹¹ Kareb lun mula' nekali' ratnan ineh, idi amung-amungdeh nemaya' Neneh. Yésus nenawar nedeh, idi nepegayam nedeh ratnan Imet Allah, idi Ieh nengedo' lemulun luk sikal uen ngedo'.

LUKAS 9:11 Iomraidhean Croise

YESAYA 61:1

Roh Tuhan Allah idi pa luunKu, ngaceku Ieh pangeh nengumau Negku, Pad Ui mada' Bala luk Do' kuan lun masi', idi ngedo' lemulun luk nginuud idi mebeneh niat, idi mada' puit kuan lemulun luk tiban, idi teh kuan lemulun luk tinutup.

MATIUS 12:15

Idi kareb Yésus nekali' piandeh, Ieh neburo rat déi'. Idi mula' lemulun nemaya' puetNeh, idi Ieh nengedo' amung-amungdeh.

MATIUS 14:14

Idi kareb Yésus neremuat Ieh nenier pelaba ula' lemulun, idi Ieh méi' nedeh, idi nengedo' lemulun luk mét arangdeh.

MATIUS 21:31

Sapehké rat arang dueh anak ineh luk nemaya' pian tamanneh?” Idi keburi'deh Neneh, “Seluk atun.” Idi Yésus nepebala nedeh, “Ui pebala nemuyuh, lemulun luk ngamang usin pupuk idi decur-decur luk mesawa' semuet bang Imet Allah pa atun muyuh.

MATIUS 21:43

Kebala Yésus, “Ngaceku ineh Ui pebala nemuyuh, Imet Alla miak lapen rat nemuyuh, idi barén kuan aceh pupu luk ngeruat bua' luk petulu. (

LUKAS 1:53

Lemulun luk melau binorNeh ku luk do', idi lemulun luk lun do' icukNeh buro dengan na uang.

LUKAS 5:31

Idi kebala Yésus, “Lemulun luk do' burur na ulek kuan lun ngubat, iamo' lemulun luk mét.

LUKAS 8:1

Na mio ratnan ineh, idi Yésus nenalan libut-libut bawang idi ruma' ineh, idi nemada' Bala luk Do' ratnan Imet Allah. Idi pulu' dueh anak sekola' ineh nemaya' Neneh.

LUKAS 8:10

Idi kebala Yésus nedeh, “Pangeh biré nemuyuh do' kali' bala luk inalum ratnan Imet Allah, iamo' kuan lemulun luk baken ineh dengan luk pinginud, pelé kareb ideh nier, na luk sinierdeh, idi kareb ideh ninger pana' na ideh kali' ilungneh.”

LUKAS 9:10

Rasul-rasul Yésus nelemubed, idi nemada' Neneh ratnan amung-amung luk pangeh inau'deh. Idi Ieh nenguit nedeh nala amé' bang aceh bawang luk ngadanneh Baitsaida.

LUKAS 9:12

Kareb aco macep, idi pulu' dueh anak sekola'Neh ineh iné' Neneh idi nepebala, “Ngecuk lun mula' ini muli' amé' déi' lati' idi ruma' luk muneng pad ideh miak tudo déi' idi nakap akan kuandeh sebuleng, ngaceku su luk inan tau ini mali tu.”

LUKAS 9:2

Idi Ieh nengecuk nedeh mada' Imet Allah idi ngedo' lemulun luk mét.

YAHYA 4:34

Idi kebala Yésus nedeh, “AkanKu, ieh ineh nganau' luk pianNeh luk nengecuk Negku, idi ngeriput kekamenNeh.

YAHYA 6:37

Anid-anid lemulun luk barén Taman Negku miak amé' Negku, idi lemulun luk amé' Negku na tu-tu uenKu ngarung.

KEKAMEN RASUL-RASUL 28:31

Ieh nemada' ratnan Imet Allah idi ratnan Tuhan Yésus Keristus dengan mekuu' niat idi dengan na lun mebpeng peh.

SURAT LUK BIRE PAULUS KUAN LUN RUM 10:14

Iamo' kudeng apehké ideh miak nawar Luk nateh ideh nemanu? Idi kudeng apehké ideh miak manu Luk nateh ideh neninger? Idi kudeng apehké ideh miak ninger kudeng nateh ideh bida'?

SURAT LUK BIRE PAULUS KUAN LUN RUM 10:17

Ngaceku ineh anu ineh macing ratnan ninger bada', iamo' bada' ineh macing ratnan bala Keristus.

SURAT LUK BIRE PAULUS KUAN LUN RUM 15:3

Ngaceku Keristus pana' na nengerawé bururNeh sebuleng, iamo' kudeng luk pangeh inayud, “Idi amung-amung adu' lemulun luk ngilang Namu, pangeh mebpeh luun bururku.”

2 TIMOTIUS 4:2

mada' bala ineh, idi do' iko temina', do' bang kareb luk do' idi bang kareb luk na do', ngegala' sala' lemulun, mebpeng idi mada' dengan mekadang niat.

IBERANI 4:16

Ngaceku ineh do' tau amé' matun kerusi katu Allah dengan niat luk mekuu', pad tau ngalap éi' idi katu luk ngedengan netau bang kareb luk petulu.