LUKAS 9:1 - BALA LUK DO'

¹ Yésus nenawar pulu' dueh anak sekola'Neh, idi nemaré tueh idi lalud kuandeh, pad ideh miak ngusu ada' idi ngedo' amung-amung luk mét.

LUKAS 9:1 Iomraidhean Croise

MATIUS 16:19

Ui maré namu amung-amung taka Imet surga; idi anun-anun luk iko ngabet bang tana' ini, ieh ineh betin bang surga, idi anun-anun luk iko neka bang tana' ini, ieh ineh teh takan bang surga.”

MATIUS 4:24

Idi bala ratnan Yésus nepiar aput bawang Siria, idi ideh nenguit amung-amung lun luk mét amé' Neneh, idi sebuang mét dengan riput-riput luk mét. Inan sebuang luk sinuet ada', inan teh luk mét meruai, idi inan teh sebuang luk meliai, idi Ieh nengedo' nedeh.

MATIUS 8:9

Ui pana' selemulun luk pa liang ukum idi pa liang ukum dui pana' inan lun pebunu', idi ui pebala kuan sebururdeh, ‘Amé' iko,’ idi ieh pana' amé'; idi kuan seburur luk baken teh, ‘Amé' tungé',’ idi ieh macing, idi kuan demulunku, ‘Do' nganau' ini,’ idi ieh pana' nganau'.”

LUKAS 10:1

Pangeh ineh, idi Tuhan pana' nemili' tudu' ngepulu' dueh burur lemulun, idi nengecuk nedeh tedueh-tedueh amé' pa atunNeh bang anid-anid bawang idi su luk inanNeh pian amé'.

LUKAS 10:19

Ninger do'-do', Ui pangeh nemaré nemuyuh lalud ngeradu' menipeh idi menipal kara', idi lalud pa luun amung-amung tueh Bunu' ineh, idi sebuleng pana' na miak ngesabeng nemuyuh.

YAHYA 14:12

Matu, Ui pebala nemuyuh, idé luk manu Negku, ieh pana' miak nganau' kekamen luk ruenKu, idi ieh miak nganau' kekamen luk meluun rayeh ratnan ini, ngaceku Ui amé' inan TamanKu.

KEKAMEN RASUL-RASUL 1:8

Iamo' muyuh miak mepanu' ku lalud kareb Roh Meligan temurun luun muyuh, idi muyuh miak mangun ku lun nekali' Negku, do' déi' Yerusalim, do' aput tana' Yudia idi Samaria pad macing iring tana'pana'.”

KEKAMEN RASUL-RASUL 3:16

Dengan lalud ngadan Yésus, lun luk meliai ini inau' metueh. Luk sinier muyuh idi luk initi muyuh pangeh mangun ngaceku anu nan ngadanNeh ineh. Anu inan Yésus nengedo' lemulun ini pa kiung amung muyuh.

KEKAMEN RASUL-RASUL 4:30

Natang ticu'Mu idi ngedo lemulun idi nganau' tuda'-tuda' tanu' idi kekamen luk nan mawa dengan ngadan Yésus DemulunMu luk meligan.”

KEKAMEN RASUL-RASUL 9:34

Idi keburi' Pétrus neneh, “O Anias, Yésus Keristus ngedo' namu. Tumui iko, idi ngelepi' luk inanmu rudap.” Idi petacu ieh netumui peh.