LUKAS 8:44 - BALA LUK DO'

⁴⁴ Idi decur ineh nacing rat pa keted idi nengakem kuyu' Yésus, idi petacu dara'neh nugka'.

LUKAS 8:44 Iomraidhean Croise

PURA' 15:26

KebalaNeh nedeh, “Kudeng matu-matu muyuh maya' balaKu idi nganau' luk matu pa kiungKu idi ngimet amung ukumKu, na Ui ngukum nemuyuh ku ét luk icingKu kuan lun Masir ineh. Ui ini Tuhan luk ngedo' ét muyuh.”

MALAKI 4:2

Iamo' kuan muyuh luk na maya' Negku, Ui miak maré laludKu luk ngulun, merasat luun muyuh mepad kudeng aco, pad ngedo' nemuyuh. Muyuh miak mepuit idi mawang niat, mepad kudeng anak sapi' luk rinuat rat bang libungdeh.

MATIUS 20:34

Yésus méi' nedidueh, idi Ieh nengakem mateh didueh. Petacu mateh didueh kulat idi didueh nemaya' Neneh.

MATIUS 8:3

Idi Yésus nenatang ticu'Neh idi nengakem neneh, kebalaNeh, “PianKu; do' iko meligan peh!” Idi petacu susudneh ineh nepali'.

MATIUS 9:20

Idi inan seburur decur luk mét mirat dara' pangeh pulu' dueh lak kinioneh inéh rat pa ketedNeh idi nengakem iring kuyu'Neh.

MARKUS 6:56

Idi su apeh pana' ulek Yésus, do' déi' ruma', déi' bawang rayeh, idi déi' lati' pana', lun mula' nenguit amung-amung lun luk mét, idi nengerareng nedeh luun natad su luk inan masui irin, idi nemutuh Neneh nima' nedeh ngakem iring kuyu'Neh mo'. Idi idé'idé luk nengakem kuyu'Neh ineh petacu do'.

LUKAS 13:13

Idi Ieh nengerareng ticu'Neh luun decur ineh; idi petacu ketedneh ineh mesiri, idi ieh nengerayeh Allah.

LUKAS 7:38

Idi ieh netuped pa keted Yésus muneng ku kukudNeh idi nangi', idi ieh nengeba' kukud Yésus ku abpa' matehneh. Idi ieh nemiid kukudNeh ku abpukneh, idi nemuen kukud Yésus, idi nengumau kukudNeh ku umau luk do' buen ineh.

LUKAS 8:43

Idi inan seburur decur luk mét mirat dara' pangeh pulu' dueh lak kinioneh, idi sagan pana' ieh nengabud binawehneh kuan lun ngubat, iamo' seburur pana' nateh nengedo' neneh.

LUKAS 8:45

Idi kebala Yésus, “Idéké luk nengakem Negku?” Idi lun mula' nengena, idi kebala Pétrus, “O Tuhan, lun mula' ngeperi' idi ngerieng Namu!”

YAHYA 5:13

Iamo' lemulun luk dino' ineh na kali' Neneh idé, ngaceku pelaba ula' lemulun su ineh, idi Yésus pangeh nenalan.

KEKAMEN RASUL-RASUL 19:12

pad belaca idi kibung ayung luk pikai Paulus inuitdeh kuan lun mét ineh, pad luk mét ineh buro rat nedeh, idi ada'-ada' pana' remuat rat nedeh.

KEKAMEN RASUL-RASUL 5:15

pad ideh nenguit lun mét iné' iring dalan rayeh idi nengerareng nedeh luun pagau idi ugamdeh, pad aca' Pétrus mekaneh luundeh kareb ieh lemaba.

BADA' RATNAN UKUM 22:12

“Idi do' iko nganau' apat ramoi iring kuyu' buyormu.