LUKAS 8:35 - BALA LUK DO'

³⁵ Ideh neremuat amé' nier luk pangeh nangun ineh, idi iné' matun Yésus, idi nepapu' lemulun luk inan ada' neremuat ineh tudo iring kukud Yésus. Ieh pangeh nengayung, dengan na meruden, pad ideh palaba tot.

LUKAS 8:35 Iomraidhean Croise

NANI UBUR 51:10

Nganau' kuanku niat luk meligan, O Allah, idi maré terawé luk mebaruh idi lutep.

YESAYA 53:12

Ngaceku ineh Ui ngedita' Neneh, arang lun luk rayeh idi mebala. Ieh nemaré ulunNeh, pad Ieh inukum mepad kudeng lun luk dat. Ieh inukum ku libal mula' lun mesala', idi Ieh nemutuh pad ideh ngalap do' ratnan sala'deh.

MATIUS 4:24

Idi bala ratnan Yésus nepiar aput bawang Siria, idi ideh nenguit amung-amung lun luk mét amé' Neneh, idi sebuang mét dengan riput-riput luk mét. Inan sebuang luk sinuet ada', inan teh luk mét meruai, idi inan teh sebuang luk meliai, idi Ieh nengedo' nedeh.

MARKUS 5:15

Idi ideh iné' matun Yésus idi nenier lemulun luk pangeh sinuet baweh ada' ineh. Idi ieh netudo dengan nengayung idi terawéneh do'. Idi lun mula' matot.

LUKAS 10:39

Idi Marta ineh inan aceh kinanak decur, ngadanneh Mariam, luk tudo iring kukud Yésus, neninger balaNeh.

LUKAS 15:17

Kareb ieh nengerawé do'-do', idi ieh nepebala, ‘Tuda' ula' lun tebarin tamanku luk ngalap akan dengan petap, iamo' tunge' ui lélé maté ku lau!

LUKAS 2:46

Kareb mabud teluh aco didueh nepapu' Neneh bang Ruma' Allah uned tudo arang lun guru-guru. Idi Ieh neninger baladeh idi nengitun-ngitun nedeh.

LUKAS 8:27

Kareb Yésus numak déi' tangeb, idi Ieh nepapu' seburur lemulun luk rat bang bawang ineh, luk sinuet ada'. Idi pangeh tuda'-tuda' io lemulun ineh na luk idi ayung, idi na tudo bang ruma' teh, iamo' bang lengutan mo'.

LUKAS 8:34

Kareb lemulun luk matar barek ineh nekali' luk kudeng ineh, idi ideh neburo, idi nemada' nelun bang bawang ineh idi bang lati'-lati' teh.

KEKAMEN RASUL-RASUL 22:3

“Ui ini lun Yahudi, luk tinganak déi' Tarsus luk bang bawang Kilikia, iamo' ui inasuh tungé' Yerusalim, idi ui anak sekola' Gamalil luk bida'neh maya' Ukum tepun tau dengan matu. Idi ui mepicet manu inan Allah, mepad kudeng muyuh aco sini teh.

1 YAHYA 3:8

Lemulun luk megéi' nganau' sala', ieh nacing ratnan Iblis, ngaceku Iblis ineh nganau' sala' rat pun-pun. Ini punneh Anak Allah pangeh ginala', pad Ieh miak ngusag amung-amung kekamen Iblis ineh.