LUKAS 8:33 - BALA LUK DO'

³³ Idi ada'-ada' ineh neremuat rat bang burur lemulun ineh idi nesemuet bang burur barek-barek ineh. Barek-barek ineh nupun musul maya' irang pegkung ineh idi nubpa bang abpa' rayeh. Idi ideh naté nened.

LUKAS 8:33 Iomraidhean Croise

MATIUS 8:32

Idi kebala Yésus nedeh, “Do' muyuh amé'.” Idi ideh pana' neremuat, idi nesemuet bang burur barek-barek ineh, idi amungdeh ineh nupun musul maya' irang pegkung ineh, idi nubpa bang abpa' rayeh. Idi ideh naté nened bang abpa' ineh.

LUKAS 5:1

Kareb lun mula' ineh nengerieng Yésus sikal ninger bala Allah, kareb Ieh netuped déi' tangeb Takung Genésaret,

LUKAS 8:32

Idi inan barek luk mula' uned nakap akan déi' luun surud; idi ada'-ada' ineh pana' nemutuh Yésus, pad Ieh nima' nedeh semuet bang burur barek ineh. Idi Ieh nenima' nedeh.

LUKAS 8:34

Kareb lemulun luk matar barek ineh nekali' luk kudeng ineh, idi ideh neburo, idi nemada' nelun bang bawang ineh idi bang lati'-lati' teh.

YAHYA 8:44

Taman muyuh, ieh ineh Iblis, idi muyuh sikal maya' pian taman muyuh. Rat pun-pun Iblis, ieh ineh lun ngaté, idi na ieh tudo bang luk matu, ngaceku na luk matu bang neneh. Kareb ieh mebalih idi ieh pebala maya' ayuneh sebuleng, ngaceku ieh luk mebalih ineh taman amung-amung balih.

1 PETRUS 5:8

DO' muyuh ngerawé, idi matar do'-do'! Iblis luk bunu' muyuh ineh, mepad kudeng balang luk ngeku luk nalan-nalan nakap idé luk miak kenenneh.

BALA LUK LINIO 9:11

Idi raca'deh, ieh ineh melaikat lubang luk na miak teriin kidalemneh ineh. Ngadanneh bang buri' lun Iberani, Abadon, idi bang buri Grika, ngadanneh Apolion, (ilungneh “Luk Ngaté”).