LUKAS 8:32 - BALA LUK DO'

³² Idi inan barek luk mula' uned nakap akan déi' luun surud; idi ada'-ada' ineh pana' nemutuh Yésus, pad Ieh nima' nedeh semuet bang burur barek ineh. Idi Ieh nenima' nedeh.

LUKAS 8:32 Iomraidhean Croise

RACA'-RACA' LUK PUN-PUN 22:22

Idi kebala ada' ineh, ‘Ui miak mangun ku ada' luk mebalih bang tang amung nabi Akab ineh.’ Idi Tuhan nepebala, ‘Amé' naluk nedeh. Luk bilamu miak mangun.’

AYUB 1:10

Iko pangeh nengelibung neneh idi tetek ruma'neh idi amung binawehneh pana'. Iko megéi' ngeperuan amung luk ruenneh, idi Iko nemaré neneh mula' sapi' aput bawang ineh.

AYUB 1:12

Kebala Tuhan inan Sétan, “Mo, amung binawehneh bang paladmu, iamo' aleg iko ngedereh ni Ayub.” Kareb ineh, idi Sétan neburo.

AYUB 2:6

Idi kebala Tuhan inan Sétan, “Mo, Ayub ineh bang paladmu, iamo' aleg iko ngaté neneh.”

NANI UBUR 62:11

Allah pangeh nepebala sekua' mo'; iamo' ui neninger bala ineh dueh kua', idi lalud ineh Alah kuan,

YESAYA 65:4

Kareb medacem ideh amé' bang lubang batu idi tanem, pad ngitun ada' lun naté. Pupu ini kuman barek, idi ngirup abpa' pang luk biré kuan allah baken.

YESAYA 66:3

“Lun mula' nganau' luk piandeh. Ideh ngaté sapi' ku baré, idi lemulun pana' keretendeh ku baré teh; ideh ngeret anak dumba, idi mutul dier uko'; ideh maré baré akan idi teh dara' barek; ideh maré umau luk do' buen, idi sembayang inan akang. Ideh mawang niat ku sembayang luk pelaba dat.

UKUM 11:7

Idi teh barek idi baka, ngaceku sagan pana' lisundeh dueh, iamo' na ideh ngagat luk linua', idi ideh mangun ku gani' kuan muyuh.

MATIUS 7:6

“Aleg maré luk meligan kuan uko'-uko', idi aleg mepet bau mutiara muyuh pa kiung barek, pad ideh na ngeradu' neneh pa liang kukuddeh, idi lemubed amé' musing nemuyuh.

LUKAS 8:31

Ada'-ada' ineh nemutuh Yésus na ngecuk nedeh semuet bang lubang luk na miak uen nari kidalemneh.

LUKAS 8:33

Idi ada'-ada' ineh neremuat rat bang burur lemulun ineh idi nesemuet bang burur barek-barek ineh. Barek-barek ineh nupun musul maya' irang pegkung ineh idi nubpa bang abpa' rayeh. Idi ideh naté nened.

YAHYA 19:11

Idi kebala Yésus neneh, “Iko na melalud pa luunKu, kudeng na biré namu ratnan Allah. Ngaceku ineh lemulun luk nemaré Negku kuanmu meluun rayeh sala'.”

1 YAHYA 4:4

O anak-anakku, muyuh ini ratnan Allah. Muyuh pangeh nengelaya' nabi luk mebalih ineh ngaceku Roh luk bang nemuyuh meluun lalud ratnan Roh luk bang lemulun luk bang ulun tana ini.

BALA LUK LINIO 20:7

Idi kareb mabud meribu lak ineh, idi Sétan ineh pana' miak puatin rat bang lubangneh,