LUKAS 8:31 - BALA LUK DO'

³¹ Ada'-ada' ineh nemutuh Yésus na ngecuk nedeh semuet bang lubang luk na miak uen nari kidalemneh.

LUKAS 8:31 Iomraidhean Croise

AYUB 1:11

Iamo' kudeng Iko ngalap amung binawehneh, kali' rungen ieh ngediman Namu.”

AYUB 2:5

Iamo' kudeng Iko ngedereh bururneh sebuleng, ieh miak nguyo namu.”

MATIUS 25:41

“Idi Ieh pebala kuan lemulun luk pa kabingNeh, ‘Buro rat Negku, O muyuh luk binulung, idi semuet bang apui luk meruked, luk tinina' kuan Iblis dengan melaikat-melaikatneh!

LUKAS 8:28

Kareb ieh nenier Yésus, idi ieh nengitang idi netekeradung pa kiungNeh, kebalaneh, “Anunké luk pianMu negku, O Yésus Anak Allah luk Meluun Dita'? Ui mutuh, aleg Iko ngedereh negku.”

LUKAS 8:32

Idi inan barek luk mula' uned nakap akan déi' luun surud; idi ada'-ada' ineh pana' nemutuh Yésus, pad Ieh nima' nedeh semuet bang burur barek ineh. Idi Ieh nenima' nedeh.

SURAT LUK BIRE PAULUS KUAN LUN RUM 10:7

idi, ‘Idéké luk miak temurun bang luk inan maté?’ ” (ilungneh nguit Keristus tumui rat arang lun naté).

BALA LUK LINIO 11:7

Kareb didueh pangeh nengeriput luk nekali' didueh, idi pung luk meliput luk remuat rat bang lubang luk na miak teriin kidalemneh ineh sikal munu' nedidueh. Ieh miak ngelaya' nedidueh, idi ngaté nedidueh.

BALA LUK LINIO 17:8

Idi pung luk siniermu ineh, ieh idi atun, iamo' nekini na idi; ieh sikal umak rat bang lubang luk na miak teriin kidalemneh ineh, idi semuet bang ukum até. Lemulun bang tana' ini, luk na inayud ngadandeh bang surat ulun ineh rat pun-pun tana' ini, miak mawa kareb ideh nier pung ineh, luk idi atun, iamo' nekini na idi, idi luk sikal macing teh.

BALA LUK LINIO 19:20

Idi pung ineh pana' kikem pad-pad dengan nabi luk mebalih luk pangeh nenganau' tuda'-tuda' tanu' luk nan mawa pa kiungneh. (Idi dengan tanu'-tanu' ineh ieh nengeraruh lemulun luk inan etu pung ineh, idi luk pangeh sembayang inan akangneh.) Didueh ineh tila' dengan mulun bang takung apui luk mebudung ku batu apui.

BALA LUK LINIO 9:11

Idi raca'deh, ieh ineh melaikat lubang luk na miak teriin kidalemneh ineh. Ngadanneh bang buri' lun Iberani, Abadon, idi bang buri Grika, ngadanneh Apolion, (ilungneh “Luk Ngaté”).