LUKAS 8:3 - BALA LUK DO'

³ idi teh Yohana awan Kusa lun luk ngasa' binaweh Herodés, Susana, idi mula' decur baken teh luk nengasa' Yésus idi anak-anak sekola'Neh ku binawehdeh sebuleng.

LUKAS 8:3 Iomraidhean Croise

INUL LUK PUN-PUN 29:14

“Iamo' idéké ui ini, idi idéké pupuku ini, pad kai miak maré kudeng ini dengan ran niat kai? Ngaceku rat Namu mo' amung ineh. Idi kai maré luk ilap kai rat bang paladMu mo'.

YESAYA 23:18

Usin luk lapenneh ratnan pepua' miak barén kuan Tuhan. Na ieh nganug ineh, iamo' lemulun luk sembayang inan Tuhan miak makai usinneh ku melih akan idi ayungdeh.

MATIUS 14:1

Kareb ineh Herodés, raca' Galilia ineh neninger bala ratnan Yésus.

MATIUS 14:3

Ngaceku Herodés pangeh nengakem idi nengaling idi nenutup Yahya atun, ngaceku ratnan Herodia, awan Pilipus luk kinanakneh.

MATIUS 14:6

Iamo' kareb nacing aco irau, ieh ineh aco Herodés tinganak, idi anak decur Herodia nengalai arang lemulun, idi ieh nengawang niat Herodés,

MATIUS 2:11

Idi ideh iné' bang ruma' idi ideh nenier anak ineh dengan tinanNeh Mariam, idi ideh netekeradung sembayang Neneh. Pangeh ineh ideh nengukab pati'deh, idi nemaré baré Neneh, ieh ineh amas, idi luk sabpen luk do' buen, idi mur.

MATIUS 20:8

“Idi kareb malem aco, tuan kabun ineh nepebala inan lun matar kabunneh, ‘Do' nawar lemulun luk pangeh nengakem, idi maré tabpardeh, ngimun ratnan lemulun luk muci pad macing nedeh luk atun.’

MATIUS 25:40

Idi Raca' ineh sikal ngor, kebalaNeh, ‘Ui pebala nemuyuh, ngaceku muyuh nenganau' kudeng ini kuan seburur kinanakKu lun dat, ieh ineh luk inau' kuanKu teh.’

MATIUS 26:11

Ngaceku lun masi' megéi' idi dengan muyuh; iamo' Ui ini na megéi' idi dengan muyuh.

MATIUS 27:55

Idi inan mula' decur su ineh luk nenier amung-amung ineh rat mado, idi luk pangeh nemaya' Yésus rat Galilia, idi luk nengasa' Neneh.

LUKAS 24:10

Idi decur ineh, ieh ineh Mariam Magdalina, Yohana, idi Mariam tinan Yakub. Ideh dengan decur baken luk nemaya' nedeh ineh nemaré kali' ratnan amung luk mangun ini kuan rasul-rasul.

YAHYA 12:6

Ieh nepebala kudeng ineh, baken ngaceku ieh méi' nelun masi', iamo' ngaceku ieh lun mano, idi ieh luk ngimet tabpung idi ngalap usin luk tinipa bang tabpung ineh.

KEKAMEN RASUL-RASUL 13:1

Bang sidang déi' Antiokia inan tuda'-tuda' nabi idi guru, ieh ineh Barnabas, Simion luk titen Mitem, Lukius lun Kiréni, Menahem luk isa' rat isuut pad-pad dengan Raca' Herodés Antipas, idi Saul.

2 KORINTUS 8:9

Ngaceku muyuh kali' katu Tuhan tau Yésus Keristus; sagan pana' Ieh lun do' Ieh mangun masi' ngaceku muyuh, pad dengan dalan asi'Neh ineh muyuh miak mangun ku lun do'.

PILIPI 4:22

Tabi' kuan muyuh rat nelun manu' pun-pun rat nelun bang ruma' raca' Rum.

1 TIMOTIUS 5:10

Idi do' ieh buren ngaceku kekamen neh luk do', ngaceku ieh pangeh nengasa' anak-anakneh, idi nenganak lun sakai, idi nemaru' kukud lun manu, idi nengedengan lemulun luk mesusa', idi mekél bang amung-amung luk do'.