LUKAS 8:28 - BALA LUK DO'

²⁸ Kareb ieh nenier Yésus, idi ieh nengitang idi netekeradung pa kiungNeh, kebalaneh, “Anunké luk pianMu negku, O Yésus Anak Allah luk Meluun Dita'? Ui mutuh, aleg Iko ngedereh negku.”

LUKAS 8:28 Iomraidhean Croise

YESAYA 27:1

Kareb ineh Tuhan miak ngukum Galau, ieh ineh galau luk suloi ineh, idi teh pung luk dat luk tudo bang abpa' rayeh, ku pelapetNeh luk melalud idi metueh.

MATIUS 8:29

Idi didueh nengitang, keburi' didueh, “Anunké luk pianMu nekai, O Anak Allah? Iko macing sikal ngedereh nekaiké kareb nateh tarekneh macing?”

LUKAS 8:27

Kareb Yésus numak déi' tangeb, idi Ieh nepapu' seburur lemulun luk rat bang bawang ineh, luk sinuet ada'. Idi pangeh tuda'-tuda' io lemulun ineh na luk idi ayung, idi na tudo bang ruma' teh, iamo' bang lengutan mo'.

LUKAS 8:29

Ieh nepebala kudeng ineh ngaceku Yésus nengecuk ada' ineh remuat rat bang bururneh. Mula' kua' ada' ineh nengimet neneh; idi sagan tu pana' ieh pinatar lemulun, pad ieh kiling idi pipang; iamo' amung-amung kaling ineh nabud pinututneh, idi ieh pinasut ada' amé' su luk ali-ali.

YAKUB 2:19

Manuké iko ku Allah ineh Sebuleng? Matu! Amung-amung ada' pana' manu teh, idi megegker ku tot.

2 PETRUS 2:4

Allah na méi' kuan melaikat-melaikat luk nenganau' sala', luk tila'Neh bang apui idi kiling bang lubang luk medacem pad Ieh ngacing ukum kuandeh.

1 YAHYA 3:8

Lemulun luk megéi' nganau' sala', ieh nacing ratnan Iblis, ngaceku Iblis ineh nganau' sala' rat pun-pun. Ini punneh Anak Allah pangeh ginala', pad Ieh miak ngusag amung-amung kekamen Iblis ineh.

BALA LUK LINIO 20:10

Idi Iblis luk nengeraruh nedeh pana' tila' bang takung apui idi batu apui ineh, su luk inan pung idi nabi luk mebalih ineh pangeh tila', idi ideh uen ngedereh tebaco kedangan macing ruked-ruked.