LUKAS 8:25 - BALA LUK DO'

²⁵ Idi keburi'Neh nan anak-anak sekola'Neh, “Iapehké anu muyuh?” Iamo' ideh mawa idi matot, kebaladeh seburur dengan seburur, “Idéké lemulun ini luk mebpeng barui idi ribut, pad ideh maya' balaNeh?”

LUKAS 8:25 Iomraidhean Croise

BALE' 30:4

Idéké iné' surga, idi nuli' rat déi'? Idéké pangeh nengakem bui ku ticu'neh? Idéké nenanga abpa' bang kibung? Idéké nengeletep iring tana'? Kudeng iko kali', idéké ieh? Idéké anakneh?

BALE' 8:29

idi kareb Ieh nemebpeng abpa' rayeh na lemaba lakan luk litepNeh. Ui idi kareb Ieh nenganau' tapin tana'.

MATIUS 14:31

Idi petacu Yésus nenatang ticu'Neh, idi nengimet neneh, idi nepebala neneh, “O iko luk na petap anu, ngudeh iko merapang?”

MATIUS 17:20

Idi kebala Yésus nedeh, “Ngaceku muyuh na petap anu. Ngerawé do'-do', kudeng anu muyuh kirayeh aceh ngilung sesawi' pana', miak mo' muyuh pebala kuan pegkung ini, ‘Mubuh iko rat tungé' idi amé' déi',’ idi kali' rungen ieh mubuh peh; idi na luk idi anun-anun luk na miak ruen muyuh.

MATIUS 6:30

Kudeng Allah ngayung uduh, luk mulun aco sini idi kenebpaneh ieh talan bang tetel apui, naké Ieh meluun pian ngayung nemuyuh, O muyuh luk na petap anu?

MATIUS 8:10

Idi kareb Yésus neninger luk kudeng ineh, Ieh mawa idi kebalaNeh kuan lemulun luk nemaya' Neneh, “Ui pebala nemuyuh, rat arang lun Israil pana' nateh Ui nekali' anu luk kudeng ineh rayeh.

MATIUS 8:26

Idi kebala Yésus, “Ngudehké muyuh matot, O muyuh luk na petap anu?” Idi Ieh netumui idi nengagka' barui idi ribut abpa', pad ieh melitong peh.

MARKUS 4:35

Bang aco sineh teh, kareb malem, idi kebala Yésus kuan ana-anak sekola'Neh, “Do' tau guta amé' déi' dipar.”

LUKAS 12:28

Iamo' kudeng Allah ngayung uduh natad kudeng ineh, luk mulun aco sini idi kenebpa ieh talan bang tetel apui, meluun teh Ieh sikal ngayung nemuyuh, O muyuh luk na petap anu.

LUKAS 8:24

Idi ideh iné' matun Yésus, idi nengalat Neneh, keburi'deh, “O Tuhan! O Tuhan! Tau lélé maté.” Idi Yésus netumui idi nengagka' barui idi ribut ineh, pad ieh melitong peh.

LUKAS 8:26

Ideh nemaya' alud iné' tana' lun Gerasa, luk petutup ku Galilia.

YAHYA 11:40

Idi kebala Yésus neneh, “Bakenké Ui nepebala namu, kudeng iko manu iko miak nier rayeh Allah?”