LUKAS 8:21 - BALA LUK DO'

²¹ Iamo' kebala Yésus nedeh, “Tinan idi kinanak-kinanakKu, ieh ineh luk ninger idi maya' bala Allah.”

LUKAS 8:21 Iomraidhean Croise

MATIUS 17:5

Idi uned ieh pebala, inan aceh laput luk merasat iné' ngelungung nedeh; idi inan aceh tang rat bang laput ineh luk nepebala, “Ini AnakKu luk inanKu mawa; idi Ui mawang niat Neneh; do' muyuh ninger balaNeh.”

MATIUS 25:40

Idi Raca' ineh sikal ngor, kebalaNeh, ‘Ui pebala nemuyuh, ngaceku muyuh nenganau' kudeng ini kuan seburur kinanakKu lun dat, ieh ineh luk inau' kuanKu teh.’

MATIUS 25:45

Idi Raca' ineh sikal ngor baladeh, keburi'Neh, ‘Setuneh, Ui pebala nemuyuh, ngaceku muyuh na nenganau' kudeng ini kuan seburur kinanakKu lun dat, muyuh na nenganau' kuanKu teh.’

MATIUS 28:10

Idi kebala Yésus nedeh, “Aleg matot, do' muyuh amé' idi ngecuk kinanak-kinanakKu semuet bang bawang Galilia, idi napeh Ui miak sirendeh déi.”

LUKAS 8:15

Iamo' luk nebpeh luun tana' luk do' ineh, ieh ineh lemulun luk pangeh neninger bala ineh, idi nengimet meraben bang niat luk mesiri idi do', idi ngeruat bua' dengan mulai niat.

LUKAS 8:20

Kebala seburur lemulun Neneh, “Tinan idi kinanak-kinanakMu tuped déi' liang sikal papu' Namu.”

YAHYA 13:17

Kudeng muyuh kali' amung-amung ini, samal kuan muyuh kudeng muyuh nganau' ineh.

YAHYA 20:17

Idi kebala Yésus neneh, “Aleg iko ngakem Negku, ngaceku nateh Ui numak iné' inan TamanKu, iamo' amé' iko inan amung-amung kinanakKu, idi mala kuandeh, ‘Ui umak amé' inan TamanKu idi Taman muyuh, idi inan TuhanKu idi Tuhan muyuh.’ ”

2 KORINTUS 5:16

Ngaceku ineh, rat pad sini na kai ngesala' seburur pana' maya' ayu lemulun. Sagan pana' kai pangeh ngiti Keristus maya' ayu lemulun, iamo' nekini na kai ngiti Neneh mepad kudeng ineh teh.

2 KORINTUS 6:18

Ui mangun ku Taman muyuh, idi muyuh mangun ku anak-anakKu, do' deléi idi decur teh, kebala Tuhan luk Melalud.”

YAKUB 1:22

Iamo' do' muyuh mangun ku lun luk maya' bada' ineh, baken lemulun luk ninger mo' idi naluk bururdeh sebuleng.

1 YAHYA 2:29

Muyuh kali' Keristus ineh matu. Ngaceku ineh, petulu muyuh kali' idi anid-anid burur lemulun luk nganau' luk matu, ieh ineh anak Allah.

3 YAHYA 1:11

O luk inanku mawa aleg iko nginud luk dat, iamo' nginud luk do'. Lemulun luk nganau' luk do', ieh ineh ratnan Allah; idi lemulun luk nganau' luk dat ineh nateh nenier Allah.