LUKAS 8:2 - BALA LUK DO'

² Idi teh inan tuda'-tuda' decur luk pangeh dino'Neh ratnan ada', luk nemaya' Neneh, ieh ineh Mariam (luk titen Magdalina), luk pangeh pinuit ratnan tudu' ada',

LUKAS 8:2 Iomraidhean Croise

MATIUS 4:24

Idi bala ratnan Yésus nepiar aput bawang Siria, idi ideh nenguit amung-amung lun luk mét amé' Neneh, idi sebuang mét dengan riput-riput luk mét. Inan sebuang luk sinuet ada', inan teh luk mét meruai, idi inan teh sebuang luk meliai, idi Ieh nengedo' nedeh.

MARKUS 16:1

Aco luk ina Mudeng pangeh nepelaba, idi Mariam Magdalina, Maria tinan Yakub idi Salomé pana' nemelih luk do' buen, idi ideh iné' pad ngumau butung Yésus.

MARKUS 16:9

Pangeh Yésus netumui pekak uka-uka bang aco luk pun-pun bang minggu ineh, idi pun-pun Ieh nesilagan kuan Mariam Magdalina. Ieh pangeh nenala' tudu' ada' rat neneh. Decur-decur ineh iné' matun Pétrus idi lun rurum-rurumneh, idi nengacing bala nedeh ratnan luk pangeh pindengerdeh.

LUKAS 23:27

Idi pelaba ula' lemulun nemaya' Neneh. Idi inan teh tuda'-tuda' decur luk netemido idi nangi' Neneh.

LUKAS 23:49

Idi amung-amung lun denganNeh idi decur luk pangeh nemaya' Yésus rat Galilia netuped nier amung ideh rat mado.

LUKAS 23:55

Idi decur-decur luk nemaya' Yésus rat Galilia, nemaya' ni Yusup idi nenier tanem ineh idi kudeng apeh butung Yésus rireng bang ineh.

LUKAS 8:30

Idi Yésus nengitun neneh, “Idéké ngadanmu?” Idi keburi'neh, “Baweh,” ngaceku mula' ada' pangeh nesemuet bang bururneh.

YAHYA 19:25

Idi tinan Yésus idi kinanak tinanNeh luk decur, Mariam awan Kliopas, idi Mariam Magdalina netuped iring salib Yésus.

KEKAMEN RASUL-RASUL 1:14

Idi amung-amungdeh megéi' perurum sembayang dengan tuda'-tuda'decur, idi Mariam tinan Yésus, idi dengan kinanak-kinanakNeh