LUKAS 8:15 - BALA LUK DO'

¹⁵ Iamo' luk nebpeh luun tana' luk do' ineh, ieh ineh lemulun luk pangeh neninger bala ineh, idi nengimet meraben bang niat luk mesiri idi do', idi ngeruat bua' dengan mulai niat.

LUKAS 8:15 Iomraidhean Croise

NANI UBUR 119:11

Ui ngimet ukumMu bang niatku, pad ui na nganau' sala' pa kiungMu.

NANI UBUR 51:10

Nganau' kuanku niat luk meligan, O Allah, idi maré terawé luk mebaruh idi lutep.

BALE' 3:1

O anakku, aleg iko mekelupan luk badénku namu. Megéi' ngerawé luk dukenku namu.

YEREMIA 15:16

Iko nepebala negku, idi ui neninger amung balaMu. O Tuhan Allah luk Melalud, Iko luk kuan negku, idi balaMu manu' niatku ku awang.

YEREMIA 31:33

Idi kareb ineh, ini jani' luk miak ruenKu dengan pupu Israil. Ui miak nganau' balaKu bang terawédeh, idi ngayud bala ineh bang niatdeh. Ui miak mangun ku Allahdeh, idi ideh mangun ku pupuKu.

YEREMIA 32:29

Idi lun Babil luk ngerieng bawang ini miak amé' ngeseb neneh. Ideh miak ngeseb bawang idi amung ruma' su luk inan lemulun nganau' Negku museh, ngaceku ngeseb umau luk do' buen kuan Baal luun apodeh, idi ngutang baré luk rupen kuan allah baken.

MATIUS 24:13

Iamo' lemulun luk tuman pad macing kekipedneh uen ngulun.

LUKAS 11:28

Iamo' kebala Yésus, “Meluun teh, samal kuan lemulun luk ninger bala Allah idi ngimet neneh.”

LUKAS 6:45

Lemulun luk do' ngeruat anun-anun luk do' ratnan binaweh niat luk do', idi lemulun luk dat ngeruat luk dat ratnan binaweh luk dat, ngaceku ela ratnan niat lemaba bibir tangneh.”

LUKAS 8:14

Idi luk nebpeh arang tabpa' ineh, ieh ineh lemulun luk pangeh neninger. Iamo' ideh mesabeng ku rapang idi mula' binaweh idi luk do' bang tana' ini, pad ideh na ngeruat bua' dengan meriput.

LUKAS 8:16

“Na luk idi seburur pana' luk nutud ilu', idi ngakeb neneh ku gatang, kian ngerareng neneh pa liang bitaran, iamo' ieh ngerareng neneh luun dawan, pad lemulun luk semuet miak nier acang ineh.

YAHYA 14:15

“Kudeng muyuh mawa Negku, do' maya' ukum-ukumKu.

YAHYA 15:10

Kudeng muyuh maya' ukum-ukumKu, kali' rungen muyuh miak lutep bang awaKu, mepad kudeng Ui pangeh nemaya' ukum-ukum TamanKu, idi nelutep bang awaNeh.

SURAT LUK BIRE PAULUS KUAN LUN RUM 2:7

Allah miak maré ulun luk meruked kuan lemulun luk megéi' nganau' luk do' idi luk nakap rayeh dengan ubur idi ulun luk na miak melu.

SURAT LUK BIRE PAULUS KUAN LUN RUM 6:22

Iamo' nekini, ngaceku muyuh pangeh nepuit ratnan sala', idi mangun ku demulun kuan Allah, idi muyuh miak ngalap bua'-bua' luk macing inan luk meligan, idi kekipedneh ulun luk meruked.

SURAT LUK BIRE PAULUS KUAN LUN RUM 7:18

Ui kali' idi na luk do' bang niatku, ieh ineh bang ulun tana' ini. Sagan pana' ui pian nganau' luk do', iamo ui na miak nganau' ineh.

SURAT LUK BIRE PAULUS KUAN LUN RUM 7:4

Kudeng ineh teh, O kinanak-kinanakku, muyuh ini pana' pinaté mepuit ratnan Ukum ineh ngaceku muyuh mangun ku sebabpat burur Keristus. Nekini muyuh mangun ku pupuNeh luk pangeh tinui rat arang lun naté, pad tau ngeruit bua'-bua' kuan Allah.

SURAT LUK BIRE PAULUS KUAN LUN RUM 8:25

Iamo' kudeng tau merapet inan anun-anun luk na miak siren tau, idi dengan mulai niat tau nganét neneh.

1 KORINTUS 7:19

Ngaceku sunat idi na sunat pana' nateh ulekneh. Luk inan ulek, ieh ineh maya' ukum Allah.

EPESUS 2:8

Ngaceku dengan katu Allah muyuh inulun ngaceku ratnan anu, idi ini baken kekamen muyuh, iamo' baré Allah,

BADA' RATNAN UKUM 30:6

Idi Tuhan Allah muyuh pana' miak nunat niat muyuh idi niat amung anak inul muyuh, pelé muyuh méi' inan Tuhan Allah dengan amung niat muyuh, idi terawé muyuh, pad muyuh mulun.

PILIPI 1:11

Ulun muyuh miak uen manu' ku bua'-bua' luk matu ratnan Yésus Keristus, pad ngacing rayeh idi ubur kuan Allah.

KOLOSE 1:10

pad ulun muyuh petulu dengan pinian Tuhan idi muyuh perurum denganNeh bang luk amung-amung, idi ngeruat bua' bang anid-anid kekamen luk do', idi pad ileh muyuh ratnan Allah amé'-amé' rayeh.

KOLOSE 1:6

Bala luk Do' ineh ngacing peruan idi mepiar aput tana', mepad kudeng luk pangeh nepiar arang muyuh rat pun aco muyuh neninger ratnan éi' Allah idi nekali' ratnan katu Allah dengan matu.

IBERANI 10:36

Ngaceku ulai niat inan ulek kuan muyuh, pad muyuh miak nganau' luk pian Allah, idi ngalap jani' ineh.

IBERANI 2:1

Ineh punneh petulu tau ngerawé ratnan amung-amung luk pangeh pindenger ineh, pad tau na miak uen ngeraruh.

YAKUB 1:4

Idi do' ulai niat muyuh meriput, pad muyuh mangun meligan idi petap anu idi na masi' bang anun-anun pana'.

1 YAHYA 2:3

Kudeng tau maya' ukum-ukum Allah, tau kali' tau pangeh nengiti Neneh.