LUKAS 8:13 - BALA LUK DO'

¹³ Idi luk nebpeh luun gura' batu ineh, ieh ineh lemulun luk pangeh neninger, idi nengalap bala dengan mawang niat; iamo' lemulun ineh na uat idi ideh manu segageh mo', idi kareb luk nutun macing, petacu ideh lemubed.

LUKAS 8:13 Iomraidhean Croise

AYUB 19:28

“Kudeng apehké tau miak ngedereh neneh?” Muyuh nenakap dalan pian munu' negku.

BALE' 12:12

Lemulun luk dat pian nganau' luk dat mo'. Iamo' lemulun luk matu tuped meraben.

BALE' 12:3

Luk dat na ngacing do' udeng, iamo' lemulun luk matu tuped meraben.

YESAYA 58:2

Ideh sembayang Negku anid-anid aco, idi ideh pian maya' ukumKu idi nganau' luk matu. Ideh mutuh Negku ngeperuan nedeh idi maré ukum luk mesiri nedeh.”

YEHISKIEL 33:32

Sirendeh iko mepad kudeng aceh lun luk menani ratnan awa tana' ini idi luk nateg gita. Ideh ninger amung balamu, iamo' na ideh maya'.

HOSIA 6:4

Iamo' kebala Tuhan, “O Israil idi Yahuda, anunké luk ruenKu kuan muyuh? Awa muyuh Negku saget buro mepad kudeng laput pa pekak. Ieh ineh mepad kudeng ipup luk buro kareb mét idang.

MARKUS 6:20

Herodés matot ni Yahya, ngaceku ieh kali' ieh seburur lemulun luk matu idi meligan, idi ieh megéi' nginita neneh. Ieh pian ninger bala Yahya, sagan tu pana' ieh megagau ku balaneh.

LUKAS 8:12

Idi luk nebpeh iring dalan, ieh ineh lemulun luk pangeh neninger, iamo' muci Iblis macing ngalap bala ineh rat bang niatdeh, pad lemulun ineh na manu idi uen ngulun peh.

LUKAS 8:14

Idi luk nebpeh arang tabpa' ineh, ieh ineh lemulun luk pangeh neninger. Iamo' ideh mesabeng ku rapang idi mula' binaweh idi luk do' bang tana' ini, pad ideh na ngeruat bua' dengan meriput.

YAHYA 15:2

Anid-anid angat luk bang Negku luk na kebua' miak tetuinNeh; idi anid-anid angat luk kebua' ruenNeh ngalét pad bua'neh meluun ula'.

YAHYA 15:6

Kudeng idé-idé luk na lutep bang Negku, ieh miak talan mepad kudeng angat ineh, idi mangun tekering. Muci lemulun miak ngamung angat-angat ineh idi ideh miak talan bang apui, idi sabpen.

YAHYA 5:35

Yahya ineh mepad kudeng aceh lapung luk mulun idi merasat; iamo' muyuh ini sikal mawang niat segageh mo' kinioneh bang acangneh ineh.

1 KORINTUS 13:2

Kudeng ui inan baré mada' luk biré Allah, idi ui inan ileh idi kali' amung-amung luk inalum, idi kudeng ui inan anu luk meriput, pad ui miak mubuh pegkung pana', iamo' kudeng ui na mawa, kali' rungen ui pana' na ulek.

1 KORINTUS 15:2

Idi ratnan Bala luk Do' ineh teh muyuh ngalap ulun luk meruked, kudeng muyuh ngimet bala luk bida'ku ineh meraben. Iamo' kudeng anu muyuh ineh mo'-mo' na miak.

GALATIA 3:1

Muyuh lun Galatia pelaba bacé! Idéké luk pangeh nenaluk nemuyuh dengan mangun? Até Yésus Keristus luun kayuh salib pangeh ginala' pa kiung muyuh!

GALATIA 3:4

Mo'-mo' ké amung-amung peruan luk pangeh ilap muyuh? Na ui manu ku ineh.

EPESUS 3:17

pad Keristus tudo bang niat muyuh ngaceku anu. Ui mutuh pad muyuh inan uat idi diri bang awa,

KOLOSE 1:23

kudeng muyuh lutep bang anu, idi meraben, pad muyuh na miak bebuen ratnan rapet bang Bala luk Do', luk pangeh pindenger muyuh, idi luk pangeh bida' kuan amung-amung pudut luk pa liang langit. Idi ui ini Paulus luk pangeh nangun ku lun luk mada' ineh.

KOLOSE 2:7

Do' muyuh inan uat bang Neneh idi do' ulun muyuh piduten luun tapin ineh, ieh ineh Keristus. Idi do' anun muyuh amé' rayeh, maya' kudeng luk pangeh bida' kuan muyuh. Do' muyuh mepanu' ku ubur.

1 TESALONIKA 3:5

Ini punneh ui nengecuk Timotius amé' nemuyuh. Kareb ui na miak tuman teh, ui nengecuk neneh pad ui miak kali' ratnan anu muyuh, kian muyuh pangeh tinutun Iblis ineh pad erur kai mangun mo'-mo'.

1 TIMOTIUS 1:19

idi do' iko lutep bang anu idi teruayen niat luk do'. Inan tuda'-tuda' lemulun luk na ngerawé teruayen niatdeh, idi anudeh nekusag.

IBERANI 10:39

Iamo' tau ini baken lemulun luk lemubed, pad ngalap ukum até, iamo' lemulun luk manu pad ngalap ulun.

YAKUB 2:26

Ngaceku mepad kudeng burur dengan na roh ineh maté, kudeng ineh teh anu dengan na kekamen ineh maté.

2 PETRUS 2:20

Kudeng muci ratnan lemulun nepuit ratnan lutak tana' ini ngaceku miti Tuhan Yésus Keristus, Lun Nengulun, idi ideh lemubed teh mepabpung bang amung-amung luk kudeng ineh, pad uen ngelaya', kekiped lemulun ineh meluun dat ratnan luk pun-pun.

2 PETRUS 2:22

Idi pangeh mangun kuandeh ineh mepad kudeng luk pinginud ineh luk matu, ieh ineh uko' lemubed nila' uta'neh, idi barek luk pangeh diniu' lemubed silusu' bang lisuen.

1 YAHYA 2:19

Lemulun ineh pangeh neremuat rat arang tau, ngaceku baken ideh rat netau; ngaceku kudeng ideh rat netau, kali' rungen ideh na miak na lutep pad-pad dengan tau. Iamo' ideh pangeh neremuat, pad megala' ratnan pundeh baken rat netau.

YAHUDA 1:12

Ideh mangun ku aceh sabeng luk melutak bang irau muyuh, kareb ideh mabuk dengan na migu'. Ideh ngerawé burudeh sebuleng mo'. Ideh mepad kudeng laput pinalid ku bui; mepad kudeng lawa kayuh luk na kebua' bang kareb, luk petulu, luk dueh kua' maté, idi luk mebubput dengan uatneh;