LUKAS 8:10 - BALA LUK DO'

¹⁰ Idi kebala Yésus nedeh, “Pangeh biré nemuyuh do' kali' bala luk inalum ratnan Imet Allah, iamo' kuan lemulun luk baken ineh dengan luk pinginud, pelé kareb ideh nier, na luk sinierdeh, idi kareb ideh ninger pana' na ideh kali' ilungneh.”

LUKAS 8:10 Iomraidhean Croise

NANI UBUR 25:14

Tuhan ineh Lun Rurum lemulun luk maya' balaNeh, idi Ieh mada' jani'Neh nedeh.

YESAYA 29:14

Ngaceku ineh Ui miak ngagap nedeh ku tuda'-tuda' susa' luk macing denak-denak nedeh. Lemulun luk mileh misu' ku lun luk mebacé, pad ilehdeh na ulek.”

YESAYA 44:18

Lemulun luk kudeng ineh palaba bacé, idi na kali' luk ruendeh. Ideh rudap mateh idi ngitek terawédeh pad na kali' luk matu.

YESAYA 6:9

Idi Ieh nengecuk negku amé' mada' bala ini nelun mula': “Sagan tu pana' muyuh ninger do'-do', muyuh na miak kali' ilungneh. Sagan tu pana' muyuh nier do'-do' muyuh na miak kali' luk mangun.”

YEREMIA 5:21

Ngerawé do'-do', O muyuh lun mebacé, luk inan mateh idi na miak nier, idi luk inan lalid idi na miak ninger.

YEHISKIEL 12:2

“O lemulun, iko tudo arang lemulun luk sikal metueh. Ideh inan mateh, iamo' na ideh nier. Ideh inan lalid, iamo' na ideh ninger, ngaceku ideh sikal metueh.

MATIUS 11:25

Kareb idi teh kebala Yésus, “O Ama', Tuhan langit idi tana', Ui ngubur Namu ngaceku Iko nengalum amung-amung ini ratnan lemulun luk mileh idi luk do' kali', idi nengegala' ineh kuan anak-anak.

MATIUS 16:17

Idi kebala Yésus, “Samal kuanmu, O Simun, anak Yunus! Ngaceku baken lemulun luk ngelio ini kuanmu, iamo' TamanKu luk bang surga.

MARKUS 4:11

Idi kebala Yésus nedeh, “Kuan muyuh pangeh biré luk inalum ratnan Imet Allah, iamo' kuan amung-amung lemulun luk déi' liang ineh pangeh biré amung-amung ini dengan luk pinginud,

MARKUS 4:12

pelé, ‘Ideh miak nier idi nier, iamo' na ideh kali' luk sirendeh. Ideh miak ninger idi ninger, iamo' na ideh kali' ilungneh. Ngaceku kudeng ideh neninger, idi ideh lumi inan Allah, pad Ieh maré do' ratnan sala'deh.’ ”

YAHYA 12:40

“Allah nengebuser matehdeh idi nengetueh terawédeh, pad ideh na nier dengan matehdeh, idi na kali' dengan terawédeh, pelé ideh na lumi Negku, uenKu ngedo'.”

SURAT LUK BIRE PAULUS KUAN LUN RUM 16:25

Do' tau ngerayeh Allah. Ieh ngepicet anu muyuh, maya' Bala luk Do' luk badénku, idi maya' bada' ratnan Yésus Keristus ineh, idi maya' luk linio ratnan bala luk inalum rat mon.

1 KORINTUS 12:11

Iamo' amung-amung ineh kekamen Roh luk sebuleng ineh teh. Ieh maré kuan anid-anid burur, maya' pianNeh sebuleng.

BADA' RATNAN UKUM 29:4

Iamo' macing nekini pana' Tuhan nateh nemaré ileh nemuyuh pad muyuh miak kali', idi mateh muyuh miak nier, idi lalid muyuh miak ninger.

KOLOSE 2:2

Ui nganau' kudeng ini pad niatdeh mekuu', idi ideh perurum bang awa, idi manu dengan matu-matu ngaceku ideh kali' luk inalum Allah, ieh ineh Keristus.

1 TIMOTIUS 3:16

Idi rayehneh luk inalum ineh ratnan baya' tau na miak belén. Ieh pangeh linigan bang burur lemulun, idi inau' matu ratnan Roh, idi ginala' kuan melaikat-melaikat. Ieh bida' arang amung-amung pupu, idi inan merapet bang tana', idi inuit umak dengan rayeh.