LUKAS 8:1 - BALA LUK DO'

¹ Na mio ratnan ineh, idi Yésus nenalan libut-libut bawang idi ruma' ineh, idi nemada' Bala luk Do' ratnan Imet Allah. Idi pulu' dueh anak sekola' ineh nemaya' Neneh.

LUKAS 8:1 Iomraidhean Croise

MATIUS 11:1

Kareb Yésus pangeh neperiteteng inan pulu' dueh anak sekola'Neh, idi Ieh nenalan rat déi' sikal mada' idi nated Bala luk Do' bang bawang-bawang luk muneng.

MATIUS 13:19

Kareb lemulun ninger bala ratnan Imet ineh, idi na kali' ilungneh, idi petacu Seluk Dat macing, idi ngaro padé pimara luk pangeh inisak bang niatneh, ini ieh luk inisak iring dalan.

MATIUS 4:23

Yésus nenalan aput tana' Galilia, idi nemada' bang ruma' sembayangdeh, idi Ieh nemada' Bala luk Do' ratnan Imet ineh, idi Ieh nengedo' amung-amung lun luk mét, idi melaya' burur.

MATIUS 9:35

Idi Yésus nenalan libut-libut amung-amung bawang idi ruma'. Idi Ieh nemada' bang amung-amung ruma' sembayangdeh, idi nemada' Bala luk Do' ratnan Imet ineh, idi nengedo' amung-amung lu mét, idi amung-amung laya' burur lemulun.

MARKUS 1:39

Idi Ieh iné' mada' bang amung ruma' sembayangdeh ineh déi' aput tana' Galilia, idi Ieh nenala' ada' teh.

LUKAS 1:80

Idi anak ineh pana' netemubu' idi iuk-iuk amé' rayeh rohneh. Idi ieh netudo déi' su luk ali-ali pad macing kareb ieh nengegala' bururneh kuan lun Israil.

LUKAS 20:1

Bang seaco kareb Yésus nemada' nelun mula' bang Ruma' Allah, idi nemada' Bala luk Do', idi imam-imam rayeh idi guru-guru Ukum dengan lun rayeh pana' nacing iné' Neneh,

LUKAS 4:18

“Roh Tuhan idi pa luunKu, ngaceku Ieh pangeh nengumau Negku, pad Ui mada' Bala luk Do' kuan lun masi'. Ieh nengecuk Negku mada' puit kuan lun luk tiban, idi ngedo' mateh lun luk nebuser, idi muit lemulun luk neritep,

LUKAS 9:6

Idi anak-anak sekola' ineh nenalan idi iné' bang anid-anid bawang idi nemada' Bala luk Do' idi nengedo' lemulun iapeh-iapeh pana'.

KEKAMEN RASUL-RASUL 10:38

Muyuh pangeh neninger ratnan Yésus lun Nasarét ineh, kudeng apeh Allah pangeh nengumau Neneh ku Roh Meligan idi lalud. Ieh nenalan iné' iapeh-iapeh idi nenganau' kekamen luk do', idi nengedo' amung-amung lemulun luk inimet Iblis; ngaceku Allah nengedengan Neneh.

KEKAMEN RASUL-RASUL 13:32

Idi kai ini nguit Bala luk Do' kuan muyuh, ieh ineh pejani' luk biré Allah kuan tepun tau,

SURAT LUK BIRE PAULUS KUAN LUN RUM 10:15

Idi kudeng apehké bala ineh miak badén, kudeng lun luk mada' na icuk? Maya' kudeng luk inayud, “Kudeng apeh do' ayu lengayan amung-amung lemulun luk nguit Bala luk Do'.”