LUKAS 7:8 - BALA LUK DO'

⁸ Ngaceku ui ini pana' seburur lemulun luk pa liang ukum, idi pa liang ukum dui pana' inan tuda'-tuda' lun pebunu'; idi ui mala kuan sebururdeh, ‘Amé' iko',’ idi ieh pana' amé'; idi kuan seburur luk baken teh, ‘Amé' tungé,’ idi ieh pana' macing; idi kuan demulunku, ‘Do' nganau' ini,’ idi ieh pana' nganau'.”

LUKAS 7:8 Iomraidhean Croise

LUKAS 7:7

Ngaceku ineh, ayuneh ui sebuleng pana' na mayu macing papu' nan Tuhan. Iamo do' Iko mala sebila' bala mo' idi demulunku miak do' peh.

LUKAS 7:9

Kareb Yésus neninger balaneh idi Ieh mawa, idi nelumi nelun mula' luk nemaya' Neneh, kebalaNeh, “Ui pebala nemuyuh, rat arang lun Israil pana' nateh Ui nekali' anu luk kudeng ineh rayeh.”

KEKAMEN RASUL-RASUL 23:17

Idi Paulus nenawar seburur lun rayeh lun pebunu' ineh idi nepebala, “Itenmu anak adi' ini kuan lun rayeh baweh; ngaceku inan aceh bala luk badénneh neneh.”

KEKAMEN RASUL-RASUL 23:23

Idi lun rayeh baweh ineh nenawar dueh burur lun rayeh lun pebunu' ineh idi nepebala, “Uen medueh ngamung dueh ngeratu lun pebunu' luk miak amé' déi' Kaisaria, dengan tudu' ngepulu' lun maya' kuda, idi dueh ngeratu lun ngimet busu, kareb pun rudap malem ini.

KEKAMEN RASUL-RASUL 23:26

“Tabi' rat negku, Klaudius Lisias macing inan Lun luk Ngimet Ukum, ieh ineh Pilik luk pelaba buren.

KEKAMEN RASUL-RASUL 23:31

Lun pebunu' ineh nengalap ni Paulus maya' kudeng luk icuk kuandeh, idi ideh nenated neneh kareb malem amé' déi' Antipatris.

KEKAMEN RASUL-RASUL 24:23

Idi ieh nengecuk lun rayeh lun pebunu' ineh ngimet ni Paulus bang tutup, iamo' dengan ukum luk meran, idi lun rurum Paulus simén ngasa' neneh.

KEKAMEN RASUL-RASUL 25:26

Iamo' na ui kali anun-anun luk uenku ngayud kuan raca' ineh. Ngaceku ineh ui nguit neneh amé' pa atun muyuh, meluun teh pa atun Raca' Agripa, pelé tau ngelio ratnan ini. Pangeh ineh inan teh luk uenku ngayud.

KOLOSE 3:22

O demulun, bang luk amung-amung do' muyuh maya' bala lun luk kuan nemuyuh bang tana' ini, baken dengan siayu pad muyuh buren lemulun, iamo' dengan niat luk lutep, pad muyuh ngerayeh Tuhan.