LUKAS 7:7 - BALA LUK DO'

⁷ Ngaceku ineh, ayuneh ui sebuleng pana' na mayu macing papu' nan Tuhan. Iamo do' Iko mala sebila' bala mo' idi demulunku miak do' peh.

LUKAS 7:7 Iomraidhean Croise

NANI UBUR 107:20

Ieh nengedo' nedeh ku balaNeh, idi nemuit nedeh ratnan tanem.

NANI UBUR 33:9

Kareb Ieh nepebala, tana' ini mangun peh; kareb Ieh nengecuk, amung-amung pudut melagan peh.

PURA' 15:26

KebalaNeh nedeh, “Kudeng matu-matu muyuh maya' balaKu idi nganau' luk matu pa kiungKu idi ngimet amung ukumKu, na Ui ngukum nemuyuh ku ét luk icingKu kuan lun Masir ineh. Ui ini Tuhan luk ngedo' ét muyuh.”

MARKUS 1:27

Idi lun mula' ineh mawa pad ideh nengitun seburur dengan seburur, keburi'deh, “Anunké ini? Bada' luk mebaruhké? Ngaceku amung-amung ada' pana' icukNeh dengan lalud, pad ideh maya' balaNeh.”

LUKAS 4:36

Idi amungdeh ineh mawa idi nepebala seburur dengan seburur, keburi'deh, “Bala anunké ini? Ngaceku dengan lalud idi tueh Ieh ngecuk amung ada' buro idi ideh remuat.”

LUKAS 5:13

Yésus nenatang ticu'Neh idi nengakem neneh, kebalaNeh, “PianKu, do' iko meligan peh!” Idi petacu susud ineh nepali'.

LUKAS 7:6

Idi Yésus iné' maya' nedeh. Kareb Ieh pangeh muneng inan ruma' ineh, idi lun rayeh baweh ineh nengecuk tuda'-tuda' lun rurumneh amé' papu Neneh, kebaladeh, “O Tuhan, aleg mesusa' ngaceku ui na mayu uen Tuhan ngikak bang ruma'ku.

LUKAS 7:8

Ngaceku ui ini pana' seburur lemulun luk pa liang ukum, idi pa liang ukum dui pana' inan tuda'-tuda' lun pebunu'; idi ui mala kuan sebururdeh, ‘Amé' iko',’ idi ieh pana' amé'; idi kuan seburur luk baken teh, ‘Amé' tungé,’ idi ieh pana' macing; idi kuan demulunku, ‘Do' nganau' ini,’ idi ieh pana' nganau'.”

BADA' RATNAN UKUM 32:39

“ ‘Ui ini sebuleng mo' luk Allah, idi na luk idi allah baken rat Negku. Ui ini luk ngaté idi luk ngulun, ngurat idi ngedo'. Seburur pana' nateh luk metueh rat Negku.

SEMUIL LUK PUN-PUN 2:6

Tuhan ineh luk ngaté idi luk ngulun; Tuhan teh luk nipa bang su luk inan até, idi luk nui teh.