LUKAS 7:42 - BALA LUK DO'

⁴² Didueh ineh na luk idi anun-anun luk ku ngua' baleh ineh, idi ieh nemuit nedidueh ratnan baleh didueh ineh. Nekini idéké rat arang didueh ineh luk meluun mawa neneh?”

LUKAS 7:42 Iomraidhean Croise

SEMUIL LUK KEDUEH 14:13

Idi kebala decur ineh, “Ngudehké iko nganau' sala' luk kudeng ineh pa kiung amung pupu Allah? Ngaceku na iko maré anak luk tila'mu ineh lemubed. Idi iko nengedat bururmu sebuleng ku bala luk bilamu ina di.

NANI UBUR 103:3

Ieh maré do' ku amung sala'ku; idi ngedo' amung luk métku;

YESAYA 43:25

Iamo' Ui ini Allah luk ngiu' amung sala'mu, ngaceku ineh luk pianKu. Idi teh Ui na ngerawé sala'mu ineh.

YESAYA 44:22

Ui nemalid amung sala' muyuh, mepad kudeng laput. Lumi amé' Negku; Ui ini Lun Nengulun namu.”

MATIUS 18:27

Ngaceku ieh mé' neneh, tuan lun tebarin ineh nemuit neneh, idi ieh nemaré do' kuanneh ratnan balehneh.

MATIUS 18:34

Idi tuanneh museh neneh, idi ieh nemaré neneh tetupin lun matar tutup, pad ieh ngua' amung-amung balehneh.”

MATIUS 6:12

Maré do' ratnan amung sala' kai, mepad kudeng kai pangeh nemaré do' ratnan amung sala' dulun.

LUKAS 7:43

Idi kebala Simun, “Ui ngerawé lemulun luk pinuit ratnan baleh luk meluun ula'.” Idi kebala Yésus neneh, “Matu terawému ineh.”

SURAT LUK BIRE PAULUS KUAN LUN RUM 3:24

Amungdeh ruen matu ratnan katu Allah luk barén mo'-mo' ngaceku ratnan uli' luk bang Keristus Yésus.

SURAT LUK BIRE PAULUS KUAN LUN RUM 5:6

Ngaceku kareb tau melaya' teh, idi Keristus naté ngaceku lun mesala' bang kareb luk litep Allah.

GALATIA 3:10

Lemulun luk merapet sikal maya' Ukum, ideh pa liang kediman, ngaceku pangeh inayud, “Idi kediman kuan anid-anid burur lemulun luk na lutep nganau' amung-amung luk inayud bang surat Ukum ineh.”

EPESUS 1:7

Ngaceku ratnan dara' Keristus tau pangeh inuli', ieh ineh Allah maré do' ratnan amung-amung sala', maya' katuNeh luk mela ineh,

EPESUS 4:32

Do' muyuh méi' seburur dengan seburur, idi mebeneh niat, idi pedo' seburur dengan seburur, mepad kudeng Allah pana' bang Keristus pangeh nemaré do' kuan muyuh.

KOLOSE 3:13

Do' muyuh mulai niat seburur dengan seburur idi maré do' arang muyuh sebuleng, kareb idé-idé ngadu' seburur lemulun baken. Do' muyuh maré do' arang muyuh sebuleng, mepad kudeng Tuhan pangeh nemaré do' kuan muyuh.