LUKAS 7:41 - BALA LUK DO'

⁴¹ “Inan dueh burur lemulun luk pebaleh nan seburur luk nemaré usin kebiten, idi luk kuan seburur baleh limeh ngeratu rigit, idi luk baken limeh ngepulu'.

LUKAS 7:41 Iomraidhean Croise

YESAYA 50:1

Kebala Tuhan, “Matuké iko ngerawé Ui nengecuk tinanmu buro, mepad kudeng deléi luk patad ratnan awanneh? Kudeng pieh kudeng ineh, iapehké surat patad? Matuké iko ngerawé Ui masui namu kuan lun luk naban, mepad kudeng lemulun luk masui anakneh mangun ku demulun? Na tu! Iko tiban ngaceku sala'mu, idi ngaceku kekamenmu luk dat tinanmu pangeh ligkan.

YEREMIA 3:11

Idi kebala Tuhan negku, “Sagan pana' Israil neteketed rat Negku, ieh meluun do' rat ni Yahuda luk na lutep.”

IAP 27:3

“Idi taman kai pangeh naté déi' su luk ali-ali. Iamo' na ieh neperurum nedeh luk ngedat Tuhan maya' aket Kora, iamo' ieh pangeh naté ngaceku sala'neh sebuleng, idi ieh na anak deléi.

MATIUS 18:28

“Iamo' lun tebarin ineh neremuat, idi ieh nepapu' lun denganneh luk inan baleh neneh tuda'-tuda' rigit. Idi ieh nengakem neneh, idi nemarek dierneh, keburi'neh, ‘Ngua' balehmu negku.’

MATIUS 6:12

Maré do' ratnan amung sala' kai, mepad kudeng kai pangeh nemaré do' ratnan amung sala' dulun.

MARKUS 6:37

Iamo' kebala Yésus, “Do' muyuh maré nedeh kuman.” Idi kebaladeh, “Pianmu kai amé' melih ruti luk raga dueh ngeratu rigit kenen lun mula' iniké?”

LUKAS 11:4

Maré do' ratnan amung-amung sala'kai, ngaceku kai pana' maré do' kuan anid-anid burur luk mesala' pa kiung kai. Idi aleg nguit nekai amé' bang luk nutun.’ ”

LUKAS 12:48

Iamo' demulun luk na nekali' pian tuanneh, idi ieh nenganau' luk na petulu, idi ieh miak uen mebal sesuut mo'. Ngaceku kuan anid-anid lemulun luk biré mula', rat neneh mula' luk miak tekapen, idi kuan lemulun luk biré mula' kekamen, ratnan neneh mula' luk miak pituen.

LUKAS 13:4

Kudeng apehké pulu' ualuh burur lemulun luk naté neritep ku ruma' luk medita' déi' Siloam ineh? Inanké muyuh ngerawé sala'deh meluun rayeh ratnan sala' amung lemulun luk tudo déi' Yerusalim?

LUKAS 7:40

Idi Yésus nengor balaneh, keburi'Neh, “O Simun, inan luk balénKu namu.” Idi keburi' Simun, O Guru, do' mada' negku nekini.”

LUKAS 7:47

Ngaceku ineh Ui pebala namu, ieh pangeh nengalap do' ratnan sala'neh luk mula' ineh, ngaceku awaneh pelaba rayeh; iamo' kuan lemulun luk pangeh nengalap do' ratnan sala'neh luk sesuut, idi awaneh pana' sesuut teh.”

SURAT LUK BIRE PAULUS KUAN LUN RUM 3:23

amung-amung lemulun pangeh nenganau' sala', pad ideh mado ratnan Allah luk miak ngulun nedeh.

SURAT LUK BIRE PAULUS KUAN LUN RUM 5:20

Idi Ukum ineh biré, pad sala' ineh amé' mula'; iamo' iapeh-iapeh sala' pangeh amé' mula', déi' teh katu Allah mela peh.