LUKAS 7:39 - BALA LUK DO'

³⁹ Kareb lun Parisi nenier ineh, idi ieh nepebala bang niatneh, “Kudeng lemulun ini seburur nabi, kali' rungen Ieh kali' idé' decur luk ngakem Neneh ineh, idi Ieh kali' neneh mesala'!”

LUKAS 7:39 Iomraidhean Croise

RACA'-RACA' LUK KEDUEH 5:20

idi Gehasi lun duken Elisa nabi Allah ineh nengerawé, “Lun rayehku Elisa pangeh méi' ni Naaman lun Siria ineh, pad ieh na sikal ngalap rat neneh anun luk tinatedneh neneh. Iamo' ui pebulung ku ngadan Tuhan luk mulun, idi ui sikal maya' puetneh idi ngalap aceh binaweh rat neneh.”

BALE' 23:7

Kebalaneh, “Kuman do'-do',” iamo' na ieh pian maré. Setuneh niat lemulun ineh mepad kudeng luk teruayenneh.

YESAYA 65:5

Ideh ngecuk lun baken na muneng nedeh, ngaceku ideh meligan idi na miak kamen. Ui megateh inan lemulun luk kudeng ineh — usehKu nedeh mepad kudeng apui luk na maté.

MATIUS 20:16

Idi kebala Yésus, “Idi kudeng ineh teh luk pa muci amé' pa atun, idi luk pa atun amé' pa muci.”

MATIUS 21:11

Idi lun mula' nepebala, “Ieh ineh seburur nabi, Yésus lun Nasarét, luk bang bawang Galilia.”

MARKUS 7:21

Ngaceku rat déi' dalem, ieh ineh rat bang niat lemulun remuat terawé luk dat, luk mesawa', mano, ngaté, pasét,

LUKAS 12:17

Idi ieh nengerawé bang niatneh, keterawéneh, ‘Na luk inanku nganug amung-amung padéku. Anunké luk miak ruenku?’

LUKAS 15:2

Idi lun Parisi idi guru-guru Ukum ngedureng, kebaladeh, “Lemulun ini nawar lun mesala' idi pamung kuman dengandeh.”

LUKAS 16:3

Idi keburi' lun luk ngasa' binawehneh ineh bang niatneh, ‘Anunké luk miak ruenku? Ngaceku tuanku nala' negku ratnan kekamen ngasa' binaweh ini? Idi ngukat tana' ui na metueh, idi mutuh usin mo'-mo' pana' ui migu'.

LUKAS 18:4

Idi tuda'-tuda' io lun luk mutut besara' ineh na sikal, iamo' kekipedneh ieh ngerawé bang niatneh, ‘Sagan pana ui na matot inan Allah idi na ngerawé lemulun,

LUKAS 3:8

Do' muyuh ngeruat bua'-bua' luk petulu dengan uren, idi aleg muyuh ngimun pebala bang niat muyuh, ‘Ibrahim, ieh ineh tepun kai,’ ngaceku ui pebala nemuyuh, Allah melalud ngisu' batu-batu ini mangun ku anak-anak Ibrahim.

LUKAS 7:16

Idi lun mula' ineh pelaba tot idi nengerayeh Allah, keburi'deh, “Aceh nabi luk rayeh pangeh nacing arang tau,” idi “Allah pangeh nengikak pupuNeh.”

LUKAS 7:37

Idi bang bawang ineh inan seburur decur luk mesala'. Kareb ieh nekali' Yésus uned tudo kuman bang ruma' lun Parisi ineh, idi ieh nenguit sebuleng seréi umau luk do' buen.

LUKAS 7:38

Idi ieh netuped pa keted Yésus muneng ku kukudNeh idi nangi', idi ieh nengeba' kukud Yésus ku abpa' matehneh. Idi ieh nemiid kukudNeh ku abpukneh, idi nemuen kukud Yésus, idi nengumau kukudNeh ku umau luk do' buen ineh.

LUKAS 7:40

Idi Yésus nengor balaneh, keburi'Neh, “O Simun, inan luk balénKu namu.” Idi keburi' Simun, O Guru, do' mada' negku nekini.”

YAHYA 4:19

Kebala decur ineh, “O Tuan, ui kali' Iko seburur nabi.

YAHYA 7:12

Idi lun mula' pelaba dureng ratnan Yésus. Idi inan luk pebala, “Ieh lemulun luk do',” idi lun baken nepebala, ‘Baken, iamo' Ieh naluk nelun mula' ineh.”

YAHYA 9:24

Idi ideh nenawar lun luk nebuser ineh sekua' teh, idi nepebala neneh, “Do' iko mada' luk matu pa kiung Allah! Kai ini kali', idi lemulun ineh lun mesala'.”