LUKAS 7:38 - BALA LUK DO'

³⁸ Idi ieh netuped pa keted Yésus muneng ku kukudNeh idi nangi', idi ieh nengeba' kukud Yésus ku abpa' matehneh. Idi ieh nemiid kukudNeh ku abpukneh, idi nemuen kukud Yésus, idi nengumau kukudNeh ku umau luk do' buen ineh.

LUKAS 7:38 Iomraidhean Croise

PUDUT 18:4

Nima' negku ngalap abpa' idi maru' kukud meteluh, idi do' meteluh tudo ngato erur meteluh liang kayuh ini.

ESRA 10:1

Idi laba' Esra tekeradung idi sembayang dengan nangi' idi ngamo sala' pa atun Ruma' Allah, mula' lun deléi, decur, idi anak-anak rat nelun Israil, nepamung neneh idi nenangi'.

NANI UBUR 38:18

Ui ngamo datku, idi sala'ku luk ngerapang negku.

NANI UBUR 51:17

Baréku, ieh ineh niat luk mebeneh, O Allah; Iko pian ku niat luk mebeneh, idi luk nginuud ratnan sala'.

LUN LUK MADA' 9:8

Do' ngayung ku luk do', idi ngumau uluhmu.

NANI SELIMUN 1:3

Iko pelaba do buen; idi ngadanmu mepad kudeng umau luk do' buen. Seburur decur pana' nateh na mawa namu.

YESAYA 57:9

Muyuh nganau' umau luk do' buen idi amé' sembayang nan akang Molek. Muyuh ngecuk nelun duken amé' nakap akang luk inan muyuh sembayang rat bang su luk inan até pana'.

YESAYA 61:3

Idi maré kuan lemulun luk mesusa' niat déi' Sion, awang idi do' ria' ku libal susa' niat, idi nani ubur ku libal tangi'. Tuhan sebuleng miak ngasa' nedeh; ideh do' ulun mepad kudeng kayuh. Amung lemulun nganau' luk matu. Idi Allah miak buren ngaceku luk inau'Neh.

YEREMIA 31:9

PupuKu miak lemubed dengan nangi', idi sembayang kareb Ui nguit nedeh muli'. Ui miak nguyut nedeh macing inan arur, idi maya' dalan luk do', pad ideh na metebaceng. Ui ini mepad kudeng taman lun Israil, idi Epraim, ieh ineh anakKu luk atun.

YOEL 2:12

Kebala Tuhan, “Do' uren nekini, idi lemubed maya' Negku dengan niat luk matu, idi nangi' dengan mawa'

SEKARIA 12:10

“Ui miak ngutang kuan inul Daud idi kuan lun Yerusalim Roh éi' idi Roh sembayang. Idi ideh miak nier Neneh luk pangeh tibpekdeh. Idi ideh temido Neneh, mepad kudeng lemulun luk temido anak buleng. Ideh miak temido dengan pelaba susa' niat, mepad kudeng lemulun temido anak deléideh luk atun.

MATIUS 5:4

“Samal kuan lemulun luk mesusa' niat, ngaceku ideh miak buken Allah peh.

LUKAS 22:62

Idi Pétrus neremuat, idi nenangi' dengan singap-singap.

LUKAS 6:21

“Samal kuan muyuh luk melau nekini; ngaceku muyuh miak uen ngebor. “Samal kuan muyuh luk nangi' nekini; ngaceku muyuh miak meriruh.

LUKAS 7:37

Idi bang bawang ineh inan seburur decur luk mesala'. Kareb ieh nekali' Yésus uned tudo kuman bang ruma' lun Parisi ineh, idi ieh nenguit sebuleng seréi umau luk do' buen.

LUKAS 7:39

Kareb lun Parisi nenier ineh, idi ieh nepebala bang niatneh, “Kudeng lemulun ini seburur nabi, kali' rungen Ieh kali' idé' decur luk ngakem Neneh ineh, idi Ieh kali' neneh mesala'!”

YAHYA 11:2

Mariam ineh luk nengumau Yésus ku umau luk do' buen, idi luk nemiid kukudNeh ku abpukneh. Idi Lasarus luk mét, ieh ineh kinanakneh.)

YAKUB 4:9

Do' nginuud dengan temido idi nangi', idi do' riruh muyuh mangun ku tido, idi awang muyuh mangun ku susa'.