LUKAS 7:2 - BALA LUK DO'

² Idi inan seburur demulun lun rayeh baweh Rum luk inan tuanneh pelaba awa, idi ieh mét lélé maté.

LUKAS 7:2 Iomraidhean Croise

PUDUT 24:27

kebalaneh, “Amung ubur kuan Tuhan, ieh ineh Allah tuanku Ibrahim, luk lutep maya' jani'Neh kuan tuanku. Idi Tuhan pangeh nenguyut negku macing bang ruma' kinanak tuanku.”

PUDUT 35:8

Idi Debora pana' naté, ieh ineh luk ngasa' ni Ribeka, idi ieh tinanem pa acep aco déi' Baitel, pa liang lawa kayuh luk meraben luk titen “Kayuh luk Meraben luk inan Nangi'.”

AYUB 31:5

Ui na tu-tu nenganau' luk dat, idi na ui nenaluk nelun baken.

BALE' 29:21

Kudeng iko maré kuan demulunmu anun-anun luk pianneh, rat kareb ieh isuut, muci ieh miak ngalap amung binawehmu.

MATIUS 27:54

Idi kareb lun rayeh lun pebunu' idi lemulun luk tudo denganneh matar Yésus nekali' tana' meruyuh, dengan amung-amung luk pangeh mangun, ideh pelaba tot, idi keburi'deh, “Matu, Ieh Anak Allah.”

LUKAS 23:47

Kareb lun rayeh lun pebunu' nenier luk mangun ineh, idi ieh pana' nengerayeh Allah, keburi'neh, “Matu lemulun ini seburur lemulun luk matu.”

LUKAS 7:1

Kareb Yésus nemangeh amung-amung balaNeh luk pindenger lun mula' ineh, idi Ieh nesemuet bang bawang Kapernaum.

LUKAS 7:3

Kareb lun rayeh baweh ineh neninger ratnan Yésus, idi ieh nengecuk lun rayeh lun Yahudi mutuh Neneh macing ngedo' demulunneh ineh.

LUKAS 8:42

Ngaceku inan aceh anak decurneh luk sebuleng luk lélé pulu' dueh lak ulunneh, idi ieh lélé maté. Uned Yésus nalan idi lun mula' pana' nengerieng Neneh.

KEKAMEN RASUL-RASUL 10:1

Idi déi' bawang Kaisaria inan selemulun ngadanneh Kornilius, ieh ineh lun rayeh aceh babpat baweh Rum luk titen “Baweh Italia.”

KEKAMEN RASUL-RASUL 10:7

Kareb melaikat ineh pangeh nenalan, idi Kornilius nenawar dueh burur demulun luk ngakem bang ruma'neh ineh, idi seburur luk pebunu' luk megéi' sembayang rat arang lemulun luk ngasa' neneh.

KEKAMEN RASUL-RASUL 22:26

Kareb lun rayeh lun pebunu' ini neninger bala ineh, idi ieh iné' nelun rayeh baweh idi nengitun neneh, kebalaneh, “Anunké luk ruenmu? Lemulun ini lun Rum.”

KEKAMEN RASUL-RASUL 23:17

Idi Paulus nenawar seburur lun rayeh lun pebunu' ineh idi nepebala, “Itenmu anak adi' ini kuan lun rayeh baweh; ngaceku inan aceh bala luk badénneh neneh.”

KEKAMEN RASUL-RASUL 27:1

Kareb pangeh pinutut ratnan kai maya' kapal amé' déi' Italia, idi nemaré ni Paulus idi tuda'-tuda' lun baken luk tinutup, amé' matun seburur lun rayeh lun pebunu', ngadanneh Yulius, ratnan “Baweh Raca' Rum.”

KEKAMEN RASUL-RASUL 27:3

Kenebpa kai nacing déi' Sidon. Idi Yulius méi' ni Paulus, idi nenima' neneh amé' nier lun rurumneh, pad ideh maré luk pianneh.

KEKAMEN RASUL-RASUL 27:43

Iamo' lun rayeh lun pebunu' ineh sikal ngulun ni Paulus, idi ieh nemebpeng nedeh na maya' piandeh. Idi ieh nengecuk nedeh luk mileh lemangui ubpa rat bang kapal idi lemangui amé' nan tangeb,

KOLOSE 3:22

O demulun, bang luk amung-amung do' muyuh maya' bala lun luk kuan nemuyuh bang tana' ini, baken dengan siayu pad muyuh buren lemulun, iamo' dengan niat luk lutep, pad muyuh ngerayeh Tuhan.