LUKAS 7:17 - BALA LUK DO'

¹⁷ Idi bala ratnan Yésus nepiar aput tana' Yudia idi amung bawang libut-libut ineh teh.

LUKAS 7:17 Iomraidhean Croise

MATIUS 2:1

Yésus tinganak déi' Baitlahim bang bawang Yudia, kareb imet Raca' Herodés, idi tuda'-tuda' lun luk mileh nier gituen nacing rat pa busat aco iné' Yerusalim,

MATIUS 4:24

Idi bala ratnan Yésus nepiar aput bawang Siria, idi ideh nenguit amung-amung lun luk mét amé' Neneh, idi sebuang mét dengan riput-riput luk mét. Inan sebuang luk sinuet ada', inan teh luk mét meruai, idi inan teh sebuang luk meliai, idi Ieh nengedo' nedeh.

MATIUS 9:26

Idi bala ratnan luk kudeng ineh nepiar macing libut-libut bawang ineh.

MATIUS 9:31

Iamo' didueh neremuat, idi nemada' bala ratnan Yésus aput bawang ineh.

MARKUS 1:28

Idi dengan mesaget amung-amung bala ratnan Yésus ini nepiar bang libut-libut bawang Galilia.

MARKUS 6:14

Raca' Herodés neninger bala ineh, ngaceku ngadan Yésus pangeh nepiar. Idi inan lun pebala, “Yahya luk Ngerereb pangeh netumui rat arang lun naté. Ini punneh inan lalud luk kudeng ini ngakem bang bururneh.”

LUKAS 4:14

Pangeh ineh Yésus nelemubed iné' Galilia dengan lalud Roh; idi balaNeh nepiar aput bawang ineh.

LUKAS 7:14

Idi Ieh iné ngakem lungun ineh, idi lemulun luk nemirir ineh nugka'. Idi kebala Yésus, “O anak adi', Ui pebala namu, do' iko tumui!”