LUKAS 7:16 - BALA LUK DO'

¹⁶ Idi lun mula' ineh pelaba tot idi nengerayeh Allah, keburi'deh, “Aceh nabi luk rayeh pangeh nacing arang tau,” idi “Allah pangeh nengikak pupuNeh.”

LUKAS 7:16 Iomraidhean Croise

NANI UBUR 65:9

Iko maré udah idi ngegala' éi'Mu kuan tana'; Iko nganau' neneh do' idi mebaleng; idi abpa' luk biréMu na miak mekeket; pad tana' miak ngeruat uli'neh. Ini luk inau'Mu:

PURA' 4:31

Idi ideh manu kareb ideh neninger Tuhan pangeh méi' kuan lun Israil idi nenier derehdeh, pad ideh netekeradung idi sembayang Neneh.

YEREMIA 33:9

Yerusalim miak mangun ku aceh lawa awang, ubur, idi rayeh kuanKu. Idi amung pupu bang tana' ini miak matot idi megegker, kareb ideh ninger ratnan amung peruan luk ruenKu ngacing kuan lun Yerusalim idi bawangdeh ini.’ ”

MATIUS 15:31

Lun mula' ineh mawa, kareb ideh nenier lun mebegkeh pebala-pebala, lun mepueg do', lun meliai nalan do'-do', idi lun mebuser nier peh; idi ideh nengerayeh Allah lun Israil.

MATIUS 21:11

Idi lun mula' nepebala, “Ieh ineh seburur nabi, Yésus lun Nasarét, luk bang bawang Galilia.”

MATIUS 28:8

Idi ideh nenalan iket-iket ratnan tanem ineh dengan matot, idi niatdeh pelaba awang idi ideh nupun nated bala ineh kuan anak-anak sekola'Neh.

MATIUS 9:8

Kareb lun mula' nekali' ratnan luk kudeng ineh, idi ideh matot idi nengerayeh Allah luk nemaré lalud luk kudeng ineh kuan lemulun.

LUKAS 1:65

Idi lun bang bawang ineh pelaba tot. Idi bala ratnan ineh nepiar aput pegkung tana' Yudia.

LUKAS 1:68

“Do' tau ngubur Tuhan Allah lun Israil! Ieh iné' ngedengan pupuNeh, pad Ieh nemuit nedeh.

LUKAS 19:44

Ideh miak ngusag namu idi ngaté anak-anakmu, idi sebuleng batu pana' luk pebuun dengan luk baken na ketecan bang namu, ngaceku iko na nekali' karebneh Allah iné' ngulun namu.”

LUKAS 2:20

Idi lun matar ineh pana' nelemubed dengan ngerayeh idi ngubur Allah, ngaceku ratnan amung-amung luk pindengerdeh idi sinierdeh, mepad kudeng luk bila kuandeh atun.

LUKAS 24:19

Idi kebala Yésus nedidueh, “Ratnan anunké ineh?” Idi keburi' didueh Neneh, “Ratnan Yésus lun Nasarét, ieh ineh seburur Nabi luk melalud bang kekamenNeh idi balaNeh pa kiung Allah idi lun mula' pana'.

LUKAS 5:26

Idi amungdeh ineh mawa idi nengubur Allah. Ideh nepanu' ku tot, kebaladeh, “Bang aco sini kai nekali' kekamen luk nan mawa!”

LUKAS 5:8

Kareb Simun Pétrus nenier ineh, idi ieh netekeradung pa kiung Yésus, keburi'neh, “O Tuhan, buro rat negku, ngaceku ui lemulun luk panu' ku sala'.”

LUKAS 7:15

Idi lun luk naté ineh netudo, idi nengimun pebala-pebala. Idi Yésus nemaré neneh nan tinanneh.

LUKAS 7:39

Kareb lun Parisi nenier ineh, idi ieh nepebala bang niatneh, “Kudeng lemulun ini seburur nabi, kali' rungen Ieh kali' idé' decur luk ngakem Neneh ineh, idi Ieh kali' neneh mesala'!”

LUKAS 8:37

Idi amung lemulun luk rat libut bawang Gerasa nemutuh Yésus buro rat nedeh, ngaceku ideh palaba tot. Idi Yésus netemaleb bang aceh alud, idi Ieh nenalan.

LUKAS 9:19

Idi kebaladeh Neneh, “Yahya luk Ngerereb.” Iamo' inan luk pebala, “Elia.” Idi inan teh luk pebala, “Seburur rat arang nabi luk mon pangeh netumui.”

YAHYA 1:21

Idi ideh nengitun neneh teh, “Kudeng pieh kudeng ineh, idéké iko? Iko Eliaké?” Idi keburi'neh, “Baken.” “Iko nabi inehké?” Idi keburi'neh, “Baken.”

YAHYA 1:25

Idi ideh nengitun ni Yahya, keburi'deh, “Kudeng iko ini baken Keristus, idi baken Elia, idi baken nabi ineh, anunké punneh iko ngerereb lemulun?”

YAHYA 4:19

Kebala decur ineh, “O Tuan, ui kali' Iko seburur nabi.

YAHYA 6:14

Kareb lun mula' pangeh nenier tanu' luk inau' Yésus, idi keburi'deh, “Matu Ieh ini nabi luk macing bang tana' ini.”

YAHYA 9:17

Ngaceku ineh ideh nengitun neneh sekua'teh, “Anunké luk belénmu ratnan Ieh? Ngaceku Ieh pangeh nengedo' matehmu?” Idi ieh nengor baladeh, keburi'neh, “Ieh ineh nabi.”

KEKAMEN RASUL-RASUL 5:5

Kareb Ananias neninger bala ini, idi ieh neluka' idi niatneh neputut. Idi nacing aceh tot luk rayeh kuan amung-amung lemulun luk neninger bala ineh.

KEKAMEN RASUL-RASUL 7:37

Idi Musa ineh luk nepebala nelun pupu Israil, ‘Allah sikal maré kuan muyuh aceh Nabi rat arang pupu muyuh sebuleng mepad kudeng ui ini teh.’

GALATIA 1:24

Idi ideh nengubur Allah ngaceku ui.

BADA' RATNAN UKUM 18:15

Ngaceku ineh Ieh maré kuan muyuh aceh Nabi rat arang uned kinanak-kinanak muyuh luk mepad kudeng ui ini, idi do' muyuh ninger Neneh.