LUKAS 7:14 - BALA LUK DO'

¹⁴ Idi Ieh iné ngakem lungun ineh, idi lemulun luk nemirir ineh nugka'. Idi kebala Yésus, “O anak adi', Ui pebala namu, do' iko tumui!”

LUKAS 7:14 Iomraidhean Croise

RACA'-RACA' LUK PUN-PUN 17:21

Idi Elia netekulub luun anak ineh teluh kua'. Idi ieh nesembayang mutuh Tuhan, kesembayangneh, “O Tuhan Allahku, maré niat anak ini lemubed amé' neneh.”

RACA'-RACA' LUK PUN-PUN 17:22

Idi Tuhan neninger sembayang Elia ineh. Idi niat anak ineh nelemubed amé' neneh pad ieh mulun.

AYUB 14:12

iamo' lun naté na miak tumui. Ruked inan langit, na ideh miak kulat, idi teh ideh na sigio.

AYUB 14:14

Kudeng aceh lemulun maté, miakké ieh tumui? Iamo' ui nginulat kareb luk meluun do', kareb susa' ini pangeh pelaba.

NANI UBUR 33:9

Kareb Ieh nepebala, tana' ini mangun peh; kareb Ieh nengecuk, amung-amung pudut melagan peh.

YESAYA 26:19

Pupu kai luk pangeh naté miak mulun baruh! Butungdeh miak muli' mulun! Amung lemulun luk rudap bang tanemdeh, miak tumui idi menani ku awang niatdeh! Mepad kudeng ipup ngeba' tana', kudeng ineh teh Tuhan miak nui lemulun luk naté mon.

MARKUS 5:41

Idi Ieh nengimet ticu' anak ineh idi nepebala, “Talita kum!” luk ilungneh, “O anak decur, Ui pebala namu, tumui iko.”

LUKAS 7:13

Kareb Tuhan nenier decur ineh, idi Ieh méi' neneh, kebalaNeh, “Aleg iko nangi'.”

LUKAS 7:15

Idi lun luk naté ineh netudo, idi nengimun pebala-pebala. Idi Yésus nemaré neneh nan tinanneh.

LUKAS 7:17

Idi bala ratnan Yésus nepiar aput tana' Yudia idi amung bawang libut-libut ineh teh.

YAHYA 11:25

Idi kebala Yésus ni Marta, “Ui ini Tui ratnan até idi Ulun. Idé-idé luk manu Negku, sagan pana' pangeh naté, ieh miak mulun teh;

YAHYA 5:21

Mepad kudeng Taman nui amung-amung lun naté idi ngulun nedeh, kudeng ineh teh Anak ineh ngulun idé-idé luk pianNeh.

YAHYA 5:25

Matu, Ui pebala nemuyuh, idi karebneh miak macing idi nekini pana' pangeh nacing, idi amung-amung lun naté miak ninger uni tang Anak Allah, idi lemulun luk ninger ineh miak mulun.

SURAT LUK BIRE PAULUS KUAN LUN RUM 4:17

kudeng luk inayud, “Idi Ui pangeh nenganau' namu ku taman tuda'-tuda' pupu,” pa kiung Allah luk inanneh manu, ieh ineh Allah luk ngulun lemulun luk naté, idi luk mudut anun-anun luk nateh pinudut.

EPESUS 5:12

Ngaceku amung-amung kekamen luk inau'deh dengan lulem ineh, neten neneh pana' migu' teh.)