LUKAS 7:13 - BALA LUK DO'

¹³ Kareb Tuhan nenier decur ineh, idi Ieh méi' neneh, kebalaNeh, “Aleg iko nangi'.”

LUKAS 7:13 Iomraidhean Croise

NANI UBUR 103:13

Tuhan méi' kuan lemulun luk matot Neneh, mepad kudeng taman luk méi' inan anakneh.

NANI UBUR 86:15

O Tuhan, Iko Allah luk méi' idi mawa, idi luk na malé useh, idi megéi' mekatu idi lutep maya' jani'.

NANI UBUR 86:5

O Tuhan, Iko luk do' idi luk maré do', idi luk mepanu' ku awa luk lutep kuan amung lemulun luk sembayang Namu.

YESAYA 63:9

ratnan amung derehdeh. Baken melaikat, iamo' Tuhan sebuleng luk nengulun nedeh. Dengan awaNeh idi éi'Neh, Ieh nemuit nedeh. Mon Ieh pangeh nengasa' nedeh,

YEREMIA 31:20

“O Israil, iko anak luk inanKu mawa idi luk inanKu méi'. Kareb Ui neten ngadanmu, niatKu sigio ngerawé namu. Ui miak méi' namu, Ui ini Tuhan pangeh nepebala.

MARKUS 8:2

“Ui mé' nelun mula' ini, ngaceku pangeh teluh aco ideh tudo denganKu, idi na luk kenendeh.

LUKAS 10:1

Pangeh ineh, idi Tuhan pana' nemili' tudu' ngepulu' dueh burur lemulun, idi nengecuk nedeh tedueh-tedueh amé' pa atunNeh bang anid-anid bawang idi su luk inanNeh pian amé'.

LUKAS 11:1

Idi bang seaco Yésus nesembayang su luk inanNeh sembayang. Kareb Ieh nugka', idi seburur anak sekola'Neh nepebala Neneh, “O Tuhan, mada' nekai ratnan sembayang, mepad kudeng Yahya nemada' anak sekola'neh.”

LUKAS 11:39

Idi kebala Tuhan neneh, “O muyuh lun Parisi, luk maru' luun sangkir idi bigan, iamo' niat muyuh mepanu' ku pano' idi luk dat.

LUKAS 12:42

Idi kebala Tuhan, “Idéké demulun luk lutep idi mileh, luk ruen tuanneh ngecuk matar uang ruma'neh, pad mabpat luk kenendeh bang kareb luk petulu?

LUKAS 13:15

Iamo' Tuhan nengor balaneh, keburi'Neh, “O lun luk siayu, bakenké bang Aco luk inan Mudeng anid-anid burur muyuh muit sapi' idi keladaineh rat bang libungneh, sikal nguit neneh amé' ngirup?

LUKAS 17:5

Idi kebala rasul-rasul ineh kuan Yésus, “Do' ngerayeh anu kai!”

LUKAS 17:6

Idi kebala Yésus, “Kudeng muyuh inan anu luk kirayeh aceh ngilung sesawi' pana', idi miak muyuh pebala kuan lawa gita' ini, ‘Mebubput iko idi uen nibu bang abpa' rayeh!’ Idi ieh pana' maya' balamu teh.’

LUKAS 18:6

Idi kebala Tuhan, “Do' ninger luk bila lun luk mutut besara' luk na matu ineh!

LUKAS 19:8

Sakius netuped idi nepebala inan Tuhan, “Sebuang ratnan binawehku, O Tuhan, ui maré kuan lemulun luk masi', idi kudeng ui pangeh nengalap binaweh dulun dengan naluk, ui maré lemubed apat kua' kinula'neh.”

LUKAS 22:61

Idi Yésus nelumi idi nenier Pétrus; idi Pétrus nengerawé ratnan bala Tuhan, mepad kudeng luk bilaNeh neneh atun, “Idi kareb nateh lal ngekook aco sini, iko miak ngalum Negku teluh kua'.”

LUKAS 24:3

Kareb ideh nesemuet, idi ideh nenier butung Tuhan Yésus na idi.

LUKAS 24:34

idi kebaladeh, “Matu, Tuhan pangeh netumui idi Ieh nesilagan kuan Simun.”

LUKAS 7:12

Kareb Ieh macing nan tanga' bawang ineh idi inan lun mirir lungun. Idi lun luk naté ineh anak buleng. Idi tinanneh tinula'. Idi mula' lun bang bawang ineh nemaya' neneh.

LUKAS 7:14

Idi Ieh iné ngakem lungun ineh, idi lemulun luk nemirir ineh nugka'. Idi kebala Yésus, “O anak adi', Ui pebala namu, do' iko tumui!”

LUKAS 8:52

Idi amung-amung lemulun pana' nangi' idi temido neneh; iamo' keburi Yésus, “Aleg nangi', baken ieh naté, iamo' rudap.”

YAHYA 11:2

Mariam ineh luk nengumau Yésus ku umau luk do' buen, idi luk nemiid kukudNeh ku abpukneh. Idi Lasarus luk mét, ieh ineh kinanakneh.)

YAHYA 11:3

Idi dueh kinanakneh ineh nemaré bala kuan Yésus, kebala didueh, “O Tuhan, lemulun luk inanMu mawa ineh mét.”

YAHYA 20:13

Idi kebala didueh ni Mariam, “O decur, anunké punneh iko nangi'?” Idi keburi' Mariam nedidueh, “Ngaceku lemulun pangeh nengalap Tuhanku, idi ui na kali' iapeh inandeh nengerareng Neneh.”

YAHYA 20:15

Idi Yésus nengitun neneh, kebalaNeh, “O decur, anunké punneh iko nangi'? Idéké luk tekapenmu?” Mariam ngerawé Ieh ineh lun matar kabun, idi kebalaneh Neneh, “Tuan, kudeng iko nengalap Neneh rat ieni, mada' negku, iapehké inanmu nengerareng Neneh, pad ui miak amé' ngalap Neneh.”

YAHYA 4:1

Lun Parisi neninger ratnan kudeng apeh Yésus ngalap idi ngerereb meluun ula' anak sekola' ratnan Yahya. (

YAHYA 6:23

Kenebpa inan tuda'-tuda' alud luk nacing rat Tibirias, muneng ku su luk inandeh nekuman ruti nalem kareb Tuhan pangeh nemaré ubur.

1 KORINTUS 7:30

idi lemulun luk nangi' mepad kudeng lemulun luk na nangi', lemulun luk meriruh, mepad kudeng lemulun luk na mawang niat, lemulun luk pebelih, mepad kudeng lemulun luk na binaweh;

1 TESALONIKA 4:13

O kinanak-kinanakku, kai pian nemuyuh kali' luk matu ratnan lemulun luk panegh naté, pad muyuh na miak ngalap dat niat mepad kudeng lemulun luk na luk idi rapet inan Allah.

IBERANI 2:17

Ilungneh, na miak na Ieh ruen mepad kudeng kinanak-kinanakNeh bang luk amung-amung, pad Ieh miak mangun ku Imam Rayeh luk méi' idi lutep maya' jani', pelé pupuNeh ineh bang kekamenNeh kuan Allah miak ngalap do' ratnan sala'.

IBERANI 4:15

Ngaceku na luk idi Imam Rayeh kuan tau luk na méi' inan amung-amung laya' tau, iamo' luk pangeh nengalap tutun bang luk amung-amung mepad kudeng tau, idi teh Ieh na mesala'.

LUN LUK NGUYUT 10:16

Idi ideh nenala' amung allahdeh idi nesembayang inan Tuhan. Idi Tuhan mesusa' ku lun Israil.