LUKAS 7:12 - BALA LUK DO'

¹² Kareb Ieh macing nan tanga' bawang ineh idi inan lun mirir lungun. Idi lun luk naté ineh anak buleng. Idi tinanneh tinula'. Idi mula' lun bang bawang ineh nemaya' neneh.

LUKAS 7:12 Iomraidhean Croise

PUDUT 22:12

Idi kebala Melaikat ineh, “Aleg iko ngaté anak ineh, idi aleg nganau' anun-anun kuanneh. Nekini Ui kali' iko matot inan Allah. Ngaceku sagan pana' ieh anak bulengmu, na iko ngibpeng neneh kuanKu.”

PUDUT 22:2

Idi kebala Allah, “Ngalap anak bulengmu, Isak luk inanmu mawa, idi amé' déi' tana' Moria. Idi maré neneh sabpen ku aceh baré kuanKu luun aceh surud luk badénKu namu.”

SEMUIL LUK KEDUEH 14:7

Idi nekini amung pupuku museh negku, kebaladeh, ‘Nguit léi luk nengaté kinanakneh ineh, pelé kai miak ngaté neneh ku libal kinanakneh luk pangeh pinaténeh.’ Idi kudeng ineh teh ideh pian ngaté inulku luk ketecan, pad ngadan awanku na idi luun tana' ini ngaceku na inul.”

RACA'-RACA' LUK PUN-PUN 17:12

Iamo' kebala decur ineh neneh, “Ui pebulung ku ngadan Tuhan Allahmu luk mulun ineh, idi sepuri' ruti pana' nateh negku. Iamo' aceh ragam banak mo' bang tayenku, idi sesuut mo' umau bang seréi'. Idi ui ngalap sesuut kayuh apui nekini pad ui temina' ku ineh kuan bururku sebuleng, idi kuan anak deléiku ineh, pelé kai dueh kuman. Pangeh ineh idi kai maté.”

RACA'-RACA' LUK PUN-PUN 17:18

Idi kebalaneh ni Elia, “Ngudeh iko ngesusa' negku, O nabi Allah? Pangeh iko numak ruma'ku pian ngerawé sala'ku idi ngaté anakku!”

RACA'-RACA' LUK PUN-PUN 17:23

Idi Elia nenguit anak ineh temurun amé' nan tinanneh, kebalaneh neneh, “Siruh, anakmu ini pangeh mulun!”

RACA'-RACA' LUK PUN-PUN 17:9

“Do' iko amé' déi' Sarepat luk muneng ku Sidon ineh, idi tudo déi'. Ngaceku Ui pangeh nengecuk aceh decur tinula' ngasa' namu déi'.”

RACA'-RACA' LUK KEDUEH 4:16

Idi kebala Elisa neneh, “Lak baruh, kareb luk kudeng ini, iko inan anak deléi.” Idi kebala decur ineh, “O nabi Allah aleg iko naluk negku ini.”

RACA'-RACA' LUK KEDUEH 4:20

Idi ieh nengiding neneh, idi nenguit neneh iné' nan tinanneh. Idi anak ineh tudo bang abinneh macing muned aco. Idi ieh naté.

AYUB 29:13

Lun luk pelaba susa' nengubur negku, idi ui nengedengan decur tinula' pad ideh do' udeng.

SEKARIA 12:10

“Ui miak ngutang kuan inul Daud idi kuan lun Yerusalim Roh éi' idi Roh sembayang. Idi ideh miak nier Neneh luk pangeh tibpekdeh. Idi ideh temido Neneh, mepad kudeng lemulun luk temido anak buleng. Ideh miak temido dengan pelaba susa' niat, mepad kudeng lemulun temido anak deléideh luk atun.

LUKAS 7:11

Na mio ratnan ineh teh Yésus iné' bawang Nain, idi anak-anak sekola'Neh idi lun mula' nemaya' Neneh.

LUKAS 7:13

Kareb Tuhan nenier decur ineh, idi Ieh méi' neneh, kebalaNeh, “Aleg iko nangi'.”

LUKAS 8:42

Ngaceku inan aceh anak decurneh luk sebuleng luk lélé pulu' dueh lak ulunneh, idi ieh lélé maté. Uned Yésus nalan idi lun mula' pana' nengerieng Neneh.

LUKAS 8:52

Idi amung-amung lemulun pana' nangi' idi temido neneh; iamo' keburi Yésus, “Aleg nangi', baken ieh naté, iamo' rudap.”

YAHYA 11:19

Idi mula' lun Yahudi pangeh nengikak ni Marta idi Mariam sikal ngubuk nedidueh, ngaceku kinanak didueh Lasarus ineh pangeh naté.

KEKAMEN RASUL-RASUL 9:39

Idi Pétrus netumui idi nemaya' nedidueh. Kareb ieh nacing idi ideh nenguit neneh semuet déi' parung. Idi amung-amung lun decur tinula' luk tuped iringneh nangi' idi nemada' sirenneh kuyu' idi ayung luk pangeh inau' Dorkas kareb ieh idi dengandeh.

KEKAMEN RASUL-RASUL 9:41

Idi Pétrus nengegenang ticu'neh idi nenganau' neneh tuped. Idi kareb ieh pangeh nenawar nelun manu idi decur-decur tinula', ieh nemaré neneh kuandeh dengan do'.

YAKUB 1:27

Baya' luk meligan idi meriput pa kiung Allah Taman, ieh ineh ngikak anak maté idi decur tinula' bang susa'deh, idi ngasa' burur pad na uen tana' ini ngelutak.