LUKAS 6:8 - BALA LUK DO'

⁸ Iamo' Ieh sebuleng nekali' terawédeh, idi Ieh nepebala kuan lemulun luk naté ticu' ineh, “Mudur iko idi tuped pa atun.” Idi ieh nudur idi netuped déi'.

LUKAS 6:8 Iomraidhean Croise

INUL LUK PUN-PUN 28:9

“Idi iko, O anakku Selimun, do' iko ngiti Allah tamanmu, idi ngakem kuanNeh dengan niat luk mepicet, idi dengan terawé luk petulu. Ngaceku Tuhan ngelio idi kali' amung terawé niat. Kudeng iko nakap Neneh kali' rungen Ieh kali'mu. Iamo' kudeng iko necan Neneh, kali' rungen Ieh nala' namu macing ruked-ruked.

INUL LUK PUN-PUN 29:17

Ngaceku ui kali', O Allahku, Iko teh nutun niat lemulun, idi Iko teh pian ku niat luk matu. Idi dengan niat luk mawang idi matu ui pangeh nemaré amung binaweh ini. Idi nekini ui pangeh nenier pupuMu luk idi ieni nguit barédeh kuanMu dengan niat luk mawang idi meran.

AYUB 42:2

O Tuhan, Iko luk melalud; idi Iko miak nganau' amung-amung luk pianMu.

NANI UBUR 44:21

Iko miak kali' ineh, ngaceku Iko kali' terawé lemulun.

YESAYA 42:4

Rapet idi kuu'Neh na miak misu'; idi Ieh ngeletep luk mesiri luun tana' ini. Idi bawang luk mado nginulat bada'Neh.”

MATIUS 9:4

Yésus nekali' terawédeh, idi kebalaNeh, “Ngudehké muyuh ngerawé luk dat bang niat muyuh?

MARKUS 3:3

Idi keburi' Yésus kuan lemulun luk naté ticu' ineh, “Amé' iko pa atun.”

LUKAS 13:12

Kareb Yésus nenier neneh, idi Ieh nenawar decur ineh, kebalaNeh, “O decur, mepuit iko ratnan étmu ineh.”

LUKAS 5:22

Iamo' ngaceku Yésus nekali' terawédéh, idi Ieh nengitun nedeh, “Ngudehké muyuh ngerawé luk kudeng ineh?

LUKAS 6:9

Idi kebala Yésus nedeh, “Ui ngitun nemuyuh: Maya' ukum tau, anunké luk miak ruen bang Aco luk inan Mudeng? Ngedengan kian ngurat? Ngulun kian ngaté?”

YAHYA 2:25

Na ulekneh seburur pana' mada' Neneh ratnan lemulun, ngaceku Ieh sebuleng kali' amung-amung luk bang niatdeh.

YAHYA 21:17

Idi Ieh nengitun neneh luk keteluh kua', “O Simun, anak Yahya, mawaké iko Negku?” Idi Pétrus pana' mesusa', ngaceku pangeh teluh kua' Ieh nengitun neneh, “Mawaké iko Negku?” Idi keburi' Pétrus Neneh, “O Tuhan, Iko kali' amung-amung, idi Iko kali' idi ui mawa Namu.” Idi kebala Yésus neneh, “Do' iko maman dumba-dumbaKu.

YAHYA 9:4

Do' tau nganau' kekamen Allah luk nengecuk Negku ini kareb aco macang teh. Ngaceku dacem sikal macing idi kareb ineh seburur pana' na miak ngakem.

KEKAMEN RASUL-RASUL 20:24

Iamo' na tu ui ngerawé niatku inan raga kuan bururku sebuleng, kudeng ui miak ngeriput luk ruenku, idi mangeh kekamenku luk ilapku ratnan Tuhan Yésus, ieh ineh pad ui mada' Bala luk Do' ratnan katu Allah.

KEKAMEN RASUL-RASUL 26:26

O Raca' Agripa! Ui miak mada' namu dengan na merapang, ngaceku iko kali' amung-amung bala ini. Ui kali' do'-do' idi amung-amung ini pangeh megala' kuanmu, ngaceku amung-amung ineh baken inau' dengan lulem.

PILIPI 1:28

Aleg matot nan bunu' muyuh. Do' muyuh mekuu', pad ngegala' kuandeh ratnan muyuh metueh, idi ideh melaya'. Ngaceku Allah luk maré nemuyuh metueh.

IBERANI 4:13

Na luk idi anun-anun luk uen ngelinged kuan Allah. Iamo' amung-amung pudut megala' idi mukab pa kiungNeh. Idi tau maré or kuanNeh ratnan kekamen tau.

1 PETRUS 4:1

Ngaceku Keristus pangeh nengalap dereh bang burur lemulun, do' muyuh pana' ngayung ku niat luk mepad kudeng ineh teh; ngaceku lemulun luk ngalap dereh bang burur ineh, pangeh ugka' ratnan nganau' sala'.

BALA LUK LINIO 2:23

Idi Ui miak ngaté anak itinneh ku luk kadan, pad amung-amung sidang kali' ratnan Ui ini kali' terawé idi lili lemulun, idi Ui miak ngua' kuan muyuh maya' kekamen muyuh.