LUKAS 6:7 - BALA LUK DO'

⁷ Idi guru-guru Ukum idi lun Parisi pana' nenier kudeng Ieh ngedo' lemulun ineh bang Aco luk inan Mudeng, pad ideh miak kali' dalan ngadu' Neneh.

LUKAS 6:7 Iomraidhean Croise

NANI UBUR 38:12

Lemulun luk sikal ngaté negku nganau' abpung kuanku, idi lemulun luk sikal ngesusa' negku ngerawé ratnan ngedereh negku; ideh na ugka' nakap dalan sikal metueh rat negku.

YESAYA 29:21

Allah miak ngaté lemulun luk ngedat nelun baken, idi lemulun luk mebpeng nelun luk mesala' na ngalap ukum, idi lemulun luk mebalih, pad na mutut ukum luk mesiri kuan lemulun luk matu.

YEREMIA 20:10

Ui ninger lun mula' payek-payek. “Inan Luk Katot Iapeh-Iapeh.” Kebaladeh, “Do' tau ngadu' neneh!” Lun rurumku pana' pian ku ui mebpeh. Kebaladeh, “Miak ieh uen naluk lek. Do' tau ngakem neneh idi ngua' datneh.”

MATIUS 5:39

Iamo' nekini Ui pebala nemuyuh: aleg metueh ratnan lemulun luk dat, iamo' kudeng selemulun mepag pingitmu pa tinueh, do' maré pingitmu pa kabing teh.

MARKUS 3:2

Idi inan lemulun nenier Neneh, kudeng Ieh miak ngedo' lemulun ineh bang Aco luk inan Mudeng, pelé ideh miak ngadu' Neneh.

LUKAS 13:14

Idi lun rayeh ruma' sembayang ineh museh ngaceku Yésus nengedo' lemulun kareb Aco luk inan Mudeng, idi kebalaneh nelun mula',“Inan anem aco luk inan lemulun miak ngakem; ngaceku ineh do' lemulun macing bang aco ineh pad ideh miak uen ngedo', iamo' aleg kareb Aco luk inan Mudeng.”

LUKAS 20:20

Idi ideh nenganét aceh kareb luk petulu nuap tuda'-tuda' lemulun luk amé' nier, luk siayu mepad kudeng lemulun luk matu, sikal nuuk Yésus, pad ideh miak maré Neneh kuan lun rayeh idi lalud lun luk ngimet ukum.

YAHYA 9:16

Idi sebuang lun Parisi ineh nepebala, “Lemulun ini baken ratnan Allah, ngaceku Ieh na maya' ukum Aco luk inan Mudeng.” Idi inan teh lemulun luk pebala, “Kudeng apehké seburur lun mesala' miak nganau' tanu'-tanu' luk kudeng ineh?” Idi ideh pekedaluh arangdeh sebuleng.