LUKAS 6:49 - BALA LUK DO'

⁴⁹ Iamo' lemulun luk pangeh neninger dengan na maya', ieh ineh mepad kudeng seburur lemulun luk mudut ruma'neh luun tana' dengan na tapin; idi awer abpa' pana' nengeduyung ruma' ineh, idi petacu ieh neluka', idi luka'neh pelaba bura'.”

LUKAS 6:49 Iomraidhean Croise

BALE' 28:18

Kudeng iko maya' dalan luk mesiri, iko uen ngulun. Iamo' kudeng iko maya' dalan luk tekilu', iko miak mebpeh.

YEHISKIEL 33:31

Idi pupuKu mepamung pian ninger balamu, iamo' na ideh maya' luk belénmu nedeh. Ideh ngubur balamu, iamo' ideh pian ngalap usin mo'.

HOSIA 4:14

Iamo' na Ui ngukum nedeh ku kekamen ineh, ngaceku muyuh deléi pana' pasét idi maré baré dengan decur luk mesawa' déi ruma' Baal. Kebala balé', ‘Pupu luk na mileh uen ngusag.’

MATIUS 23:3

Ngaceku ineh, do' muyuh nganau' idi maya' amung ukum luk bida'deh nemuyuh; iamo' aleg muyuh nginud kekamendeh, ngaceku ideh pebala dengan tang mo', iamo' kekamendeh na petulu dengan luk bida'deh.

MATIUS 24:10

Kareb idi mula' lemulun lemubed ratnan anudeh, idi sikal masui lun dengandeh, idi seburur megateh inan seburur baken.

MARKUS 4:17

Iamo' na luk idi uat bang bururdeh sebuleng idi na ideh tuman mio. Kareb susa' idi dereh macing ngaceku bala ineh, petacu ideh lemubed.

LUKAS 12:47

“Idi demulun luk pangeh nekali' pian tuanneh, iamo' na ieh netemina', idi na ieh nenganau' pian tuanneh ineh, ieh miak uen mebal mula' kua'.

LUKAS 19:14

Iamo' lun bang bawang ineh megateh neneh, idi nengecuk lun duken ngerada' neneh, keburi'deh, ‘Kai na sikal lemulun ini mangun ku raca' kai.’

LUKAS 19:27

Iamo' bunu'-bunu'ku ineh luk na sikal negku mangun ku raca'deh, do' nguit nedeh amé; tungé' idi ngaté nedeh pa kiungku.’ ”

LUKAS 6:46

“Ngudehké muyuh nawar Negku, ‘Tuhan, Tuhan,’ iamo' na muyuh maya' luk bilaKu?

LUKAS 6:48

Ieh ineh mepad kudeng seburur lemulun luk mudut ruma' idi nengukat macing medalem, idi ieh nenganau'diri luun batu. Kareb abpa' temubu' idi awer abpa' nengeduyung ruma' ineh, na ieh miak megio, ngaceku kekamen ineh meraben.

LUKAS 7:1

Kareb Yésus nemangeh amung-amung balaNeh luk pindenger lun mula' ineh, idi Ieh nesemuet bang bawang Kapernaum.

YAHYA 15:2

Anid-anid angat luk bang Negku luk na kebua' miak tetuinNeh; idi anid-anid angat luk kebua' ruenNeh ngalét pad bua'neh meluun ula'.

KEKAMEN RASUL-RASUL 20:29

Idi ui kali' muci ratnan ui necan nemuyuh, idi inan teh tuda'-tuda' bungalé luk mesangit sikal semuet arang muyuh, idi luk na méi' inan sengeriudan ineh.

KEKAMEN RASUL-RASUL 26:11

Idi inan kareb teh ui nemebal nedeh bang amung-amung ruma' sembayang idi nengesaad nedeh nguyo ni Yésus. Idi ngaceku pelaba gateh niatku kuan lemulun ineh, ui nengedereh nedeh macing bawang lun pupu baken pana'.

1 TESALONIKA 3:5

Ini punneh ui nengecuk Timotius amé' nemuyuh. Kareb ui na miak tuman teh, ui nengecuk neneh pad ui miak kali' ratnan anu muyuh, kian muyuh pangeh tinutun Iblis ineh pad erur kai mangun mo'-mo'.

2 PETRUS 2:20

Kudeng muci ratnan lemulun nepuit ratnan lutak tana' ini ngaceku miti Tuhan Yésus Keristus, Lun Nengulun, idi ideh lemubed teh mepabpung bang amung-amung luk kudeng ineh, pad uen ngelaya', kekiped lemulun ineh meluun dat ratnan luk pun-pun.

1 YAHYA 2:19

Lemulun ineh pangeh neremuat rat arang tau, ngaceku baken ideh rat netau; ngaceku kudeng ideh rat netau, kali' rungen ideh na miak na lutep pad-pad dengan tau. Iamo' ideh pangeh neremuat, pad megala' ratnan pundeh baken rat netau.