LUKAS 6:48 - BALA LUK DO'

⁴⁸ Ieh ineh mepad kudeng seburur lemulun luk mudut ruma' idi nengukat macing medalem, idi ieh nenganau'diri luun batu. Kareb abpa' temubu' idi awer abpa' nengeduyung ruma' ineh, na ieh miak megio, ngaceku kekamen ineh meraben.

LUKAS 6:48 Iomraidhean Croise

SEMUIL LUK KEDUEH 22:2

Kebalaneh, “Tuhan, ieh ineh Lun Nengulun negku, Ieh mepad kudeng batu idi libung luk meraben.

SEMUIL LUK KEDUEH 22:32

Tuhan sebuleng mo' luk Allah, Allah sebuleng mo' luk Batu Libung tau.

SEMUIL LUK KEDUEH 22:47

“Mulun Tuhan! Ngubur Neneh luk mangun ku Batu Libungku, Allah, Ieh ineh Lun Nengulun negku luk melalud. Do' mada' laludNeh.

SEMUIL LUK KEDUEH 22:5

“Ribut até nengelibut negku, idi abpa' tubu' belen nenganud negku.

SEMUIL LUK KEDUEH 23:3

Allah lun Israil pangeh pebala, Pegkung Batu lun Israil nepejani' negku. Raca' luk ngimet dengan mesiri, idi luk matot inan Allah,

NANI UBUR 32:6

Ngaceku ineh, do' amung pupuMu luk manu sembayang Namu kareb inan susa'. Kareb inan abpa' tubu' belen, na ieh miak macing nedeh.

NANI UBUR 62:2

Ieh sebuleng mo' luk Lun Matar idi Lun Nengulun negku. Ieh ineh Batu Libungku, idi ui na miak uen ngelaya'.

NANI UBUR 95:1

Do' tau amé' ngubur Tuhan! Do! tau menani dengan mawang niat kuan Allah luk matar netau!

BALE' 10:25

Lemulun luk dat mepalid ku bui, iamo' lemulun luk mesiri tuped meraben.

YESAYA 26:4

Do' merapet inan Tuhan macing ruked-ruked, ngaceku Tuhan ineh Libung Batu luk Meruked.

YESAYA 28:16

Kudeng ini bala Tuhan: “Ui nganau' déi' Sion aceh tapin luk meraben. Luun ineh Ui nganau' aceh batu lidung luk metueh. Idi bala ini inayud luunneh, ‘Lemulun luk manu mulai niat.’

YESAYA 59:19

Rat pa busat aco macing pa acep aco, amung lemulun miak matot Neneh ku laludNeh luk rayeh. Ieh macing mepad kudeng abpa' luk mawer idi barui pana'.

NAHUM 1:8

Mepad kudeng ereb luk rayeh, Ieh ngusag amung-amung luk sikal metueh rat Neneh. Ieh ngerada' amung bunu'Neh, pad ideh mabud maté.

LUKAS 6:47

Anid-anid lemulun luk macing Negku, luk ninger balaKu idi maya' ineh, Ui sikal mada' kuan muyuh kudeng apeh ayuneh.

LUKAS 6:49

Iamo' lemulun luk pangeh neninger dengan na maya', ieh ineh mepad kudeng seburur lemulun luk mudut ruma'neh luun tana' dengan na tapin; idi awer abpa' pana' nengeduyung ruma' ineh, idi petacu ieh neluka', idi luka'neh pelaba bura'.”

YAHYA 16:33

Ui nemala amung ini kuan muyuh, pad muyuh mawang niat bang Negku. Bang tana' ini muyuh medereh; iamo' do' muyuh mekuu'. Ui pangeh metueh ratnan tana' ini.”

KEKAMEN RASUL-RASUL 14:22

Didueh nengepicet anu lun manu ineh, idi nengecuk nedeh lutep bang anu, kebala didueh, “Idi na miak na tau medereh semuet bang Imet Allah.”

EPESUS 2:20

Muyuh pana' pinudut pa luun tapin luk rireng rasul-rasul idi nabi-nabi, idi batu lidung, ieh ineh Keristus Yésus sebuleng.

BADA' RATNAN UKUM 32:15

“Pupu Tuhan iuk mula' binaweh, iamo' ideh sikal metueh; ideh melamu idi megéi' mebor. Ideh nenecan Allah luk nemudut nedeh, idi nesitunga nan Pegkung Batu ulundeh.

BADA' RATNAN UKUM 32:18

Ideh nenecan Pegkung Batu luk nemudut nedeh, idi nekelupan Allah luk nenganak nedeh.

BADA' RATNAN UKUM 32:31

Ngaceku Pegkung Batu tau baken pegkung batu dideh, idi bunu' tau teh luk kali'.

2 TIMOTIUS 2:19

Iamo' diri Allah luk lutep ineh meraben peh, idi kudeng ini etuneh; “idi Tuhan miti amung-amung pupuNeh,” idi teh, “Idé-idé luk neten ngadan Tuhan, do' ieh ngado bururneh ratnan luk dat.”

2 PETRUS 1:10

Ngaceku ineh, O kinanak-kinanakku, do' muyuh mekél ngeletep tawar idi pili' Allah ineh, pad muyuh tuped meraben. Kudeng muyuh nganau' kudeng ineh, na muyuh meraruh.

1 YAHYA 2:28

Nekini, O anak-anakku, do' muyuh lutep bang Keristus, pad tau mepanu' ku kuu' kareb Ieh megala' teh, idi na sigapung ku igu' kareb Aco acingNeh.

YAHUDA 1:24

Idi kuan Allah luk melalud matar nemuyuh pad muyuh na metebaceng, idi luk naped nemuyuh dengan na sala' pa atun rayehNeh, dengan awang niat,

SEMUIL LUK PUN-PUN 2:2

“Seburur pana' nateh luk meligan mepad kudeng Tuhan. Ngaceku na luk baken iamo' Iko mo' sebuleng. Na luk idi pegkung batu mepad kudeng Allah tau.