LUKAS 6:47 - BALA LUK DO'

⁴⁷ Anid-anid lemulun luk macing Negku, luk ninger balaKu idi maya' ineh, Ui sikal mada' kuan muyuh kudeng apeh ayuneh.

LUKAS 6:47 Iomraidhean Croise

YESAYA 55:3

“O pupuKu ninger bala ini idi amé' Negku, pad muyuh ngalap ulun! Ui maré kuan muyuh aceh jani' luk meruked idi ngacing peruan luk pijani'Ku ini Daud kuan muyuh.

MATIUS 12:50

Ngaceku idé'-idé luk nganau' luk pian TamanKu luk bang surga, ieh luk kinanakKu deléi, idi kinanakKu decur idi tinanKu teh.”

MATIUS 17:5

Idi uned ieh pebala, inan aceh laput luk merasat iné' ngelungung nedeh; idi inan aceh tang rat bang laput ineh luk nepebala, “Ini AnakKu luk inanKu mawa; idi Ui mawang niat Neneh; do' muyuh ninger balaNeh.”

LUKAS 11:28

Iamo' kebala Yésus, “Meluun teh, samal kuan lemulun luk ninger bala Allah idi ngimet neneh.”

LUKAS 14:26

“Lemulun luk amé' Negku na miak mangun ku anak sekola'Ku kudeng ieh na megateh inan tamanneh, tinanneh, awanneh, anakneh, kinanakneh luk deléi, kinanakneh luk decur, idi bururneh sebuleng pana'.

LUKAS 6:48

Ieh ineh mepad kudeng seburur lemulun luk mudut ruma' idi nengukat macing medalem, idi ieh nenganau'diri luun batu. Kareb abpa' temubu' idi awer abpa' nengeduyung ruma' ineh, na ieh miak megio, ngaceku kekamen ineh meraben.

LUKAS 8:13

Idi luk nebpeh luun gura' batu ineh, ieh ineh lemulun luk pangeh neninger, idi nengalap bala dengan mawang niat; iamo' lemulun ineh na uat idi ideh manu segageh mo', idi kareb luk nutun macing, petacu ideh lemubed.

LUKAS 8:8

idi inan teh luk nebpeh luun tana' luk mebaleng, idi mulun pad macing nengeruat bua' meratu ula'neh.” Idi kebala Yésus, “Lemulun luk inan lalid miak ninger, do' ieh ninger!”

YAHYA 10:27

Dumba-dumbaKu ninger uni tangKu, idi Ui miti nedeh, idi ideh maya' Negku.

YAHYA 13:17

Kudeng muyuh kali' amung-amung ini, samal kuan muyuh kudeng muyuh nganau' ineh.

YAHYA 14:15

“Kudeng muyuh mawa Negku, do' maya' ukum-ukumKu.

YAHYA 5:40

Iamo' na muyuh sikal macing Negku pad muyuh miak mulun.

YAHYA 6:35

Idi kebala Yésus nedeh, “Ui ini Ruti Ulun ineh; lemulun luk macing Negku, na ieh miak melau peh, idi lemulun luk manu Negku, na ieh miak meparing teh.

YAHYA 6:37

Anid-anid lemulun luk barén Taman Negku miak amé' Negku, idi lemulun luk amé' Negku na tu-tu uenKu ngarung.

YAHYA 8:52

Idi keburi' lun Yahudi Neneh, “Nekini kai kali' idi Iko sinuet ada'. Ibrahim idi amung-amung nabi pangeh naté. Iamo' Iko ini pebala, ‘Kudeng idé lemulun maya' balaKu na ieh miak maté.’

IBERANI 5:9

Kareb Ieh pangeh linigan, Ieh mangun ku lawa ulun luk meruked kuan amung lemulun luk maya' balaNeh,

YAKUB 4:17

Ngaceku ineh, kudeng lemulun kali' nganau' luk do', iamo' na ieh nganau' luk kudeng ineh, idi ini mangun ku sala' kuanneh.

1 PETRUS 2:4

Do' muyuh amé' matun Tuhan, ieh ineh Batu luk Mulun, sagan pana' tila' lemulun, iamo' pa kiung Allah pinili' idi meraga.

2 PETRUS 1:10

Ngaceku ineh, O kinanak-kinanakku, do' muyuh mekél ngeletep tawar idi pili' Allah ineh, pad muyuh tuped meraben. Kudeng muyuh nganau' kudeng ineh, na muyuh meraruh.

1 YAHYA 2:29

Muyuh kali' Keristus ineh matu. Ngaceku ineh, petulu muyuh kali' idi anid-anid burur lemulun luk nganau' luk matu, ieh ineh anak Allah.

1 YAHYA 3:7

O anak-anakku, aleg muyuh uen lun naluk! Lemulun luk nganau' luk matu ineh, ieh teh matu, mepad kudeng Keristus matu teh.

BALA LUK LINIO 22:14

Samal kuan lemulun luk maru' kuyu'deh, pad ideh ngalap lalud amé' matun lawa ulun ineh, idi semuet bang bawang ineh maya' tanga'neh.