LUKAS 6:45 - BALA LUK DO'

⁴⁵ Lemulun luk do' ngeruat anun-anun luk do' ratnan binaweh niat luk do', idi lemulun luk dat ngeruat luk dat ratnan binaweh luk dat, ngaceku ela ratnan niat lemaba bibir tangneh.”

LUKAS 6:45 Iomraidhean Croise

NANI UBUR 140:5

Lemulun luk medita' niat netumen abpung, idi rabat su dalanku.

NANI UBUR 59:12

Bibirdeh idi baladeh mepanu' ku sala; nima' nedeh kamen bang abpungdeh sebuleng, ieh ineh dita' niatdeh. Ngaceku ideh ngediman idi mebalih,

NANI UBUR 59:7

Ninger lu beléndeh! Dila'deh mepad kudeng pelapet, iamo' ideh ngitun, “Idéké ninger netau?”

BALE' 12:18

Bala luk na tabpen ngurat mepad kudeng pelapet, iamo' bala lemulun luk matu ngedo' nelun.

BALE' 15:23

Lemulun luk maré or luk petulu inan awang!

BALE' 4:23

Matar terawému do'-do'. Ratnan terawému, ulunmu misu'.

YAHYA 7:38

Maya' kudeng luk inayud bang Surat Allah, ‘Idé-idé luk manu Negku, rat bang neneh ineh miak manud tuda'-tuda' bued abpa' luk mulun.’ ” (

KEKAMEN RASUL-RASUL 5:3

Iamo' kebala Pétrus neneh, “O Ananias, ngudehké Iko nenima' Sétan ngimet niatmu, pad iko mebalih inan Roh Meligan idi nenganug sebuang raga tana' ineh?

EPESUS 3:8

Idi kuanku ini luk pelaba dat rat arang amung-amung lun manu, katu ineh pangeh biré pad ui miak mada' Bala luk Do' kuan lun pupu baken ratnan do' Keristus luk na kekipedneh,

EPESUS 4:29

Aleg ngeruat bala luk dat, iamo' ngeruat bala luk do' idi luk petulu pad ngacing peruan kuan lemulun luk ninger bala muyuh ineh.

EPESUS 5:19

Idi pebala arang muyuh sebuleng dengan nani ubur, idi ubur-ubur, idi nani luk ratnan Roh. Idi do' muyuh menani idi ngitang dengan ubur dengan amung niat muyuh kuan Tuhan.

KOLOSE 3:16

Idi do' bala Keristus ineh tudo bang nemuyuh dengan mela, dengan amung-amung ileh. Idi mada' idi periteteng arang muyuh sebuleng, dengan nani ubur idi ubur-ubur idi nani luk ratnan Roh. Idi do' menani dengan maré ubur kuan Allah bang niat muyuh.

KOLOSE 4:6

Do' bala muyuh megéi' do' pedingeren, idi do' muyuh kali' kudeng apeh maré or luk do' kuan anid-anid lemulun.

IBERANI 8:10

Iamo' kudeng ini pejani' luk barénKu kuan pupu Israil muci rat kareb ineh, kebala Tuhan: Ui sikal nuet ukumKu bang terawédeh idi Ui sikal ngayud ukum ineh bang niatdeh. Ui sikal mangun ku Tuhandeh, idi ideh mangun ku pupuKu.

YAHUDA 1:15

pad ngacing ukumNeh kuan amung-amung lemulun idi ngukum lemulun luk dat ngaceku amung-amung kekamendeh luk dat ineh luk pangeh inau'deh, idi ngaceku amung-amung kuyo lun luk dat ineh inan Allah!”