LUKAS 6:42 - BALA LUK DO'

⁴² Kudeng apehké iko miak mala kuan kinanakmu ineh, ‘O kinanak, nima' negku ngeruat mumuk kayuh rat bang matehmu,’ ngaceku iko na nier batang luk bang matehmu sebuleng? O lun luk siayu, ngeruat batang rat bang matehmu sebuleng atun, idi muci iko miak nier megala' pad miak ngeruat mumuk kayuh luk bang mateh kinanakmu ineh.”

LUKAS 6:42 Iomraidhean Croise

BALE' 18:17

Ayu lemulun luk pun-pun pebala bang besara' matu, kareb nateh bunu'neh ngimun ngitun neneh.

MATIUS 26:75

Idi Pétrus nengerawé bala Yésus atun, keburi'Neh, “Kareb nateh lal ngekook, iko miak ngalum Negku teluh kua'.” Idi ieh neremuat idi nenangi' dengan singap-singap.

MATIUS 7:3

Ngudehké iko nier mumuk kayuh luk bang mateh kinanakmu ineh, iamo' na kali'mu batang luk bang matehmu sebuleng?

MATIUS 7:4

Ngudehké iko mekuu' pebala nan kinanakmu, ‘Nima' negku ngeruat mumuk kayuh rat bang matehmu,’ iamo' inan batang bang matehmu sebuleng?

LUKAS 13:15

Iamo' Tuhan nengor balaneh, keburi'Neh, “O lun luk siayu, bakenké bang Aco luk inan Mudeng anid-anid burur muyuh muit sapi' idi keladaineh rat bang libungneh, sikal nguit neneh amé' ngirup?

LUKAS 22:32

Iamo' Ui pangeh nesembayang kuanmu, pad anumu na metutu'; idi kareb iko pangeh nuren, do' iko ngepicet kinanak-kinanakmu.”

LUKAS 6:41

“Ngudehké iko nier mumuk kayuh luk bang mateh kinanakmu ineh, iamo' na kali' mu batang luk bang matehmu sebuleng?

LUKAS 6:43

“Ngaceku na luk idi lawa kayuh luk do', luk ngeruat bua' luk dat, idi lawa kayuh luk dat, luk ngeruat bu'a luk do'.

KEKAMEN RASUL-RASUL 13:10

idi keburi'neh, “O iko luk mepanu' ku amung-amung balih idi luk dat, anak Iblis, bunu' amung-amung luk matu'! Megéi' iko ngekilu' dalan Tuhan luk mesiri!

KEKAMEN RASUL-RASUL 2:38

Idi keburi' Pétrus nedeh, “Do' amung-amung muyuh uren, idi rerebpen bang ngadan Yésus Keristus, pelé muyuh ngalap do' ratnan sala' muyuh; idi muyuh miak ngalap baré Allah, ieh ineh Roh Meligan.

KEKAMEN RASUL-RASUL 8:21

Iko na babpat bang kekamen kai ini, ngaceku niatmu na mesiri pa kiung Allah.

SURAT LUK BIRE PAULUS KUAN LUN RUM 2:1

O lun rurumku, mekuu'ké iko ngesala' nelun baken? Iko idi idé-idé pana' na miak ngor. Ngaceku kudeng iko ngesala' nelun baken, iamo' iko sebuleng nganau' kudeng ineh teh, iko ngacing ukum kuan bururmu sebuleng.

2 KORINTUS 5:18

Amung ini inau' Allah, luk pangeh nenguit netau pedo' Neneh, ngaceku ratnan Keristus, idi Ieh nemaré netau kekamen nguit nelun baken pedo'.

2 TIMOTIUS 2:21

Kudeng idé-idé ngeligan bururneh ratnan luk kudeng ineh, ieh miak mangun ku aceh binaweh luk buren, ngaceku ieh pangeh linigan, idi miak uen Tuhanneh makai, temina' kuan amung-amung kekamen luk do'.

2 PETRUS 1:9

Iamo' lemulun luk na bua' luk kudeng ineh, dat sier, idi pangeh nekelupan ratnan ieh pangeh biru' ratnan sala'-sala'neh luk atun ineh.