LUKAS 6:38 - BALA LUK DO'

³⁸ Do' muyuh maré kuan lun baken, idi muyuh miak inan Allah maré teh, maya' aceh uad luk matu. Muyuh ngalap luk uen netel, idi uen ngat-ngat pad macing mela, idi luk barén bang paladmu. Ngaceku dengan uad luk muyuh nguad, miak uen nguad kuan muyuh teh.”

LUKAS 6:38 Iomraidhean Croise

SEMUIL LUK KEDUEH 19:36

Iamo' ui miak nalan maya' namu sekamu' mo' rat Abpa' Yarden. Idi na petulu iko maré anun-anun kuanku.

ESTER 7:10

Idi Haman tikito luun ineh luk tinina'neh kuan Mordekai. Pangeh ineh useh raca' nugka'.

ESTER 9:25

Iamo' Ester iné' matun raca', idi raca' nemaré ukum luk inayud, pad Haman sebuleng nekaneh ukum luk tinina'neh kuan lun Yahudi. Ieh idi anakneh tikito luun su luk inan ngekito lemulun.

AYUB 42:11

Amung kinanak Ayub luk deléi idi decur idi teh rurumneh luk atun nengikak neneh idi iné' ku irau bang ruma'neh. Ideh nemada' éi'deh idi nengubuk neneh ngaceku amung susa' luk icing Tuhan neneh. Anid bururdeh nemaré kuanneh usin idi susing amas.

NANI UBUR 79:12

O Tuhan, ngua' kuan pupu luk na manu tudu' kua' kinula'neh, ngaceku amung kuyodeh Namu.

PURA' 21:24

mateh libal mateh, lipen libal lipen, ticu' libal ticu', kukud libal kukud,

BALE' 10:22

Peruan Tuhan ngacing do' nelun. Kekamen luk meberat na ngula' binawehneh.

BALE' 19:17

Kareb iko maré kuan lun masi', ieh ineh mepad kudeng kebiten Tuhan, ngaceku Tuhan ngua' luk birému ineh.

BALE' 22:9

Do' iko mekatu, idi maré aceh babpat akanmu kuan lun masi', idi iko miak uen ngeperuan.

YEREMIA 32:18

Iko pangeh nengegala' éi'Mu kuan tuda'-tuda' ngeribu lemulun, iamo' Iko ngukum lemulun ngaceku sala' tamandeh. Iko mo' Allah luk rayeh idi melalud. Idi ngadanMu, ieh ineh Tuhan luk Melalud.

MATIUS 10:42

Ngerawé do'-do'! Idé-idé luk maré aceh sangkir abpa' talang rupen seburur ratnan luk isuut ini, ngaceku ieh anak sekola'Ku, tabparneh na metutu'.”

MATIUS 7:2

Ngaceku Allah ngukum nemuyuh mepad kudeng muyuh pana' ngedat nelun baken. Idi dengan uad luk muyuh nguad kuan lun baken, kudeng ineh teh Allah nguad kuan muyuh.

MARKUS 4:24

Idi teh kebalaNeh, “Ngerawé do'-do' ratnan luk pedingeren muyuh. Allah ngukum nemuyuh maya' uad luk muyuh nguad kuan lun baken. Iamo' ukum Allah meluun berat kuan muyuh.

LUKAS 6:30

Maré kuan anid-anid lemulun luk mutuh namu; idi kudeng lemulun ngalap anun-anun luk rat namu pana', aleg mutuh lemubed teh.

BADA' RATNAN UKUM 15:10

Do' iko mekatu maré kuanneh. Idi aleg iko meramen kareb iko maré neneh. Ngaceku kudeng iko mekatu, Tuhan Allahmu miak ngeperuan namu bang amung-amung luk ruenmu.

YAKUB 2:13

Ngaceku Allah na méi' kareb Ieh ngukum lemulun luk na méi'; iamo' éi' ineh meluun rayeh ratnan ukum.

LUN LUK NGUYUT 1:7

Idi kebala Adonibesek, “Inan tudu' ngepulu' burur lun raca' luk titek bua' ticu' mebpuh idi bua' kukud mebpuhdeh ngamung areg-areg nuba' iring téengku. Idi Allah pangeh nengua' kuanku maya' kudeng luk inau'ku nedeh.” Idi ideh nenguit Adonibesek inée' Yerusalim, idi ieh natée déei'.