LUKAS 6:37 - BALA LUK DO'

³⁷ “Aleg muyuh ngesala' nelun, pad muyuh na miak uen Allah ngesala; idi aleg ngukum seburur lemulun, pad muyuh na miak kumin Allah; do' muyuh maré do', pad Allah maré do' nemuyuh.

LUKAS 6:37 Iomraidhean Croise

YESAYA 65:5

Ideh ngecuk lun baken na muneng nedeh, ngaceku ideh meligan idi na miak kamen. Ui megateh inan lemulun luk kudeng ineh — usehKu nedeh mepad kudeng apui luk na maté.

MATIUS 18:30

Iamo' na ieh sikal, idi ieh iné' nipa neneh bang tutup pad ieh nengua' balehneh.

MATIUS 5:7

“Samal kuan lemulun luk méi' nelun baken, ngaceku Allah miak méi' nedeh.

MARKUS 11:25

Kareb muyuh tuped sembayang, maré do' kuan lemulun luk inan muyuh megateh, pad Taman muyuh luk déi' surga miak maré do' ratnan sala' muyuh.

LUKAS 23:16

Ngaceku ineh nekini ui miak ngecuk nelun mebal Neneh idi muit Neneh.”

LUKAS 6:36

Do' muyuh méi' nelun mepad kudeng Taman muyuh pana' méi nemuyuh.

KEKAMEN RASUL-RASUL 3:13

Ngaceku Tuhan Ibrahim, Isak, idi Yakub, ieh ineh Tuhan tepun tau, nengerayeh DemulunNeh Yésus luk biré bang palad lun rayeh muyuh idi luk tila' muyuh pa kiung Pilatus kareb ieh sikal muit Neneh.

EPESUS 4:32

Do' muyuh méi' seburur dengan seburur, idi mebeneh niat, idi pedo' seburur dengan seburur, mepad kudeng Allah pana' bang Keristus pangeh nemaré do' kuan muyuh.

KOLOSE 3:13

Do' muyuh mulai niat seburur dengan seburur idi maré do' arang muyuh sebuleng, kareb idé-idé ngadu' seburur lemulun baken. Do' muyuh maré do' arang muyuh sebuleng, mepad kudeng Tuhan pangeh nemaré do' kuan muyuh.

YAKUB 2:13

Ngaceku Allah na méi' kareb Ieh ngukum lemulun luk na méi'; iamo' éi' ineh meluun rayeh ratnan ukum.

YAKUB 5:9

O kinanak-kinanakku, aleg muyuh medureng rat arang muyuh sebuleng, pad muyuh na mekaneh ukum Allah. Siruh, Lun luk Mutut Besara' ineh tuped munung tanga'.