LUKAS 6:30 - BALA LUK DO'

³⁰ Maré kuan anid-anid lemulun luk mutuh namu; idi kudeng lemulun ngalap anun-anun luk rat namu pana', aleg mutuh lemubed teh.

LUKAS 6:30 Iomraidhean Croise

NANI UBUR 112:9

Ieh mekatu maré kuan lun masi'; idi éi'neh meruked; ieh miak mebala idi buren.

NANI UBUR 41:1

Samal kuan lemulun luk méi' nelun masi'; Tuhan ngedengan neneh kareb ieh mesusa'

BALE' 19:17

Kareb iko maré kuan lun masi', ieh ineh mepad kudeng kebiten Tuhan, ngaceku Tuhan ngua' luk birému ineh.

BALE' 21:26

Ieh megéi' ngerawé ratnan luk pianneh mo'. Iamo' lemulun luk matu miak maré dengan mekatu.

BALE' 22:9

Do' iko mekatu, idi maré aceh babpat akanmu kuan lun masi', idi iko miak uen ngeperuan.

LUN LUK MADA' 11:2

Maré binawehmu kuan tuda'-tuda' bawang, ngaceku iko na kali' susa' luk miak macing namu bang tana' ini.

LUN LUK MADA' 8:16

Kareb ui nutun ngalap ileh idi nesibada' ku luk mangun bang tana' ini, idi ui kali' sagan tu pana' lemulun na rudap kedangan tebaco,

MATIUS 18:35

Idi kebala Yésus, “Kudeng ini teh TamanKu luk bang surga sikal nganau' kuan muyuh, kudeng muyuh na sikal maré do' kuan kinanak-kinanak muyuh ratnan niat muyuh.”

MATIUS 5:39

Iamo' nekini Ui pebala nemuyuh: aleg metueh ratnan lemulun luk dat, iamo' kudeng selemulun mepag pingitmu pa tinueh, do' maré pingitmu pa kabing teh.

MATIUS 6:12

Maré do' ratnan amung sala' kai, mepad kudeng kai pangeh nemaré do' ratnan amung sala' dulun.

LUKAS 11:41

Iamo' maré kuan lun masi' anun-anun luk bang sangkir idi bigan muyuh, idi luk amung-amung miak meligan kuan muyuh.

LUKAS 12:33

Do' muyuh masui binaweh muyuh idi maré kuan lun masi'. Idi nganau' kuan burur muyuh kapil-kapil luk na miak melu, idi ngamung binaweh muyuh déi' surga, ieh ineh su luk inan lun mano na semuet, idi kutang na miak kuman.

LUKAS 18:22

Kareb Yésus neninger balaneh, idi Ieh nepebala neneh, “Sebuleng mo' luk nateh inau'mu. Masui amung-amung binawehmu idi maré kuan lun masi', pad iko ngalap binaweh déi' surga, idi amé' maya' Negku.”

LUKAS 6:29

Kudeng lemulun mepag pingitmu selipa, maré teh kuanneh pingitmu selipa. Idi lemulun luk sikal ngalap kuyu'mu, aleg ngibpeng neneh ngalap kuyu' boyormu teh.

LUKAS 6:31

Idi mepad kudeng muyuh sikal ruen lun baken kuan muyuh, do' muyuh nganau' kudeng ineh kuandeh teh.

LUKAS 6:38

Do' muyuh maré kuan lun baken, idi muyuh miak inan Allah maré teh, maya' aceh uad luk matu. Muyuh ngalap luk uen netel, idi uen ngat-ngat pad macing mela, idi luk barén bang paladmu. Ngaceku dengan uad luk muyuh nguad, miak uen nguad kuan muyuh teh.”

KEKAMEN RASUL-RASUL 20:35

Bang amung-amung kekamen ini ui pangeh nengegala' kuan muyuh kudeng apeh tau petulu mekél ngedengan lemulun luk masi' idi mesusa'. Ngerawé bala Tuhan Yésus, ‘Meluun rayeh peruan kuan lemulun luk maré ratnan lemulun luk ngalap.’ ”

2 KORINTUS 8:9

Ngaceku muyuh kali' katu Tuhan tau Yésus Keristus; sagan pana' Ieh lun do' Ieh mangun masi' ngaceku muyuh, pad dengan dalan asi'Neh ineh muyuh miak mangun ku lun do'.

EPESUS 4:28

Lemulun luk pekalai mano, do' ieh ugka' mano peh, idi meluun do' ieh merur nakap luk kuan bururneh sebuleng, pad ieh miak maré kuan lun masi'.