LUKAS 6:28 - BALA LUK DO'

²⁸ mutuh peruan kuan lemulun luk ngediman nemuyuh, idi sembayang kuan lemulun luk ngedat nemuyuh.

LUKAS 6:28 Iomraidhean Croise

RACA'-RACA' LUK PUN-PUN 13:6

Idi kebala Yerebom inan nabi ineh, “Sembayang mutuh Tuhan Allahmu méi' negku pelé ticu'ku ini miak uen ngeluut peh!” Idi nabi ineh nesembayang pa kiung Tuhan, idi langen raca' nedo'.

YEHISKIEL 25:15

Kebala Tuhan Allah, “Dengan megateh niat lun Pilistin pangeh nengua' dat bunu'deh luk mon pad ideh pitayendeh.

YEHISKIEL 36:5

“Ui ini Tuhan Allah pangeh nepebala dengan gateh niatKu ratnan pupu baken luk pekelibut Israil, idi meluun teh Edom. Dengan mawang niat ideh situnga idi nengaro tana'Ku idi lamanKu.

MATIUS 5:44

Iamo' nekini Ui pebala nemuyuh: do' mawa inan bunu' muyuh, idi sembayang kuan lemulun luk ngedereh nemuyuh,

LUKAS 23:34

Idi kesembayang Yésus, “O Ama', maré do' kuan lemulun ineh ngaceku na ideh kali' luk inau'deh. Idi ideh nenala' udi idi nemabpat ayungNeh arangdeh.

LUKAS 6:27

“Iamo' Ui pebala kuan muyuh ini luk ninger balaKu: Mawa inan bunu' muyuh, idi nganau' luk do' kuan amung lemulun luk megateh nemuyuh,

LUKAS 6:35

Na! Do' muyuh mawa inan bunu' muyuh idi nganau' luk do' kuandeh, idi maré luk kebiten dengan na merapet miak ngalap lemubed. Idi muyuh miak ngalap tabpar luk rayeh, pad muyuh mangun ku anak-anak Allah luk Meluun Dita'. Ngaceku Ieh mawa kuan lemulun na maré ubur idi luk dat pana'.

KEKAMEN RASUL-RASUL 14:5

Idi lun pupu baken dengan lun Yahudi idi lun rayeh-rayeh nepamung sikal ngedereh rasul-rasul idi mitung nedidueh ku batu.

KEKAMEN RASUL-RASUL 7:60

Idi ieh netekeradung idi nengitang, “O Tuhan, aleg ngukum nedeh ngaceku sala' ini.” Idi pangeh ieh nepebala kudeng ini, idi ieh naté peh.

SURAT LUK BIRE PAULUS KUAN LUN RUM 12:14

Mutuh peruan kuan lemulun luk ngedereh nemuyuh. Mutuh peruan idi aleg ngediman nedeh.

1 KORINTUS 4:12

kai merur ngakem dengan ticu' kai sebuleng. Kareb kai uen ngediman, kai ngua' dengan peruan; kareb kai uen ngedereh, kai tuman teh;

YAKUB 3:10

Ratnan tang ineh teh remuat ubur-ubur idi kediman. Amung-amung luk kudeng ineh, O kinanak-kinanakku, na mayu.

1 PETRUS 3:9

Aleg muyuh ngua' dat dengan luk dat idi ngua' ngedat dengan ngedat, iamo' mutuh peruan, ngaceku ratnan luk kudeng ineh muyuh pangeh tinawar, pad muyuh galap peruan ku babpat muyuh.