LUKAS 6:27 - BALA LUK DO'

²⁷ “Iamo' Ui pebala kuan muyuh ini luk ninger balaKu: Mawa inan bunu' muyuh, idi nganau' luk do' kuan amung lemulun luk megateh nemuyuh,

LUKAS 6:27 Iomraidhean Croise

RACA'-RACA' LUK PUN-PUN 13:6

Idi kebala Yerebom inan nabi ineh, “Sembayang mutuh Tuhan Allahmu méi' negku pelé ticu'ku ini miak uen ngeluut peh!” Idi nabi ineh nesembayang pa kiung Tuhan, idi langen raca' nedo'.

NANI UBUR 7:4

kudeng ui pangeh nemasui lun rurumku, idi nengurat bunu'ku dengan na punneh,

BALE' 24:17

Kareb bunu'mu mekaneh susa', aleg iko mawang niat.

BALE' 25:2

Kai ngubur Allah ngaceku luk uenNeh ngalum. Kai ngubur raca'-raca' ngaceku luk uendeh ngegala'.

MARKUS 4:24

Idi teh kebalaNeh, “Ngerawé do'-do' ratnan luk pedingeren muyuh. Allah ngukum nemuyuh maya' uad luk muyuh nguad kuan lun baken. Iamo' ukum Allah meluun berat kuan muyuh.

LUKAS 23:34

Idi kesembayang Yésus, “O Ama', maré do' kuan lemulun ineh ngaceku na ideh kali' luk inau'deh. Idi ideh nenala' udi idi nemabpat ayungNeh arangdeh.

LUKAS 6:22

“Samal kuan muyuh kareb lemulun megateh nemuyuh, idi ngatad nemuyuh rat arangdeh, idi ngedat nemuyuh idi ngesala' nemuyuh, ngaceku ratnan Anak-Lemulun.

LUKAS 6:35

Na! Do' muyuh mawa inan bunu' muyuh idi nganau' luk do' kuandeh, idi maré luk kebiten dengan na merapet miak ngalap lemubed. Idi muyuh miak ngalap tabpar luk rayeh, pad muyuh mangun ku anak-anak Allah luk Meluun Dita'. Ngaceku Ieh mawa kuan lemulun na maré ubur idi luk dat pana'.

LUKAS 8:15

Iamo' luk nebpeh luun tana' luk do' ineh, ieh ineh lemulun luk pangeh neninger bala ineh, idi nengimet meraben bang niat luk mesiri idi do', idi ngeruat bua' dengan mulai niat.

LUKAS 8:18

“Ngaceku ineh ngerawé kudeng apeh muyuh ninger, ngaceku idé-idé luk inan anun-anun, idi kuanneh miak barén teh, idi idé-idé luk na luk idi anun-anun, idi luk tirawéneh inan kuanneh miak lapen rat neneh.”

LUKAS 8:8

idi inan teh luk nebpeh luun tana' luk mebaleng, idi mulun pad macing nengeruat bua' meratu ula'neh.” Idi kebala Yésus, “Lemulun luk inan lalid miak ninger, do' ieh ninger!”

KEKAMEN RASUL-RASUL 10:38

Muyuh pangeh neninger ratnan Yésus lun Nasarét ineh, kudeng apeh Allah pangeh nengumau Neneh ku Roh Meligan idi lalud. Ieh nenalan iné' iapeh-iapeh idi nenganau' kekamen luk do', idi nengedo' amung-amung lemulun luk inimet Iblis; ngaceku Allah nengedengan Neneh.

KEKAMEN RASUL-RASUL 16:28

Idi Paulus nengitang, keburi'neh, “Aleg peripaté ngaceku amung-amung kai idi tungé'.”

KEKAMEN RASUL-RASUL 7:60

Idi ieh netekeradung idi nengitang, “O Tuhan, aleg ngukum nedeh ngaceku sala' ini.” Idi pangeh ieh nepebala kudeng ini, idi ieh naté peh.

GALATIA 6:10

Ngaceku ineh, do' tau megéi' nganau' luk do' kuan amung-amung lemulun, meluun teh kuan kinanak-kinanak luk pad-pad manu.

1 TESALONIKA 5:15

Matar do'-do'! Aleg seburur pana' ngua' luk dat dengan luk dat kuan seburur lemulun pana', iamo' megéi' nakap luk do' seburur kuan seburur idi kuan amung-amung lemulun.

3 YAHYA 1:11

O luk inanku mawa aleg iko nginud luk dat, iamo' nginud luk do'. Lemulun luk nganau' luk do', ieh ineh ratnan Allah; idi lemulun luk nganau' luk dat ineh nateh nenier Allah.