LUKAS 6:25 - BALA LUK DO'

²⁵ “Mesusa' kuan muyuh luk mebor nekini; ngaceku muyuh melau muci! “Mesusa' kuan muyuh luk meriruh nekini; ngaceku muyuh temido idi nangi' muci!

LUKAS 6:25 Iomraidhean Croise

NANI UBUR 49:19

ieh mepamung dengan tepunneh bang até, su luk inan dacem ruked-ruked.

BALE' 14:13

Riruh lemulun miak ngelinged dat niatneh. Kareb awang buro, idi susa' megéi' idi.

BALE' 30:9

Kudeng ui pelaba ula' akan, kian ui meraruh rat Namu lek. Iamo' kudeng ui masi', ui mano lek, pad ui ngigu' Allahku.

LUN LUK MADA' 2:2

Ui pangeh nekali' riruh ineh mebacé, idi luk ku ngawang niat ineh na ulekneh.

LUN LUK MADA' 7:3

Susa' meluun do' ratnan riruh; sagan tu pana' iko tekedamut, ilehmu amé' metadam ku ineh.

LUN LUK MADA' 7:6

Riruh lun luk mebacé mepad kudeng uni tabpa' luk ngetek kareb ieh meseb ku apui. Na tu ilungneh.

YESAYA 28:7

Nabi idi imam pana' mabuk idi midar. Ideh pangeh nengirup pelaba ula' abpa' anggur idi arak, pad ideh metebaceng ku raruh niatdeh. Nabi-nabi ineh pelaba abuk, pad ideh na kali' ilung luk sirendeh ratnan Allah, idi imam-imam pana' pelaba abuk, pad ideh na miak mutut besara luk barén kuandeh.

YESAYA 65:13

Ngaceku ineh kudeng ini bala Tuhan: Lemulun luk sembayang Negku idi maya' balaKu petap akan, iamo' muyuh miak melau idi meparing. Ideh miak mawang niat, iamo' muyuh uen ngigu'.

YESAYA 8:21

Lun mula' miak nalan-nalan bang bawang dengan melau idi mesusa' niat. Ngaceku lau idi usehdeh, ideh miak ngediman raca'deh idi Allahdeh. Ideh tengook idita',

YESAYA 9:20

Aput bawang ideh ngalap idi kuman anun-anun luk miak kenendeh, iamo' na ideh miak mebor, pad ideh kuman anakdeh sebuleng!

AMOS 8:10

Ui nganau' aco rayeh muyuh mepad kudeng kareb nenem nelun luk maté, pad nani muyuh mangun ku tido, idi Ui nganau' nemuyuh nacung. Muyuh mepad kudeng taman-tinan luk temido anak bulengdeh. Idi aco sineh pelaba susa' macing kekipedneh.

NAHUM 1:10

Mepad kudeng tabpa' luk mepamung idi geramih luk tekering muyuh miak sabpen!

LUKAS 12:20

Iamo' Allah nepebala neneh, ‘O bacé! Malem ini teh ulunmu miak lapen rat namu; idéké luk ngalap amung binaweh luk dinugmu ineh?”

LUKAS 13:28

Idi su ineh muyuh tangi'-tangi' idi pekatep lipen, kareb muyuh nier Ibrahim, Isak, idi Yakub, idi amung-amung nabi bang Imet Allah, iamo' muyuh sebuleng duken remuat.

LUKAS 6:24

“Iamo' mesusa' kuan muyuh luk lun do' nekini; ngaceku muyuh do' udeng bang tana' ini!

LUKAS 6:26

“Mesusa' kuan muyuh kareb muyuh buren amung-amung lemulun, ngaceku kudeng ineh teh luk inau' tepundeh kuan nabi-nabi luk mebalih.”

LUKAS 8:53

Idi ideh meriruh idi nesitunga Neneh, ngaceku ideh kali' neneh pangeh naté.

EPESUS 5:4

Idi teh na petulu muyuh ngeruat bala luk melutak, bala luk mebacé, idi bala luk na petulu tetanen. Iamo' meluun do' maré ubur.

1 TESALONIKA 5:3

Kareb lemulun pebala, “Pelaba do' ali idi do' udeng,” idi denak-denak até macing kuandeh, mepad kudeng luk mét nenganak kuan seburur decur luk mali'. Idi na tu-tu ideh miak muit bururdeh.

YAKUB 4:9

Do' nginuud dengan temido idi nangi', idi do' riruh muyuh mangun ku tido, idi awang muyuh mangun ku susa'.

BALA LUK LINIO 3:17

Ngaceku iko pebala, ui lun do', idi ui pangeh nengalap mula' binaweh, sebuleng pana' nateh luk na idi negku; iamo' na iko kali' iko selemulun luk dat, luk inan méi', luk masi', mebuser, idi lubpa.

SEMUIL LUK PUN-PUN 2:5

Lun luk mebor atun masui bururdeh ku akan. Idi lun luk melau na melau peh. Decur luk na anak miak nenganak tudu' anak. Idi luk mula' anak na inan anak ketecan.