LUKAS 6:23 - BALA LUK DO'

²³ Do' muyuh mawang niat idi sikau'-sikau' ku awang niat muyuh kareb aco ineh; ngaceku rayeh tabpar muyuh déi' surga. Ngaceku kudeng ineh teh luk inau' tepundeh.

LUKAS 6:23 Iomraidhean Croise

SEMUIL LUK KEDUEH 6:16

Kareb Pati' ineh nacing bang bawang, denak-denak Mikal Saul nenier rat bang tabuk ruma'neh. Idi ieh nenier Raca' Daud ngalai uput-uput pa kiung Tuhan, idi ieh nengia' neneh bang niatneh.

RACA'-RACA' LUK PUN-PUN 18:4

idi kareb Isabel nengaté amung nabi Tuhan, idi Obadia nengalap meratu lun nabi, idi ieh nengapung nedeh ineh, limeh ngepulu' burur bang aceh lubang batu. Idi ieh nemaman nedeh ineh ku ruti idi abpa'.)

RACA'-RACA' LUK PUN-PUN 19:10

Idi kebala Elia, “O Tuhan Allah luk Melalud, rat mon ui ngakem kuanMu sebuleng mo'. Iamo' lun Israil pangeh nengelaba jani'deh Namu. Ideh nengusag amung bubpunMu idi nengaté amung nabiMu. Idi ui mo' sebuleng ketecan. Idi ideh sikal ngaté negku.”

RACA'-RACA' LUK PUN-PUN 19:14

Idi kebala Elia, “O Tuhan Allah luk Melalud, rat mon ui ngakem kuanMu sebuleng mo'. Iamo' lun Israil pangeh nengelaba jani'deh Namu. Ideh nengusag amung bubpunMu, idi nengaté amung nabiMu. Idi ui mo' sebuleng ketecan. Idi ideh sikal ngaté negku.”

RACA'-RACA' LUK PUN-PUN 19:2

Idi Isabel nengecuk nelun dukenneh mada' ni Elia, kebalaneh, “Nima' amung allah ngaté negku, kudeng ui na ngaté namu, mepad kudeng iko nengaté nabi ineh bang kareb luk kudeng ini nebpa.”

RACA'-RACA' LUK PUN-PUN 21:20

Idi kebala Akab ni Elia, “Pangehké iko kali' negku, O bunu'ku!” Idi kebala Elia, “Matu ui kali' namu. Iamo' iko pangeh nemasui bururmu idi pangeh nenganau' luk dat pa kiung Tuhan.

RACA'-RACA' LUK PUN-PUN 22:27

Idi ngecuk nedidueh, Kebala raca', ‘Nipa lemulun ini bang tutup. Idi maré neneh sesuut ruti idi abpa' mo' pad macing ui muli' dengan do'.’ ”

RACA'-RACA' LUK PUN-PUN 22:8

Kebala Raca' Akab, “Inan teh seburur luk miak tunin tau, ieh ineh Mikaya Imla, iamo' ui megateh neneh, ngaceku sesuut pana' nateh balaneh do' negku. Iamo' ieh pelaba dat bala.” Idi kebala Yosapat, “Aleg iko pebala kudeng ineh.”

RACA'-RACA' LUK KEDUEH 6:31

Idi kebala raca', “Do' Tuhan ngaté negku, kudeng na uluh Elisa Sapat ineh kelebpen aco sini.”

INUL LUK KEDUEH 36:16

Iamo' ideh nesitunga nelun luk icuk Allah ineh. Idi ideh nengesala' amung baladeh. Idi ideh meriruh inan amung nabiNeh, pad Tuhan pelaba useh nedeh, idi usehNeh ineh na miak uen ngagka'.

NEHEMIA 9:26

“Iamo' pupuMu sikal metueh rat Namu idi na maya' balaMu; ideh neteketed ratnan UkumMu. Ideh nengaté amung nabi luk nemada' nedeh, idi luk nengecuk nedeh lumi Namu. Idi ideh megéi' ngedat Namu,

NANI UBUR 58:11

Lemulun miak pebala, “Kali' rungen inan tabpar kuan lemulun luk matu; idi kali' rungen inan Allah luk ngukum tana' ini!”

YESAYA 35:6

Lun luk meliai miak sikau' idi ngalai, idi lun mebegkeh ngitang ku awang niatdeh. Abpa' arur miak manud déi' su lu luk ali-ali;

YEREMIA 2:30

Ui nengukum nemuyuh, iamo' na ulekneh, ngaceku muyuh na pian badén. Muyuh nengaté nabi muyuh, mepad kudeng balang luk mesangit.

MALAKI 4:1

Kebala Tuhan luk Melalud, “Ngerawé' do'-do', kareb aco ineh macing, amung-amung lemulun luk medita' niat idi luk dat miak meseb mepad kudeng geramih. Kareb aco ineh ideh meseb pad na luk ketecan.

MATIUS 5:12

Do' muyuh geriguen idi mawang niat, ngaceku rayeh tu tabpar muyuh déi' surga; ngaceku kudeng ineh teh amung-amung nabi luk atun rat nemuyuh pangeh pidereh teh.

LUKAS 1:41

Kareb Elisabet neninger tabi' Mariam ineh, idi anak luk bang nakanneh ineh pana' nesigio, idi Elisabet pana' nepanu' ku Roh Meligan.

LUKAS 1:44

Ngaceku kareb ui neninger tabi'mu ineh anak luk bang nakanku pana' nesigio ngaceku awang niatneh.

LUKAS 6:35

Na! Do' muyuh mawa inan bunu' muyuh idi nganau' luk do' kuandeh, idi maré luk kebiten dengan na merapet miak ngalap lemubed. Idi muyuh miak ngalap tabpar luk rayeh, pad muyuh mangun ku anak-anak Allah luk Meluun Dita'. Ngaceku Ieh mawa kuan lemulun na maré ubur idi luk dat pana'.

KEKAMEN RASUL-RASUL 14:10

idi kebala Paulus dengan bala luk rayeh, “Tuped iko!” Idi ieh nesikau'-sikau' idi petacu nalan.

KEKAMEN RASUL-RASUL 3:8

Idi ieh nesikau' idi netuped, idi petacu nenalan, idi nesemuet bang Ruma' Allah dengan didueh, idi nenalan idi nesikau'-sikau' nengubur Allah.

KEKAMEN RASUL-RASUL 5:41

Idi rasul-rasul ineh neburo rat pa kiung tebubpun besara' ineh dengan mawang niat ngaceku ideh tirawé Allah mayu mekaneh dereh ngaceku ngadan Yésus.

SURAT LUK BIRE PAULUS KUAN LUN RUM 5:3

Idi teh tau mawang niat bang luk medereh pana', ngaceku tau kali' idi dereh ineh ngacing ulai niat,

2 KORINTUS 12:10

Ini punneh amung-amung laya', kediman, asi', dereh idi susa' mangun ku awang kuanku ngaceku Kristus. Ngaceku kareb ui melaya', kareb ineh teh ui metueh peh.

KOLOSE 1:24

Idi nekini ui kali' mawang niat ratnan amung-amung dereh luk ilapku ngaceku muyuh, pad ui ngabud luk ketecan ratnan dereh Keristus bang bururku, ngaceku bururNeh, ieh ineh sidang.

2 TIMOTIUS 2:12

Kudeng tau megéi' medereh tau miak ngimet pad-pad denganNeh. Kudeng tau ngalum Neneh, Ieh pana' ngalum netau.

IBERANI 11:26

Ngaceku bang terawéneh kediman ngaceku Keristus meluun rayeh raganeh rantan amung-amung binaweh Masir, ngaceku ieh nengerawé tabpar luk miak macing.

IBERANI 11:6

Seburur pana' na miak ngawang niat Allah kudeng na luk idi anu. Ngaceku lemulun luk amé' matun Allah ineh na miak na manu ratnan Allah ineh idi, idi Ieh maré tabpar kuan lemulun luk nakap Neneh.

YAKUB 1:2

O kinanak-kinanakku, kareb muyuh mebpeh bang anid-anid tutun, do' mala amungneh ineh mangun ku awang mo';

1 PETRUS 4:13

Iamo' do' muyuh mawang niat ngaceku muyuh miak ngalap babpat ratnan dereh Keristus, pad muyuh mepanu' ku awang, kareb rayehNeh uen ngelio.

BALA LUK LINIO 2:17

“Idé luk inan lalid, do' ieh ninger bala Roh luk kuan amung-amung sidang! “Kuan lemulun luk metueh Ui maré manna luk inapung ineh, idi Ui maré kuanneh aceh batu luk mebuda', idi luun batu ineh inayud aceh ngadan luk mebaruh luk na miak kali' seburur lemulun pana', iamo' lemulun luk ngalap ineh mo' luk kali'.

BALA LUK LINIO 2:26

Kuan lemulun luk metueh idi luk lutep nganau' luk pianKu macing kekipedneh, Ui miak maré lalud, mepad kudeng luk ilapKu ratnan TamanKu: Ui miak maré kuandeh lalud pa luun amung-amung pupu, pad ideh ngimet nedeh dengan rukud belawan, idi mila' nedeh mepad kudeng kuden. Idi teh Ui maré kuandeh gituen pekak.

BALA LUK LINIO 2:7

“Idé luk inan lalid, do' ieh ninger bala Roh luk kuan amung-amung sidang! “Kuan lemulun luk ngalap tueh, Ui miak maré akan luk ratnan bua' lawa ulun luk bang Kabun Allah.

BALA LUK LINIO 21:7

Lemulun luk metueh miak ngalap ineh rat Negku Ui ini miak mangun ku Allahneh, idi ieh mangun ku anakKu.

BALA LUK LINIO 3:12

Ui sikal nganau' lemulun luk metueh mangun ku aceh diri bang ruma' AllahKu, idi na tu-tu ieh miak remuat rat déi'. Idi Ui ngayud luunneh ngadan AllahKu idi ngadan bawang AllahKu, ieh ineh Yerusalim luk mebaruh luk temurun rat surga ratnan AllahKu ineh, idi teh Ui ngayud luunneh ngadanKu luk mebaruh ineh.

BALA LUK LINIO 3:5

Lemulun luk metueh miak uen ngayung ku ayung luk mebuda', idi na tu-tu Ui miak ngiu' ngadandeh rat bang surat ulun ineh. Ui miak ngamo ngadandeh pa kiung TamanKu idi pa kiung melaikat-melaikatNeh.