LUKAS 6:22 - BALA LUK DO'

²² “Samal kuan muyuh kareb lemulun megateh nemuyuh, idi ngatad nemuyuh rat arangdeh, idi ngedat nemuyuh idi ngesala' nemuyuh, ngaceku ratnan Anak-Lemulun.

LUKAS 6:22 Iomraidhean Croise

YESAYA 65:5

Ideh ngecuk lun baken na muneng nedeh, ngaceku ideh meligan idi na miak kamen. Ui megateh inan lemulun luk kudeng ineh — usehKu nedeh mepad kudeng apui luk na maté.

YESAYA 66:5

O muyuh luk matot inan Tuhan idi luk maya' ukumNeh, do' ninger balaNeh: “Sebuang pupu muyuh megateh nemuyuh idi na sikal perurum nemuyuh, ngaceku muyuh lutep maya' Negku. Ideh situnga nemuyuh, kebaladeh, ‘Kai pian nier nemuyuh mawang niat, nima' Tuhan ngegala' rayehNeh pad ngulun nemuyuh.’ Iamo' ideh ineh luk uen ngigu'!

MATIUS 10:18

Idi teh muyuh miak itendeh amé' besara' pa kiung lun luk ngimet idi raca'-raca' ngaceku Ui, pad muyuh mada' Bala luk Do' pa kiungdeh idi pa kiung lun pupu baken teh.

MATIUS 10:22

Muyuh miak inan amung-amung lemulun megateh ngaceku ngadanKu; iamo' lemulun luk tuman pad macing kekipedneh uen ngulun.

MATIUS 10:39

Lemulun luk ngerawé ulunneh sebuleng, na miak ngalap ulun luk matu; iamo' lemulun luk na ngerawé ulunneh sebuleng ngaceku Ui, ieh luk miak ngalap ulun luk matu.

LUKAS 20:15

Idi ideh nenala' neneh rat bang kabun ineh idi nengaté neneh. “Nekini anunké luk ruen tuan kabun anggur ineh kuan lun matar kabun ineh?

LUKAS 21:17

Muyuh miak inan amung-amung lemulun megateh ngaceku ngadanKu.

LUKAS 6:21

“Samal kuan muyuh luk melau nekini; ngaceku muyuh miak uen ngebor. “Samal kuan muyuh luk nangi' nekini; ngaceku muyuh miak meriruh.

YAHYA 12:42

Sagan pana' kudeng ineh, mula' rat arang lun rayeh-rayeh manu inan Yésus, iamo' ngaceku ratnan lun Parisi ideh na mekuu' ngamo, pad ideh na talan rat bang ruma' sembayang.

YAHYA 16:2

Idi muyuh miak uen lun masut rat bang ruma' sembayang. Matu, karebneh miak macing, idi idé-idé luk ngaté nemuyuh miak ngerawé ieh nganau' luk do' kuan Allah.

YAHYA 17:14

Ui ini nengacing balaMu kuandeh; idi uang tana' ini megateh nedeh, ngaceku ideh baken ratnan tana' ini, mepad kudeng Ui teh baken ratnan tana' ini.

YAHYA 7:7

Uang tana' ini na megateh nemuyuh iamo' ieh megateh Negku, ngaceku ui ngegala' ratnan amung-amung kekamendeh luk dat.

YAHYA 9:34

Idi ideh nengor balaneh, keburi'deh, “Matu iko ini tinganak bang sala', idi iko sikal mada' nekaiké?” Idi ideh nenala' neneh rat bang ruma' sembayang.

KEKAMEN RASUL-RASUL 22:22

Lun mula' neninger bala Paulus macing ieni mo'; idi ideh nengitang, keburi'deh, “Nala' neneh! Ngaté neneh! Na ieh petulu mulun teh.”

KEKAMEN RASUL-RASUL 24:5

Kai pangeh nekali' idi lun ini lemulun luk dat. Ieh nengimun ria' kuan lun Yahudi aput tana' ini, idi ieh mangun ku lun rayeh babpat Nasarét.

KEKAMEN RASUL-RASUL 9:16

Idi Ui sebuleng sikal mada' kuanneh, tuda'-tuda' dereh luk miak kali'neh ngaceku ngadanKu.”

YAKUB 1:12

Samal kuan lemulun luk mulai niat mabeh amung-amung tutun, ngaceku pangeh ieh tuman ratnan tutun, ieh miak ngalap pata ulun, luk pijani' Tuhan kuan amung-amung lemulun luk mawa Neneh.

1 PETRUS 3:14

Iamo' kudeng muyuh ngalap dereh ngaceku ratnan luk matu, samal kuan muyuh. Aleg matot ku lemulun, idi aleg muyuh merapang.