LUKAS 6:21 - BALA LUK DO'

²¹ “Samal kuan muyuh luk melau nekini; ngaceku muyuh miak uen ngebor. “Samal kuan muyuh luk nangi' nekini; ngaceku muyuh miak meriruh.

LUKAS 6:21 Iomraidhean Croise

PUDUT 17:17

Idi Ibrahim netekunal idi meriruh, keterawéneh, “Miakké seburur lemulun luk ulun meratu lak inan anak? Miakké Sara luk ulun iwa' ngepulu' lak inan anak?”

PUDUT 21:6

Idi kebala Sara, “Allah nenganau' negku mawang niat idi meriruh, pad amung-amung lemulun luk ninger bala ineh miak meriruh denganku.”

NANI UBUR 107:9

Ieh ngato paring lemulun luk meparing, idi ngebor lemulun luk melau ku akan luk do'.

NANI UBUR 119:136

Ui pelaba tangi', ngaceku lemulun na maya' balaMu.

NANI UBUR 143:6

Ui ngegenang ticu'ku idi sembayang Namu; niatku meparing ngerawé Namu, mepad kudeng tana' luk metugeh.

NANI UBUR 17:15

Iamo' ui miak nier Namu, ngaceku ui luk matu, kareb ui tumui, ui miak mepanu' ku awang, ngaceku Iko idi denganKu.

NANI UBUR 28:7

Tuhan matar negku idi ngelibung negku idi ui merapet Neneh; Ieh ngedengan negku, pad ui mawang niat idi menani ubur kuanNeh.

NANI UBUR 65:4

Samal kuan lemulun luk pilinMu, idi luk itenMu tudo bang su inan luk meligan! Kai miak mebor ku amung luk do' bang ruma'Mu, idi peruan luk bang ruma'Mu luk meligan!

YESAYA 25:6

Luun Pegkung Sion ini Tuhan luk Melalud miak nganau' aceh irau kuan amung pupu bang tana' ini — dengan akan idi abpa' anggur luk meluun do'.

YESAYA 30:19

O pupu Sion luk tudo déi' Yerusalim, na muyuh miak nangi' peh. Tuhan méi' nemuyuh, idi kareb muyuh ngitang mutuh pedengan, Ieh miak ngor bala muyuh.

YESAYA 66:10

O muyuh luk mawa inan bawang Yerusalim, do' muyuh mawang niat idi do' ria' ku ieh! O muyuh luk netemido neneh atun, do' muyuh mawang niat ku ieh!

YEREMIA 13:17

Kudeng muyuh na ninger, ui miak nangi' dengan lulem ngaceku dita' niat muyuh. Ui miak nangi', pad abpa' matehku mebpeh, ngaceku pupu Tuhan pangeh tiban.

YEREMIA 31:25

Ui miak ngato erur lemulun luk merur idi ngebor lemulun luk melaya' ngaceku melau.

YEREMIA 31:9

PupuKu miak lemubed dengan nangi', idi sembayang kareb Ui nguit nedeh muli'. Ui miak nguyut nedeh macing inan arur, idi maya' dalan luk do', pad ideh na metebaceng. Ui ini mepad kudeng taman lun Israil, idi Epraim, ieh ineh anakKu luk atun.

YEREMIA 9:1

Kudeng uluhku bued abpa', idi matehku mepanu' ku abpa' mateh, ui miak nangi' tebaco kedangan kuan pupuku luk pangeh pinaté.

YEHISKIEL 7:16

Sebuang buro amé' luun pegkung mepad kudeng sukur luk matot, iamo' ngaceku sala'deh ideh miak maté.

YEHISKIEL 9:4

“Do' amé' nalan aput bawang Yerusalim, idi nganau' aceh tanu' luun madu' amung lemulun luk mesusa' niat ngaceku amung kekamen luk dat luk ruen lun bang bawang ineh.”

MATIUS 5:4

“Samal kuan lemulun luk mesusa' niat, ngaceku ideh miak buken Allah peh.

MATIUS 5:6

“Samal kuan lemulun luk melau idi meparingku luk matu, ngaceku ideh miak uen ngebor.

LUKAS 1:53

Lemulun luk melau binorNeh ku luk do', idi lemulun luk lun do' icukNeh buro dengan na uang.

LUKAS 6:20

Yésus nenier anak-anak sekola'Neh idi nepebala, “Samal kuan muyuh luk masi'; ngaceku muyuh luk kuan Imet Allah.

LUKAS 6:22

“Samal kuan muyuh kareb lemulun megateh nemuyuh, idi ngatad nemuyuh rat arangdeh, idi ngedat nemuyuh idi ngesala' nemuyuh, ngaceku ratnan Anak-Lemulun.

LUKAS 6:25

“Mesusa' kuan muyuh luk mebor nekini; ngaceku muyuh melau muci! “Mesusa' kuan muyuh luk meriruh nekini; ngaceku muyuh temido idi nangi' muci!

YAHYA 11:35

Yésus nangi'.

YAHYA 4:10

Idi kebala Yésus, ‘Kudeng iko kali' katu Allah idi idé Lemulun luk mutuh namu maré luk rupen, na miak na iko mutuh rat Neneh, pad Ieh maré abpa' luk mulun kuanmu.”

YAHYA 6:35

Idi kebala Yésus nedeh, “Ui ini Ruti Ulun ineh; lemulun luk macing Negku, na ieh miak melau peh, idi lemulun luk manu Negku, na ieh miak meparing teh.

1 KORINTUS 4:11

Macing nekini kai kali' melau, idi meparing, lubpa, idi bebalen, idi na ruma' inan tudo,

2 KORINTUS 11:27

Ui merur bang kekamen luk meberat. Megéi' ui na rudap. Megéi' ui melau idi meparing. Megéi' ui na petap akan idi ayung, idi na luk inan rudap.

2 KORINTUS 12:10

Ini punneh amung-amung laya', kediman, asi', dereh idi susa' mangun ku awang kuanku ngaceku Kristus. Ngaceku kareb ui melaya', kareb ineh teh ui metueh peh.

2 KORINTUS 6:10

Sagan pana' kai uen ngesusa', iamo' kai megéi' mawang niat; ayuneh kai masi', iamo' kai nganau' mula' lemulun mangun ku lun do'. Ayuneh kai na binaweh, iamo' setuneh kai inan luk amung-amung.

YAKUB 1:12

Samal kuan lemulun luk mulai niat mabeh amung-amung tutun, ngaceku pangeh ieh tuman ratnan tutun, ieh miak ngalap pata ulun, luk pijani' Tuhan kuan amung-amung lemulun luk mawa Neneh.

BALA LUK LINIO 21:3

Ui neninger aceh arod luk rayeh rat bang kerusi ineh kebalaneh, “Ngerawé do'-do'! Su luk inan Allah mudeng nekini idi pad-pad dengan lemulun! Ieh miak tudo pad-pad dengan lemulun idi ideh miak amngun ku pupuNeh. Allah sebuleng miak tudo dengandeh, idi mangun ku Allahdeh.

BALA LUK LINIO 7:16

Na ideh miak melau idi meparing teh, idi na ideh ketukan lau' mateh aco idi anun-anun luk melau' pana'.